Hi capar cu Pope Leo XIV nih July thla zarhpi ni linak ah tuah dingmi “Ka philh bal hna lai lo (Is 49:15)” timi tlangtar in avoi(6)nak Tar pawl Ni caah Pope Leo XIV nih a ṭialmi capar a si. 

(A tang catlang hi hmet law mirang ca in rel khawh a si)

READ POPE LEO XIV’S FULL MESSAGE FOR SIXTH WORLD DAY OF GRANDPARENTS AND THE ELDERLY

Pathian dawtmi si zungzal nak

Pope nih a langhter mi ca chungah hnemhnak le ruahchannak in a khahtertu bia hna an si i thinlung a buaitertu fahnak intuarnak hna “Bawipa nih a ka hlawt cang, ka Bawipa nih a ka philh cang” (Is 49:14) timi a phi zong a si.

Pope nih tar cheukhat nih an tonmi fahnak le philh an sinak a theih piak thiam hna nak zong a langhter. 

Pope Leo nih a chimmi cu, ‘Vawleicung Tar pawl Ni lawmhnak cu Khrihfabu cu mi vialte caah nu dirhmun si dingin kawh a si ti hngalh ṭhannak caah caanṭha a si’ tiah a ti. Cun tik caan paoh ah, “Pathian dawt mi fa le kan si ti i hngalh khawh a si zungzal,” tiah a ti.

Mino hna caah sawmnak zong

Pope nih, a bik in mino hna kha, “hlan phung dawh ngai a simi” pi le pu, a tar cangmi rualchan hna le zohkhenhtu a ngei ti lomi tar hna zong kha va leng ṭhan hna u sih’ tiah a sawm hna. 

John Paul I nih a rak chim bantukin,  ‘a dong kho lomi Pathian dawtnak a cotu kan si. Amah cu zeitluk in a muihnak(a har) hmanh ah kan cungah a mit a chia (a kan zohkhenh) zungzal tu kan “Pa” kan “Nu” a si tiah a timi kha kan tar cang hnu zong ah lunglawm tein theih thiam ding a si’ a ti. 

Pathiansinkir ṭhan dingin sawmnak

Pope Leo nih a langhter rih mi cu: ‘biatak ah a um peng mi cu, kan tar cang hnu zongah fapa le fanu sinak cu aa ngol lo’ a ti.

Pathian sin kir ṭhan dingin sawmnak cu zeitik caan paoh ah a ṭha zungzal mi sawmnak a si ko a ti.

“Mi tam nawn caah cun, Pathian dawtnak theih thiamnak le a zangfahnak hngalhthiamnak cu caan saupi tiang caan a la mi a si tawn. Asiloah an nun dongh lai tiang in caan a lak tawn’ tiah a ti. 

The post Tar pawl sin ah Pope: Pathian dawtnak mithmai cu zeitik caan paoh ah nan cungah a um ko first appeared on RVA Hakha Chin.

The post Tar pawl sin ah Pope: Pathian dawtnak mithmai cu zeitik caan paoh ah nan cungah a um ko appeared first on RVA Hakha Chin.

“Bawipa cu sifakmi hna dornak a si” timi Bible catlang kha ruah ṭhan in Pope nih Jerusalem Biakinn hrawhnak in a langmi sifah harnak caan lio ah ṭialmi an si tiah a ti. Cu lioah cun mipi nih “Pathian umpinak he an i hlatnak, hlan ah a ton bal lomi thil hna le ziaza lei sifahnak an ton” lio caan ah an ṭial mi a si a ti. 

Pope Leo XIV nih mipa pakhat a khua lio. (Photo: Vatican Media)

Sifakmi hna aunak philh lo ding

Pope nih a peh rihmi cu, sungh zatlak nak a phichuak cu sifakmi hna cungah a tla hmasa tawn i cu zatlangbu tampi cungah a karh tawn a ti.

“Pathian um lonak hmun ah mi kha pakhat le pakhat i upatnak a um kho lo. Uknak nawl ngeitu hna le uk a simi hna (hremnak) tiin cung le tang pehtlaihnak a chuahter” tiah a ti, 

Pope nih ralrinnak a pekmi cu: safak harsa in a ummi hna chimphuan-aunak cu ruahnak ṭha lo lam tampi hmang in daihter an si tawn. Cu lio ah digital lei in thleidannak a zualter i thil sining tak cungah zeirel lonak le philh sinak a chuah ter tawn” tiah a ti

“Sifakmi hna nih Pathian sinah dah ti lo ahcun chim khawhnak lam dang an ngei lo” tiah a ti. Cun “Pathian cu zumhawktlak le zaangfahnak in a rummi a si caah sifak harsa mi hna bia a ngaih piak ko hna lai” tiah a chimchap. 

