Myanmar ram Bishop pawl Rome ah Retreat tawi an tuah

Myanmar ram um Bishop pawl dam tein Rome an phan cang hna. Rome an phanh hnu ah “Work of the Church” timi phu hna um nak Retreat centre ah caan tawi retreat tuahnak zong an ngei hna. “Work of the Church” timi phu a dirh tu cu Mother Trinidad a si i amah cu Spain miphun a si. 

“Work of the Church” timi phu hna cu Italy ah um hmun hrambunh in rian a ṭuanmi biaknak lei phu pakhat zong an si. Abik in an ṭuanmi cu Bishop pawl zohkhenh le Pope caah thlacam piak tu phu an si. Cun Vatican ah a phan – a leng mi Bishop pawl an herh mi rian bawmhnak hna zong tlangtlak piaktu phu an si. Vatican a phanmi Bishop pawl caah cun Pope cu Pa dirhmun ah um in le Mother Trinidad i a phu hna cu Nu can dirhmun in rain a ṭuanmi phu an si. 

Missa tuah khawh hnu ah Bishop hna le Myanmar ram in Italy ah cacawng mi Father hna le Sister pawl he “Work of the Church” retreat biakinn chungah hman an i thlak lio. Photo Credit

Myanmar ram in Rome – Vatican a kal mi Bishop hna zong “Work of the Church” timi phu hna sinah retreat le Missa thawinak caan ṭha zong an ngei hna. Cu retreat le Mass tuahnak ah cun Myanmar ram in Italy ah thiamsang cacawng mi Father pawl le Sister pawl zong an i tel kho ve hna tiah theih a si. 

“Work of the Church” timi phu hna thawngin Rome a phan mi Bishop hna caah “Rome sweet Home” timi ruahnak, mah umnak inn taktak bantuk in rauhnak kan ngei kho” tiah Bishop Lucius nih a lungchung um bia zong a chim.

“The Work of the Church” phu a dirhtu Mother Trinidad (photo: Courtesy photo / The Work of the Church)

Mother Trinidad (Trinidad Sánchez Moreno) cu Sister pakhat (religious sister)dirhmun in siloin nunnak pek in Bupi caah rianṭuan mi dirhmun in aa pe mi a si. Amah cu 1946 kum thawk in Biaknak lei ah nunnak aa pe mi nu a si. 1959 kum ah “The work of the Church” timi phu kha a rak dirh i Vatican ah thlangtla in rian a ṭuanmi phu an si.