Bawipa Thisa biathuk nih kan nun thleng seh

Bawipa Thisa kha biapi ah chiah in, Vatican Council pahnihnak nih chuahmi cauk “Dogmatic Constitution on the Sacred Liturgy, Sacrosanctum Concilium” chung kha Pope nih a chimmi cu, a thiangmi biathuk nih Bawipa lam kha zulh khawhnak le i cawn khawhnak caah a kan bawmh tiah a chim. A thiangmi nunnak (Bawipa Thisa) chungin zumhnak hi i lak usi law cu Biathuk nih cun kan nunnak thleng hram seh. Bawipa Thisa raithawinak le Khrih a pum cohlannak thawngin dawtnak, lungrualnak, zaangfahnak vel laksawng hna le hmailei ah a ra lai dingmi sunparnak pek kan sinak kong zong Pope nih a chm chih. Missa raithawinak i kan i tel tikah, a phungmen in i tel si loin Khrih he kan i fonh, kan i tong lai i amah sin ah kan zeizong i pekchanh awk a si tiah a ti.

Missa raithawinak, Pathian Bia ngaih awk le ‘Bawipa cabuai ah amah Khrih nih amah pum kha a Pa sin ah a pekmi thi le a sa ei awk ah kawh kan si. Bawipa Thisa kan ei tikah, Pathian he kan I komh I kanmah pakhat le pakhat zong pumkhat ah kan ikomhi, Khrihfa hna cu Khrih he a ingtuarṭi mi kan si. Missa raithawinak chung ah Pathian le Bawipa Thisa cu aa pehtlaimi, aa ṭhen lomi an sic aah an pahnih ah biaknak le raithawinak pakhat an si. Amah nih man loin kan pekmi a pum (Bawipa thisa) kan cohlannak, kan ei nak thawng in amah bantuk in nun awk ah a kan cawnpiak. Kan zatlang nun ah, chungkhar le kan mah pakhat cio nunnak ah ṭhencheunak le rawhnak a chuahtertu thil ṭhalo hna chungin Bawipa thisa cu lungrualnak caah thazaang petu asi lai. Kan kawlmi zungzal nunnak rawl kan ei nak thawng in kan nunnak i thleng hram ko seh.