Pope nih a peh ṭhan mi cu, sifakmi hna nih cun midang hna nak in an herhmi thil cungah hngalhthiamnak an ngei deuh. Zeicahtiah cun an herh taktak mi cungah na nun caah a si” tiah a ti.  

Hi ruangah hin, Pathian  lawnglawng hi an i dornak a si i Pathian cung lawnglawng ah an i ruahchannak an chiah tiah a ti. 

Pope Leo XIV le harnak a tong mi hna rawl dum ṭinak. (Photo: Vatican Media)

Pope Leo nih tuchan sifak harsa hna kong he pehtlai in a chim tik zongah, “kan chan sifakmi hna cu philhmi le hrialmi an si pin ah an ei ding rawl an chuh hna lawng si loin an aw le an dirhmun tiang zongin an chuh hna” tiah a ti.

Hi thil sining hna ruah buin Pope nih thla a cam mi cu, “Sifak harsa hna nih, a bik in Khrihfa hna le Khrihfabu hmangin Khrih an ton khawh nakhnga, , cu hmun ahcun “Jesuh nih ei awk rawl le hawikomhnak a pek hna nak hnga, an i ruahchannak lam aa hun ṭhan nak hnga, mi pakhat cio kha an min in auh i upatnak pek ṭhan an si ngak hnga” tiin thlacam piak nak zong a tuah.

Khrihfabu cu “nihin mah umnak innka pawngah a dirmi mi harsa mi tampi hna cungah zei rel loin um khawh a si lo” tiah a ti. Khrihfa hna nih cun Pathian sinah dornak kawl lawng si loin “mi sifak hna caah dornak hmun si” ding zong in auh mi an si tiah a chim chap.

Mirum pa le Lazarus kong bianabia kha ruah ṭhan in, Pope Leo nih zumtu hna kha an nunnak ah thil a herh taktak mi hngalh thiam dingin a sawm hna. 

A donghnak ah, Pope nih avoi(10)nak Vawlei cung Sifak-harsa hna ni tuahnak thawngin “Pathian sinah dor dingin a kawlmi Khrihfa hna le phu pakhat chungah aa tel ve mi kan si timi ruahnak ngeih khawhnak” ding caah bawmhnak a ngeih ter ko lai tiah aa ruahchannak a langhter. 

The post Pope Leo XIV: Bawipa cu sifak mi hna dornak a si. first appeared on RVA Hakha Chin.

The post Pope Leo XIV: Bawipa cu sifak mi hna dornak a si. appeared first on RVA Hakha Chin.

“Nu le paw chung um, hrin a si rih lomi si hna seh, kum upa cang mi tar pawl si hna seh, dirkanh-zohkhenhtu ngei loin hlawt a simi hna tuar harnak, an sining i theihter lo hi dinfelnak taktak a si tiah nan ti kho lai maw?”

Pope Leo XIV nih Spain Parliament chungah bia a chim lio (@Vatican Media)

Spain Parliament hmai biachimnak ah, Pope Leo XIV nih hruaitu hna sinah “Miphun pakhat a lianngannak tahfung cu an rumnak, an ṭhawnnak le thilti khawhnak lawng in zoh a si lo. Sihmanhsehlaw, zeitlukindah a derthawm bikmi a mi hna kha a kilven hna timi in theih khawh a si” tiah a ti hna. “Minung nunnak paohpaoh cu minung si hram aa thawk in nunnak a dih tiang ( a thih tiang ) upat nak he kikawi ding a si” tiah a ti hna. 

Cun Pope nih a chim rih mi cu: “Minung nunnak kilven ding kan timi ah hin party pakhat le pakhat aa dang tein tuah ding mi rian a si lo. Cucu a ṭhangchomi hna le fiamthiamnak nih a tinh mi zong a si” tiah a ti.

The post Pope Leo XIV nih minung nunnak kilven-upat dingin Spain Parliament ah Bia a chim first appeared on RVA Hakha Chin.

The post Pope Leo XIV nih minung nunnak kilven-upat dingin Spain Parliament ah Bia a chim appeared first on RVA Hakha Chin.

