Harsatnak lak ah Bawi Khrih he umṭinak

Christmas Holiday a dih in kan Pope Francis i zarhfatin, nithumni paoh ah mipi pawl he i tonnak le biaknak lei cawnpiaknak cu a pasarihnak Paul’s Hallkhaan ah Lamkaltu chungin lamkaltu paul i tilam, tlanglam i Pathian bia phuan dingin khual a tlawnnak kong he pehtlaiin a cawn piak hna.

          Lamkaltu Paul cu an tlaih i Rom khua i Siangpahrang sinah tilawng in an kalpinak kong he pehtlaiin, nang cu a nungmi Pathian i a kong cu vawleicung i a kiken tiang in Keimah caah tehte a khaan khotu na si te lai. Asinain Lamkaltu Paul i a lamthluan cu a nuammi le a fawimi lam a rak si lo. Amah an kalpinak Tilawngpi cu lamlak ah a rawk ko nain Lamkaltu Paul nih cun amah a tlaitu hna kha thinphan, thlalau lo dingin thazaang a pek hna.

          An tilawng a rawh caah Malta timi tikulh ah an i din hna. Cu tikulh ahcun Lamkaltu Paul he tilawng aa cit vemi mitam deuh cu limcawm (sivai a ṭhawngngai mi rul) nih a cuk hna. Asinain Lamkaltu Paul cu Pathian i a zohkhenh a kilvennak thawngin a pum cungah zei harsatnak hmanh a tong lo. A dang pawl zong Pathian a ṭhawnnak in a damhpiak dih hna.

          Lamkaltu Paul i tilam lei a khual tlawnnak cu Tipilinnak Sacrament thawngin thihnak in a thawhter ṭhannak leiah a hruainak hna cu Pathian nih a kilvennak hna kha a langhter timi hi kan theih dingmi cu a si. Lamkaltu Paul nih amah he harnak a tongmi vialte kha a damter hna, harnak a tongmi hna kha a umpi hna, pakhat i a harsatnak kha a bawmhchanh hna nak nih Khrihfa pakhat i a lungthin, a ziaza kha fiang tein a langhter.

          Harsatnak lakah Jesuh Khrih he umṭinak, kan nunnak zapi kha Pathian sinah a upmi hna cu Pathian i a dawtnak a theitlai vialte cu a dihlak in kan hmuh kan don lai i, mah harsatnak lakah cun Pathian bawmhnak in, kha hlannak a ṭhadeuh mi Khrihfa nunnak kha kan co lai. Kan nunnak i harsatnak vialte cu an tilawng a rawkmi hna bantukin kan nunnak chungah a phanmi harsa vialte hna kha kan thinlung innka hunpiak in a dong i a bawmchan khomi siding in nan chung i harsatnak vialte kha Pathiantu nih thluachuahnak in pe hram ko hna seh! (Pope Francis)