Mithiang Joachim le Mithiang Anne

Monday, July 26, 2021

Kan nu Bupi nih cun mithiang Joachim le mithiang nu Anne hna kha nungakthiang Maria i a nu le a pa tiah a upatmi hna an si. Anmah kong kha mithiang James i thawngṭhabia ah kan hmuh khawh. Mah Bible cu St. James nih kum zabu pahnih ah khan a rak ṭial. A si kho bikmi cu Grace (Thluachuah) tiah sullam a ngei mi Anne kha Vancungmi nih Anne kha, vawlei pumpi nih an thangṭhat hnga mi nungakthiang kha na pawilai tiah a rak chim.

Kum zabu 6 ah Constantinopel khua ah Biakinn pakhat kha amah minin pekchanhnak an rak ngei. Chanlai zabu ahcun mi hna i upatnak kha tampi a hmuh. Mithiang Joachim tu cu kum zabu 16 thawk lawngah upatnak kha a hmuh. Amah cu Maria a ngakchiat lioah Bible thiang rel awkah a cawnpiaktu a si an ti.