STS. SIMON AND JUDE

(Kumzabu pakhatnak Lamkaltu hna)

            Galilee peng Gana khuami Lamkaltu St. Simon cu Judah miphun hna upadi caah a lung a rak ṭhawngtuk ruangah a min kha a par ah Zealot tiah betchih a rak si. Zealot kapṭanh hna cu Judea ramah Rome miphun nih hmunhma an rak laknak kha doh awkah an tuahmi Biaknak le ramkhel phu an si. Cuhna nih ngunkhuai kha an duhlo (an al) caah Romemi hna kha dohding a duhmi an si. Bawipa Jesuh nih a rak auh  hlanah Simon zong cu, cu bu chungtel a rak sive kho men. Thiang Thlarau puai hnuah St. Simon cu Persia ramah phung a rak chim i cu ram ahcun martyr in a rak thi.

            Ruahchan awk a um tilo mi thil ah bawmhtu a simi mithiang Jude cu Lamkaltu James (ahme) he unau an si. Johan thawngṭha 14:23-24 chungah kan hmuh bantukin amah cu hmanungbik zanriah dum puai ah Jesuh kha “Bawipa, zeitindah vawlei sinah i phuang loin kanmah sin lawngah naa phuan khawhning cu a si lai” tiah a rak haltu kha a si. Jesuh nih cun, “A ka dawmi paoh nihcun ka bia kha a ngaih lai. Annih cu ka Pa nih a dawt hna lai i Ka Pa le keimah cu kan ra lai i an sinah kan um lai,” tiah a leh. Amah nih Bible ah, “St. Jude” kha a rak ṭialtak. St. Jude (asiloah) St. Judas Thaddeus cu Persia ramah a rak thi.