Khrih Nunzia Cawnnak (Part One)
ZIAZA DINNAK RUAHKHUN LAM LAM HMUHSAKNAK
Bawipa Jesuh Khrih Nawlcawn i Ziaza Siikaan ruahkhunnak le a Muru umlo mi vawlei rian hna kha Nautat Zei rello Huatnak.
Bawipa nih keimah hnu a ka zulmi cu muihnak chungah khual an tlawng lai lo tiah a ti. Thinlung kha muihnak nih khuhchihnak in luat i ceunak taktak hmuh duh ahcun kan nih cu Bawipa i minung nunnak ziaza le dinnak hna kha hlathlai zulh i tuah a hau tiah a cunglei i bia hna in Bawipa nih a kan forhfial cu a si. Cu a si caah kan nih cu Bawipa Jesuh i minung nunnak tuah ding hna kha kan thinlung ah khumh i zulh in tuah ruahkhunnak kha a biapi bik tuah awk ṭuanvo ah tuah cio hna u sih. Bawipa Jesuh cawnpikmi phungbia hna cu zungzal mithiang hna cawnpiaknak nak in a hlei khun deuh. Bawipa i a chung muru taktak a hngal a hmu mi hna cu Manna, vancung mi hna rawl kha a hmu a ei mi bantuk an si. Cuti a si ko buin mi tampi hna cu evangelic thawngṭha kha voitampi an thei ko nain Bawipa Jesuh i duhnak kotho kha an hmuhtheih khawh lo caah ṭhathnemnak an hmu lo. Bawipa Jesuh i a chimmi, a cawnpiakmi hna kha tlingtein a theihngal i a thawt nam teh a duhmi hna cu an nunnak dihlak kha Bawipa nih a tuah piak ningin zohchunh i fak piin i zuam awk a si.
Bawi pathum Pathian pakhat kong kha a fimthiam ngai bangin bia i ruahthiam a si nain thinlung niamter ṭhumhnak an ngeih lo caah Thumkomh Pathian nih ziar ngeihnak na in ah cun nangmah ah zei santlaihnak a um lai? A thuk i a thiangmi bia hna chim thiamnak in a thiangmi, ṭhatlonak a tuah lomi an si lo. A ṭhami dinnak ziaza kilvennak thawng lawngin Pathian dawtnakan cohlan lai. Keimah cu ngaihchihnak timi biafang sullam kha ka fianter khawhmi nak in keimah thinlungah ngaihchihnak fak piin ka ngeih ding tu kha kaa ngaih deuh. Nangmah cu Bible ca a dihlak kha a luat in nak chim khawh i, hlan fimthiam hna i phungchimnak kha va thiam dih ko hmanh law, Pathian kha upat dawtnak ngeih lo, Bawipa vel laksawng zong kha na co lo ahcun zei dah santlaihnak a um lai?
Vawleicung ah zeizong vialte hi porhlawtnak menmen, pokpalawng an si dih. Pathian kha dawtnak in biaknak nawl (caanṭha) kan ngeihmi lengin, zeizong vialte cu santlai lo pokpalawng a simi porhlawtnak lawngte an si dih. Vawilei rian hna hlawt i van suiram phak ding ruahchan in teinak lungthin bunh i zuamnak lawng nih a sangbik theihhngalh i a fim mi sinak a si. Cu asi caah a rawk thiammi sui ngun thilri chawva kawlnak le mah hna kha i bochan i hngatchannak cu santlai lo pokpalawng an si. Hleice fimthiamnak le rank (sannak) hmuh zuamnak, a sannak hmun phanh ding tuahnak hna zong santlai lo pokpalawng an si.
Thisa nih a hlam a duhmu lei ah zulhnak, hmai lei chan ah (nunnak ah) dantatnak fakmi ing dingmi thil hna ah lunglawmhnak zong santlai lo pokpalawng a si. Hi kan nunnak ah a thiang mi tuahnak kha papek lo in, nun khuasaunak lawng ngeihnak zong santlailo pokpalawng a si.Hi hnu nunnak i a miaknak kha ruahchan loin a tu nunnak i a miaknak lawng kha thinlung bunh ngaihnak zong pokpalawng santlailo a si. Zungzal nunnuamh lunglawmhnak he a thingmi, nunnak ram phanh khawhnak kha tha chuah lo in chik khat mitṭhep kar a rawk aa thleng thiam mi thil hna kha tlaihchannak zong pokpalawng santlailo a si. Zoh ah cim lo, theih zongah lungtling kho lo, timi bia kha ruatṭhan lengmang. Cuti cun vawlei thil thinlung ah intuarmi thil hna kha thin lungah hruhchihnak kha hrawh, hnon i hmuhkhawh lo mi a thiang thil hna lei ah na ruahnak chiah. Aruang cu duhtukmi thil hna hruh duh in a duhmi hna cu mah le mah thlarau kha a thurhnawmhter i Pathian vel laksawng kha a sungte lai. Phungchimtu 1:8.