Ṭhihphaihnak Paohpaoh cu
Mithiang John Paul II
“Ramkhat le khat i a chuakmi i alnak hna kha khuakhan ṭinak lawnglawng in a phi kawlkhawh a si i hriamnam in fianter tlak a silo zia kha minung nih biapi deuhdeuh ah an chiah cang tiah Pope John (23) nih a rak ṭial. 4 Cf. Pacem in Terris n. 126
Ṭhihphaih ningcang cu hrawhnak muisam a keng. Cucaah Pope Pius-VIII nih “Daihnak ruangah thil zeihmanh a sungh kho lo. Raltuknak ruangah thil zeizongte sungh khawh a si” tiah ralrinnak a rak pek.5 Cu asi caah ṭhihphaih ningcang kha kan hlawtcio lai. 5. Cf. Pacem in Terris n. 116
Pope Francis nih Albania ram (September 21-2014) kum ah a va tlawnlio ah ṭhihphaihnak kha a rak soisel. Amah nih “ṭhihphaihnak le sersat tlaihkhipnak hna tuah ko ṭung i mah pumpak kha Pathian i thir angki thuam tiah min i bunh khawh a silo. Biaknak phung kha konglam chimrel i minung huham he aa rachanhm mi tuahsernak hna, Pa paohpaoh le nu paohpaoh i huham he a ralchanh mi umtu ziaza hna, abiapi bikmi cu minung tinvo le mikip biaknak lei zalennak kha a ralchan mi umtu ziaza hna kha tuah hlah uh” tiah a rak ti hna (cf, CNN).
Mithiang John Pawl II nih cun fehternak a rak tuah rihmi cu “ṭhihphaihnak ningcang in mi a thatmi hna cu, minung hna kha a lung a rawhmi hna, mah pumcung ah lungrawk mi hna, hmailei caah lungrawh mi hna an si i annih hmuhnak ah, zeizongte hi huat ding a si, hrawhding a si timi zumhnak a ngeimi hna an si” tiah a ti, (St. John Paul II message for 2002, World day of Peace, 6.)
Minung hna cu, mah le tinvo cio kha ningcang tein hal tikah ṭhihkphaihnak lam kha hman cio lo ding le dai tein hnaihnok lo lam in upadi richung ah nan halcio awk a silai. Ṭhihphaihnak paohpaoh cu vawlei pumpi caah hrawhnak a si i minung ṭhanchonak le daihnak kha a ralchanh. zungzal.
Olive dum i amah le Zultu hna kha Tlawngbawi ngan hna le a hnuzul hna nih ahmaanlo in an ra tlaihlio ah St. Peter nih vainam aa zuh i a rak tuk caah cu hna lakin pakhat pa hnakhaw a pet. Bawipa Jesuh nih ṭhihphaihnak kha ṭhihphaihnak in lehrulh awk ah tha a rak pe lo. “Bawipa” nih St. Peter kha “Na nam cu a kawng ah sawhṭhan ko, zeicah tiah hriamnam a lami cu hriamnam in an thi lai (Mt. 26:52) a rak ti, Ṭhihphaihnak kha ṭhihphaihnak in lehrulhnak zong cu buainak piahtana kha palh ngaiin fianternak a si ko lo maw?