St. Casimir of Poland, (1458-1484)
Audio (aw) zongin ngai khawh a si.👇👇
Poland ram zohkhenhtu St. Casmir cu 1458 kum ah a chuak i Casmir Siangpahrang pathumnak fapa pakhat zong a si. Siangpahrang inn ah fimnak a rak cawng nain thlacamnak, rawl-ulhnak hna lawngah a nunnak a rak hman. A hleice in Nu Mary kha aa bochan caah Nu Mary thangṭhatnak in a min a thangmi “Casmir i Hla-Hymn of Casmir” kha a rak phuah. A dinfelnak le a pek siannak ruangah mitampi nih ‘Sifak hna khamhtu’ tiah an rak ti.
1471 kum ah Hungary ram Siangpahrang luchin kha an rak pek tikah a pa nawl ngaih nakin a cohlan. Ram kha a uk lai caan ah Siangpahrang fapa pakhat nih a nawl ngeihnak chuh dingah a ralkap bupi he a rak zuamcawh. Thisen luanhmi raltuknak kha a rak duh lo caah Poland ram ah a rak zamṭhan i a dik lomi ruangah zeitik hmanh ah hriamnam ka tawng lai lo, tiah chiat aa serh.
Siangpahrang Fredrict II fanu nih amah he i ṭhit-umh dingin a lemsoi nain Casmir nih a thiannak pahrang kha a rak kilven khawh. 1484 kum, amah kum (26) a si ah Casmir a chiatuk mi TB zawtnak in a rak zaw ve. Villa khua i a ummi St. Stanislas Biakinn ah a nunchung a rak sakmi ‘Nifatin Nu Mary sinah-Daily Song of Mary’ tiin a ṭialmi cahnah he St. Casmir cu an rak vui.