Carmel Tlang ah Bawinu Mary langhnak

Friday, July 16, 2021

Carmel Bawinu cu Israel ram chung um methe rili kha hmai a hoih mi a dawh ngai mi a ki ah a um mi Carmelite Zateik Biakinn le Zateik hna kha a zohkhenhtu a si. Profet Elizah 850 BC chan thawk in Carmel tlang cu a thiang mi hmun, Pathian cungah minung nih biakam hmelchunhnak tiah an ti mi a si. Mah hnun ah hin profet Elizah nih Baal khuachia cungah zungzal hmunmi Pathian i nawl a ngeih nak, Isarael miphun hna sinah langhter dingin a pumhter hna. Kum 1150 kum ah mithiang Bethol cu Pathian Bawinu zohkhenhnak tangah a chiah i Carmelite bu kha a thawk.

Sifah tuar khawhnak, sa ulh nak, lung daih tein umnak ti mi hna, a harmi upadi hna kha a ser. Crusade ral dohnak a dih hnu ah mithiang Simon Stout nih Lemkaltu rianṭuan tikah fawideuh le a ṭha deuh dingin Carmelite bu kha kenkip ah thilhal mi Siangbawi bu ah a thlen ṭhan. Zabu 16 chungah Calced Carmelites timi St. Simon Stout i a dor deuh mi zulphung a zulmi hna le Discaled Carmelites timi St. John (vailamtah i John) i a thlen mi hnu a zul mi hna tiah a ni ṭhen.

Carmelite Sister bu chungah zabu 16 ah villa in mithiang nu Theresa a thawk mi Discaled Carmelites bu cu a ṭhabik a si. Carmel tlang Scapula kha tlaihchannak cu Bawinu nih a pektak mi biathlam cungah aa hngat. 1251 kum July 16 ni ah Bawinu nih England ram Cambrade um Carmelites bu a lu bik St. Sion Stout sinah a lang. Bawinu nih a pawlmi scapula kha a pek i mah scapula a hruk mi paoh nih ṭha deuhin zohkhenhnak an in lawng si loin van thluachuah zong kha an hmuh te lai” tiah a chimtak. Cu hnuah hi upat peknak kha Europe ram kipah a karh chin.