Rili cungah Hnawm hlonnak
Rilipi chungah palastic hnawm hlon cu upadi buarnak a si tiah Pope Francis nih a chimh
Tiva hna, rili thuamthum hna chungah palastic hnawm hlonh cu upadi buarter mi sual a sinak kong, Minung hna nih hmailei caan mino hna caah vawleipi khamh kan duh a si ahcun hibantuk tuahnak hi i din in ngol ding a sinak kong kha Pope Francis nih February thla ni (6), zuknung he ton biahalnak pakhat ah a chimh.
RAI zuknung channel pa (3) nak he sml pakhat tluk ton biahalnak program ah Pope nih amah i Pope he pehtlaimi a biapit mi thil a cheukhat kha a chimnolh i hriamnam a luan in hmannak kha sual a phawt i, hmundang ah an i ṭhial i aa zaam mi hna i coawk a khuan lei in a vennak kong le Bupi chung i thilhlun tlaihchantu hna i, an i hruhchihnak lungput kha soiselnak a tuah.
Kokek pawngkam zohkhenh cu Pope i a hram tlakrawh pakhat a siter baltu, a luancia kumkhat hrawng ah Italian ngatlaitu hna a sinah an ratnak kong, Adriatic rili hmai ah palastic ṭan (ton) tampi an hmuhmi an chimnak kong, voikhat cu anmah hna he an i tonṭhan tikah palastic cu a hlannak in lehhnih tam in an hmuhnak le cu palastic cheukhat cu anmah pumpak nih an thianhnak kong kha a chim ṭhan.
Rili cungah palastic hlon cu upadi buar sualnak pakhat a si. Cu hna nih nunnak ngei phunzakip aa dangmi ci, vawleipi le zeizong vialte zong an thihter tiah Pope nih a chimh.
Ral he pehtlaihin an hal tikah kumkhat hrawng hriamnam chuahlo in kan i din a si ahcun vawleipi kan cawm kho lai i, fim chimkhawh a si lainak kong, kannih cu raltuknak he kan i hawikomh cangnak kong le hi thil sining cang cu cohlan a har ko lai nain ahmaanmi a sinak kong kha a chimh.
‘Zeibantuk hriamnam a si ticu a chimlo na tein nuclear hriamnam hna kham hrimhrim dingah Pope nih zaangfah a nawlbal i hibantuk hriamnam phun cu himnak caah i chiah a sizong ah pumpak nunzia hrawhnak pakhat a si’ tiah a chimbal. Cuhleiah bawmhnak a herhbik mi hna bawmding ah le hmailei ah i chonhkhomi zawtnak hna kha i hlat in hriamnam hna ca i hmanmi hna kha lam pialter cio ding zongah a hal hna.
#1001news