Avoi (16) nak Synod General Council
Synod General Secretariat i avoi (16) nak Ordinary Council nih June 27, 2025 ah a voikhatnak pumpak tonnak cu Vatican ah an tuah i, Synod tuahsernak caah lamthluan hna kha phungning tein hnatlaknak an pek, cu cauk cu vawleicung pumpi i Khrihfabu hna kha synodality tuahsernak ah lamhruaitu ding caah sermi a si.
Nihnih chungah, council chungtel le ruahnak petu hna cu pumpak le online in an i tel i, Khrihfabu i a kal cuahmahmi synodal khualtlawnnak caah ahnubik kehlan pawl hngalh awkah an i pum, cu kalning nih cun vawleicung Catholic zatlangbu dihlak ah ngaihthiamnak, rianṭuan ṭinak le i telnak a chuahter peng.
Khrihfabu hruaitu hna nih hi ahnu ṭhen cu ahleiin khuachung (global) Khrihfabu hna caah a si tiah an langhter, cu hna cu atu ah an pastoral taktak chungah synodal thleidannak kha a tak in tuahsernak ah leh dingin kawh an si. A biapibik mi: synodality cu Khrihfabu nunnak ah a nungmi le hmuh khawhmi a si khawhnak hnga a zohkhenh.
Hramthok biachimnak ah, Synod i Secretary General Cardinal Mario Grech nih aa telmi hna kha Khrihfabu missionary auhnak ah hram thukpi in fek tein dir peng dingin thazaang a pek hna, synodality cu a donghnak ah Thawngṭha tehte khannak ah a ṭha deuhmi lam a si ti kha a theihter hna.
Pumhnak ah an i ruahchan bikmi caan pakhat cu June 26 chunhnu ah a si, culio ahcun Council nih Pope Leo XIV he special session an tuah i, Pope nih tukum hramthawk ah thim a si hnu in Synod Council he a voikhatnak pehtlaihnak a tuah. Pope nih cun ramkip in thawngpang thar pawl kha fakpiin a ngaih i synodal khualtlawnnak hmailei lamthluan kongah amah pumpak ruahnak a chim.
A thar in cohlanmi Pathways cauk, ṭhenli in a ummi nih, diocesan bishop le synodal phu hna kha synodal i a biapibik mi hna tuahsernak caah fianternak phunglam le hman khawhmi phunglam pahnih a pek hna. Synodality le mission karlak ah a herhmi pehtlaihnak kha a fehter, pastoral tharchuahnak vialte nih Thawngṭha thanhnak le nihin vawlei sin a phanh khawhnak caah rian a ṭuan awk a si ti kha a langhter.
General Secretariat nih a fianter ning ahcun, hi cauk nih hin naite thla hna ah khuachung Khrihfabu hna nih an chuahpimi biahalnak le lungretheihnak hna kha direct in a leh hna, a hramthawk tein synodal kalning a fiantermi “circular dialogue” kha a langhter.
Pathways cauk cu July 7, 2025 thawk in Synod’s official website: www.synod.va ah mipi nih download tuah khawh a si lai.
Pathways hnatlaknak lengah, council chungtel hna nih a dang a biapi mi thil sining hna zong theihternak an tuah hna:
Synodal Teams le Participatory Bodies Jubilee nih vawleicung mipi lungthin a lak peng, atu cu continent (leiṭhen) panga in min cazin an hmuh cang. Cazin a tlaimi hna i cohlannak caah, caan donghnak cu July 31, 2025 tiang sauh a si. A tulio timhtuahnak ah a ummi puai program ahhin, dirhmun cawnnak le synodal phu phunphun karlak ah i thlennak caanṭha aa tel lai.
Khuachung (global) Khrihfabu hna sinin thawngthanhnak nih Diocesan level ah a karh chin lengmangmi a langhter. Ramkulh dangdang ah, “synodality sianginn” thar pawl dirh an si, cu nih cun mi sawhsawh hruaitu hna, pastoral rianṭuantu hna le Khrihfabu he aa pehtlaimi a dang hna caah ngaihthiamnak, zatlang thleidannak le rianṭuan ṭinak lei ah a herh tukmi dirhmun a pek hna.
Council chungtel hna nih Pope Francis i General Assembly a voikhatnak tonnak hnuah a dirhmi Hlathlainak Bu hna in ṭhanchonak report zong an zohfel. An donghnak report cu June 2025 ah pek ding a si nain, Pope Francis thihnak le Pope Leo XIV thimnak hnuah, atu cu December 31, 2025 tiang caan sauh a si cang.
A fiangmi thil a um pengnak hnga, Hlathlainak Bu vialte cu June thla dongh hlanah caan karlak report pek dingin fial an si, cucu Synod website ah mipi hmuh khawh a si lai.
Vawleicung Khrihfabu nih a thuk deuhmi pehtlaihnak, i telnak le rianṭuannak leiah synodal a khualtlawnnak a pehzulh lioah, tonnak cu rianṭuannak le biakamnak thlarau thar he a dih.
A ra laimi Ordinary Council tonnak cu October 26-28, 2025 ah tuah dingin timhtuahnak an ngei.
Hram – RVA News