Mithiang Bonaventure
Mithiang Bonaventure Puaini
Vancungmi Serabim he a pehtlai mi Bible lei thiamsang tiah minthang mi mithiang Bonaventure cu Italy ram Batnawregeo ah a chuak. Kum 22 a ti ah Franciscan phu ah a lut i a min zong kha John in “A nuammi hmai lei” tiah sullam a ngeimi Bonaventure tiah aa thlen. Amah cu fimthiamnak kha dihtiang cawn dingah Paris khua ah an thlah i St. Thomas Aquinas he a ni thei.
St.Thomas Aquinas nih fimnak hrampi cu zeidah a si tiah a hal tikah amah nih vailamtung kha a sawh piak. Amah nih hawihlei in hmaipanh tein a um zungzalnak cu a chimṭheu mi ” Thlarau lei lawmhnak cu minung thlarau ah hin aa thupmi Pathian velngeihnak a sangbik mi hmelchunhnak a si” timi bia kha theihngalh pinak a si.
Bonaventure cu Kum 35 a ti ah Franciscan phu i hruaitu ah an thim hnuah an phu chungah sifah innak biakkam kha a phunphun in suallam an chimnak ruangah lungawṭawm in i ṭhennak kha a remh ṭhan hna. Nikhat cu a rak lengmi St. Thomas nih St. Francis kong (biography) lungthin bunh in a ṭialmi Bonaventure kha thlalang awng zawn in a hei hmuh.
Cutikah Thomas nih ” Mithiang kha mithiang caah a ṭuan khawhnak dingin chia ko hna usih” tiah a chim i kaadang ah a kal. 1273 Kum ah Pope Gregory X nih Bonaventure kha Cardinal pek awkah kuzale a cheu kha Rome khua in a thlah hna. Annih nih Bonaventure kha Florence khua pawng i a ummi Biakinn ah Pakan a ṭawl lioah khan an va hmuh.
A rian ngoltak ding kha a duhlo caah Cardinal luchin le a dang thilthuam hna kha a pawng i thingkung cungah khan thlaitak uh tiah a ti hna. Bonaventure cu Kum 1274 ah France ram ah an tuahmi second Leon council ah a va kai lio ah a thi.
RVA Hakha Chin