Sual ngaihthiamnak kan hal

Changreu laksawng hnuah sual ngaihthiamnak kan hal hna

Thlacamnak a pehzulh tikah, Nifatin kan herhmi rawl kha nihin ah kan pe ko tiah kan nawl. Mah cu thlarau lei le biafang in hngalhthiam khawh a si, zeicahtiah hngalhthiamnak lam pakhatkhat cu kan khamhnak caah Pathian hmannak in a khat. Zeicahtiah Khrih cu nunnak changreu a si i hi changreu hi ahohmanh ta a silo, kanmah ta a si. Cun cucaah, kan Pa kan ti bantukin, amah cu a hngalthiammi le a zummi hna i Pa a si caah, cu bantuk cun, kan changreu tiah kan auh ve, zeicahtiah Khrih cu a pum he aa tongmi kanmah i changreu a si.

Hi changreu hi nifatin kan sinah pek siseh tiah kan hal, cuticun Khrih chung i a ummi le nifatin khamhnak rawl ah Eucharist (Bawipa Thisa) a hmumi kannih cu, sualnak ṭhalo pakhatkhat nih a chuahpimi nih, vancung changreu ei in Khrih pum he i ṭhennak in a kham hnanak hnga lo, zeicahtiah amah nih a chim bantukin: Keimah cu vancung in a rung ṭummi nunnak changreu ka si. Ka changreu a eimi paoh cu zungzal in an nung lai; cun ka pek dingmi changreu cu vawlei nunnak caah ka sa a si.

Cucaah, ka changreu a eimi paoh cu zungzal in an nung lai a ti; cun a pum a eimi hna le, hawikomhnak nawl a ngeimi hna nih Eucharist (Bawipa Thisa) a cohlangmi hna cu an nung taktak ti a fiang bantukin, khatlei ah, khamhnak in aa hlatmi ahohmanh an um sualnak hnga lo kan ṭih a hau i thla kan cam awk a si. Zeicahtiah Pathian nih hitihin ralrinnak a kan pek: Mi Fapa sa kha nan ei lo i ka thi nan din lo ahcun nan chungah nunnak nan ngei lai lo. Cucaah, Khrih chung i a nungmi kannih nih a thianternak le a pum kha kan pialtak nakhnga lo, kan changreu- Khrih kha nifate in pek kan sinak hnga kan hal.

Cu hnuah midang sualnak kha kan ngaihthiam bantukin kan sualnak kha kan ngaithiam ko tiah kan nawl. Changreu laksawng cu ngaihthiam halnak thlacamnak nih a zulh. Misual kan si ti hngalhter ṭhan le kan palhnak caah ngaihthiam hal awkah forh cu fimkhurnak le ahmaanmi a si. Pathian kha ngaihthiam kan hallio zongah kan lungthin nih kan dirhmun a hngalh! Nifatin i kan sualnak caah thlacam u timi nawlbia nih hin nifatin sualnak kan tuah tawn ti kha a kan hngalhter. Ahohmanh nih sualnak ngei lo ah aa ruat awk a si lo, cu lo ahcun a porhlawtnak nih sualnak a tuah chinchin lai. Cu bantuk ralrinnak cu Johan nih a cakuat ah a kan pekmi cu a si: Sualnak kan ngei lo kan ti ahcun kanmah le kanmah kan i hlen a si i biatak cu kan chungah a um lo. Kan sualnak kan phuan ahcun, Bawipa cu zumhawktlak le a dingmi a si, cun kan sualnak kha a kan ngaihthiam lai, a cakuat chungah a pahnih in aa tel, kan sualnak ngaihthiam kan hal awk a si, cun kan tuah tikah ngaihthiam kan hmuh. Kan sualnak a kan ngaihthiamnak thawngin a biakam ah zumhawktlak tein a um caah Bawipa cu zumhawktlak a si tiah a ti. Kan sualnak le kan palhnak caah thlacam dingin a kan cawnpiak, cun Pa i zaangfahnak le ngaihthiamnak zong a kan hmuhsak lai tiah bia a kan kamh.