Pope cu Cardinal hna he Meeting (Consistory) an ngei lai tiah Vatican nih a thanh

Pope Leo XIV cu Cardinal hna he June 26 in 27 tiang a biapi ngaimi meeting (Consistory) an ngei lai i, cu an meeting ahcun Catholic Bupi le tulio kan vawleipi thil sining he pehtlai in daihnak le Synod kong a si lai. Kan vawlei pi caah rawhnak a petu le ral sertu a simi buaibainak, i tukdohnak le i sikhuatnak vialte cu daihnak le kap hnih biaruahnak in daihnak ser khawhnak dingah Catholic Bupi nih zeibantukin rian a ṭ uan lai tiah i ceihmainak an ngei lai. Atu meeting (Consistory) cu Pope Leo nih pope i thim asi hnu ah Cardinal hna he meeting an tuahnak avoi hnihnak asi lai.

A liamcia kan hnu January thla lio ah khan avoi khatnak an rak tuah i Cardinal le a dang Bisho hna he an zapi in 170 an rak si. An meeting donghnak ni ah Pope nih Cardinal hna kha, “kan bochan hna a hau hrimhrim ko,” tiah a ti hna. Vatican Thawngzamhnak nih a chim ning ahcun Meeting (Consistory) cu dai tein thlacamnak an thawk lai i group tuah in i ceihmainak an ngei lai tiah theih asi. Meeting an tuah lio ah, an meeting chung i an ceihkhaanmi kha thawnglatu hna sin ah chimphuan rih lo dingin bia kilhnak a ngei. Group 20 ah ṭ hen an si la i cu chungin group 9 cu Nuncio hna le kum 80 a tling rihlo mi cardinal hna an si lai tiah kan theih.