Pope Leo XIV: Kum tlinglo ngakchia kilven cu Khrihfabu sinah pekmi rian a si

A himmi hmun a herhnak

“Hika hmun ah na rat caah le a biapi tukmi rian nan ṭuannak cungah tampi kan i lawm” tiah Pope Leo nih a ti. 

Zultu hmasa hna nih Jesuh Khrih an ton thok in zeitindah an rak i hngatchan ti kha ruah ṭhan awkah Pope nih a sawm hna. Cu caan thawk in zultu hna cu an nun lam an i thleng i an zeizong vialte pek tiangin Jesuh hnu an rak zulh. 

Cu hmuhtonnak cu hlanlio lawngah a rak cang mi thil a si lo. Zeicahtiah cun mi vialte cu a thothanmi Bawipa he ton awk le Bawipa dawtnak hmuhton taktak khawhnak ngeih ngeih dingin auh mi kan si caah a si.  

Sihmanhsehlaw mah thil bantuk thil tuah khawhnak ding caah  “a himmi hmun kan ngeih a herh,” tiah Pope Leo nih a langhter.

Tlaihhremnak nih hin fahnak nganpi a chuahter i mi pakhat thlarau le minung ṭhanchonak tiang a hrawh tiah Pope nih a ti.

Jesuh nih ngakchia pawl huhphenh dingin a sawm hna

Kum tlinglo hna kilvennak kong hlathlainak le cawnpiaknak Centre nih a ṭuan mi cu “Khrih nih ngakchia hna caah ningzahnak a chuahtertu si lo dingin ralrin a pek hna(cf. Mt 18:6)”timi ralrin peknak rian a ṭuan tu phu an si tiah Pope nih a ti.

Pope nih kan hnu zarh Spain ram Khualtlawnnak ah, Bishop pawl sinah ‘mah nih  zohkhenh awk a simi hna nih hliamhmi hna fahnak kong a chim.’ Cu ka ahcun Pope nih “khrihfabu bu cu ngaihthiamnak, biatak, dinfelnak, i remhnak le nunphung khamnak le zohkhenhnak ah biatak tein biakamnak rianṭuan ding a si” tiah a ti hna.

Khrihfabu dihlak nih ṭuan dingmi rian

“Ngakchia hna kilven zohkheh-dirkamh ding rian hi, a bik in kanmah hruaitu hna kan rian a si ko nain, Khrihfabu chung um mi vialte zong nih kan ṭuan dingmi rian a si” tiah Pope Leo nih a chim.

Pope Leo nih aa pummi hna cungah lawmhnak bia a chim i “hi rian nganpi hi khuachung um Khrihfabu le mipi karlak rianṭuan ṭinak le pehtlaihnak in a derthawmi hna khamhnak caah le nunphung dawh ṭhanchoter ding in pehzulh tein kan tuah dingmi rian a si” tiah thazangpek forhfialnak bia zong a chim.