Thetse ram le Ruahti ronak nicaan (June 17, 2020)
A rocar mi ram remh ding le kilven dingah vawleicung ramkip ummi vialte hna nih theih cionak hnga ding caah hi ni ahin kum fatin theihternak tuah a si. Hi bantukin a rocar cangmi vawlei hna remh khawh ṭhannak hnga ding caah khua nu khua pa si hna seh, phukip rianṭuantu si hna seh, mikip i fonh in theihternak le fimhchimhnak tuah ding ca zongah caanṭha pakhat zong a si. Khuati a ro tikah vawleicung um a nungmi vialte hna cungah harsatnak tam khun in a pek ṭheo tawn. Ruah a sur lo tikah ngandamnak lei in siseh (health), zatlaang nun (social) lei in siseh, ṭhanchonak he aa pehtlai mi (economic) lei in siseh, ramrian leikap in siseh (political), fahnak le ṭhatlonak tampi a chuahter. Thli dah tilo cun “Ti” cu minung kan nun khawhnak hnga ding caah a herhbik mi a si. Tulio thil sining hna kan zoh a si ahcun pawngkam thingram hna nih an herhmi nunnak pek khawh tiang dingin ti a tlawm cang caah, ti a ro a si ahcun, thil sining hna le nunnak a ngeimi hna cungah harsatnak tampi a chuahter khawh.
A tanglei i link ah zohkhawh a si 👇👇👇