September 2, 2025

Gospel: Luke 4:31-37

Khuachia tlaihmi Damternak

Nawlngeihnak a ngeimi minung kha zeitindah kan chim lai? Mi pakhat nih nawlngeihnak a ngeih cu amah cu catialtu le sertu a si caah a si. Zumh awk tlak deuh le bochan tlak deuh in bia a chimtu cu a si. Asinain Pathian cu sermi thil vialte sertu le tuahtu a si caah nawlngeitu sangbik a si. Cun Pathian zong nih midang hmang in a kan uk. Mithiang Paul nih “Nawlngeihnak vialte cu Pathian sinin a rami a si” a ti. Cucaah phungning tein nawlngeihnak vialte kha kan upat hna i an nawl kan ngaih hna awk a si. A si lo ahcun, zeidah kan zulh lai ti hngal loin buainak ah kan dong lai.

Mi pakhatkhat nih a lakmi le a cawnpiakmi bantukin, Pathian nih a a sermi Khrihfabu chung i nawlngeihnak cu a dot in uknak a si. Mipi sinin a rami si loin Pathian sinin a rami a si. Khatlei kam in, rammi nawlngeihnak cu lam phunphun in a ra kho nain Pathian zong a ra ve. Khrihfa hna nih caan tawite chungah Pathian aiawhtu rammi nawlngeihnak kha an zulh awk a si. Khrihfa thinlung ah a biaknak zumhawktlak a sinak le a ram caah zumhawktlak a sinak karlak ah buainak a um lo. An pahnih in nunnak ah aa dangmi Pathian kha an chim duhmi a si.

Nihin thawngṭha ah Jesuh nih nawlngeihnak he a chim, zeicahtiah ahohmanh nih an chim bal lomi Pathian bia kha a chim. Rabbi pawl nih an cawnpiak hna tikah an chimmi kha nawlngeitu dang hna nih an chimmi bia in an dirpi. Profet pawl nih nawlngeihnak pekmi he bia an chim: “Bawipa nih hitihin a ti.” Jesuh nih bia a chim tikah a chimmi bia dirkamhtu nawlngeitu a herh lo. Amah cu minung ah aa cangmi nawlngeihnak a si, Pathian Bia cu minung ah a cang. A chim tikah Pathian nih a chim. Pathian bia hi zeitindah kan lehrulh? Thimmi nawlngaihnak he maw kan ngaih asiloah zumhnak le nawlngaihnak tling he dah?

Jesuh zong nih nawl ngeihnak le ṭhawnnak he khuachia hna cu chuak u tiah nawl a pek hna. Jesuh nih ṭhatlonak a um kha biapituk ah a chiah. Dai tein nawlngeihnak he pumhnak inn chung i mipa chungin thlarau ṭhalo kha a ṭhawl hna. Hihi kanmah he zeidah aa pehtlaih? Tlangbawi  pakhat nih ṭhatlonak cu a um taktakmi a si tiah a ti. Tukforhnak kan ton tikah, tukforhnak ah kan i pek tikah, tuah kan i timh taktak lomi thil kan tuah tikah, kan chiaṭha thleidannak lungthin aw kha zei rel loin kan um tikah kanmah le kanmah ṭhatlonak kan tong. Kan pawngkam minung hna, kan zatlang nun, vawlei cungah thil thalo kan tong. Caan tampi ah kan zatlang nun cu ṭhatlonak nih a khuh tiah kan ruah tawn. Zeidah kan tuah? Mithiang Paul nih ṭhatlonak kan ton tikah kan ngeih a herhmi lungput hrampi ah a kan hruai; a ti.  Thiang Thlarau forhfialnak zulh awkah, cu nih cun ṭhatlonak a luhter lo i mi pakhat nunnak ah a karhter lo.