ST. VINCENT (Martyr le Deacon, AD 304)

Wednesday, January 22, 2020

            Spain ram caah hmasabik mithiang a rak si mi St. Vincent cu Saragossa Diocese chungtel Deacon pakhat a si. AD 304 kum Dasium Siangpahrang nih a hremnak chan chungah amah le Bishop Balius hna cu Balamsia thongah an rak thlak hna i rawl ei awk um lo (pawṭtam tihaal nak) le sifah temhnak phunphun an rak ing. ṭThihphaihnak hna, Lemsoi in minthutternak kha zei an rel lonak kong le an zumhnak caah zeibantuk thilrit poah phorh dingin timhcia an sinak kong kha Bishop ai in St. Vincent nih biaceih bawi sinah ca in a rak kuat.

            Cutikah Dasium Siangpahrang cu a thin a huntuk caah Vincent kha hremnak, sifah temhnak phunkip kha a in ter. Amah kha ṭtemnak ṭtheng ah an ih ter i a sa kha thirsio in tlawm tete in an beoh hna. Cu hnu ah a titsa kha cite an thuh i an em. Ahnubik ahcun belkuai dip tampi an vorh mi thonginn zelṭtuang ah an hlonh caah cu ka ahcun Vincent cu a thi. Cu tluk sersat in an hrem lio ah daitein a in mi kha a hmutu thonginn hngak pakhat cu a khuaruah a hartuk caah a sualnak hna kha ngaihchih in a ziaza aa thleng. A ruak cu songkhawi ah an khumh i rili chungah an hlonh nain Khrihfa hna nih an kawl i an hmuh. Cu ni thawkin St. Vincent upatnak kha Bupi chungah a rak karh.