Mithiang John Eudues

Friday, August 20, 202

            Lungthin thiang i lamkaltu a simi mithiang John Eudes cu 1601 kum ah France ram ah a chuak. Amah cu a nule pa duhnak kha aral chanh i Parish khua um chimrelbu (Congregation of the Oratory) ah a lut. Ṭ hatein a zuam caah Siangbawi a sihlan tein phungchimnak nawl a ngei. Siangbawi cannak a hmuh hnu ah a laarmi thawngṭha phuannak rian ah kum saunawnpi a ṭuan. Amah chanlio i a laarbikmi thawngṭha chimmi hna chungin pakhat a sive. Amah nih “Phungchim tu cu bunbuk kha a tuk. Asinain biatak kha tehte a khaantu nih vate hna kha an tlaih” tiah a chim ṭheu. Amah i mission rian a ṭuannak ah Siangbawi hna cu an Tuurun hna nakin remh a herh deuh kha a hmuh. Cu caah 1643 kum ah tlangau buin a ṭhen i Jesuh le Mary bu (Congregation of Jesus and Mary) kha an thawk. Amah bu hna cu Brother Siangngakchia hna le an rianṭuannak peng i Siangbawi le Brother hna kha zohkhenh dingah an pum a ni pekcio.

            St. John Eudes cu Jesuh le Bawinu Mary i an lungthinthiang kha a upat ngaimi a si. 1670 kum ah cun amah nih “Biakawktlak Jesuh lungthin thiang upat nak” timi cauk pakhat a chuah. Mah cauk chungah Missa Biaknakphung le thlacamnak hna a tel. Ahnu kumli a rauh hnuah ceunak pek a sinak cu lungthin thiang nih mithiang nu Magaret Mary Alagoguay kha biathlam in a chimhnak in a hmunter. Amah cu kum 1680 ah a thi i 1925 kum ah mithiang an pek. A chimtak mi ah minthang mi cu, Missa tuah tikah a dong kho lo mi sining pathum a herh a ti. (Pakhat nak) Hmasabik ah i remh chung awk, pahnih nakah tuahser awk le pathum nak ahcun mah Missa caah lunglawmh nak chim” hna an si.