Catalan le Spanish holh in phungchimnak ah Pope nih, “Keimah cu Amah ka si ti nan zumh lo ahcun nan sualnak chungah nan thi lai” timi Johan Thawngṭha chungin a chim. “Hi bia hna hi a fekmi bia an si i khamhnak caah sawmnak zong an si” tiah a ti. “Jesuh na zumh buin ral doh khawh a si lo. Jesuh kan zumh buin sualnak a ngei lomi kan that kho hna lo. Jesuh kan zumh buin harnak a tongmi, a ṭapmi, sifak harsa in a zammi hna kha kan kaltak kho hna lo” tiah a ti.

Sagrada Família Basilica ah Pope Leo XIV hruainak in Missa tuahnak (@Vatican Media)

Pope Leo nih amah a dong tu Siangpahrang Felipe VI le Siangpahrangnu Letizia, Spain Prime Minister Pedro Sánchez, le ramkhel le Khrihfabu nawlngeitu hna kha kut tlaih chawnhnak a ngeih hnu hna ah, “Sagrada Família Basilica innka pi cu a kut aa samhmi bantukin mi vialte kha hi biakṭheng ah Pathian Bia ngaih awkah a sawm hna. Cu nih cun Bawipa dawtmi, a Thisa in a cawmmi chungkhar sinak ah a kan ser” tiah a ti.

Rammi le biaknak hruaitu hna sinah bia a chim tikah, ‘Basilica pi nih Pathian bia thiang le Bawipa Thisa (Eucharist) pawngah mi a pumh tu lungrualnak hmelchunhnak a si’ tiah a ti. Biakinn sakning zoh tik zongah, Khrihfabu cu lung tampi in sakmi a nungmi inn pi he a tahchunh i Khrih cu a hrampi le aa donghnak a si’ tiah a ti. Basilica saknak a kal cuahmahmi bantukin Khrihfa nunnak zong Pathian nih rian a limmi pakhat ah aa tel mi bawmtu hna si dingah sawmmi kan si tiah a ti.

Pope nih “Basilica suaisamnak nih thlarau lei sullam tampi kha a langhter. Hi Basilica pi nih Pathian nih a kan tlanhnak, Pathian cung kan i ruahchannak le Pathian dawtnak hmelchunhnak hna kha a langhter. Biakinn pi cung i a ceu iin a ummi vailamtah cu zumhnak tehte le khuapi caah ceunak a si. Zumhnak langhternak ah zuksuai mi hna zong nih a dang tein sullam an langhter cio hna” tiah a ti.

Sagrada Família Basilica ah zumtu hna Missa kai nak (@Vatican Media)

A phungchimnak a dongh nak ah, Pope Leo nih Sagrada Família saknak ding caah a kenkip in a dirkamhtu hna cungah lawmhnak bia a chim i Basilica a ropui taktak mi a si tiah a ti, mah biakinn pi zong cu  thawngṭha chimnak dingah hriamnam ṭha taktak a si tiah a ti. Zumtu hna zong kha Khrih lei lawng zoh-hoih in um loin hlawtmi le harnak a tongmi hna zong kha cawisan dingin a forh hna. Basilica pi nih a langhter mi dawhnak le rumra bantukin ruahchannak le ṭhatnak tuahnak in Khrih tehte khaaan dingin a forh hna.

The post Sagrada Família Basilica ah Pope Leo nih daihnak caah rianṭuan a herhnak a langhter first appeared on RVA Hakha Chin.

The post Sagrada Família Basilica ah Pope Leo nih daihnak caah rianṭuan a herhnak a langhter appeared first on RVA Hakha Chin.

Cu ni chun hrawng ah Barcelona ah a phan. Holy Cross Cathedral le Mithiang Eulalia Biakinnpi ah a mah a rak dongmi mibu hna he an i ton hnu ah chun thlacamnak in a thawk. Catalan le Spanish cawhmi holh in a phung a chim. Khrih ah kan dihlak in pum khat kan si. Pumkhat chung i a ummi bantukin “a ṭhawng deuhmi le a der deuhmi a cheu an um”. Bupi chungah cheukhat cu an rianṭuannak ah an lang i cheukhat cu a phen ah a um ve. Cu kong he pehtlai in, lungrualnak kha biapi ah chiah dingin a forh hna. Kan lung aa rual caah kan ṭhawng i, cun Thlarau pakhat nih a kan nunter caah kan lung aa rual tiah a chim.

The post Pope nih Spain a tlawnnak a ni linak cu Madrid le Barcelona tiang a phan first appeared on RVA Hakha Chin.

The post Pope nih Spain a tlawnnak a ni linak cu Madrid le Barcelona tiang a phan appeared first on RVA Hakha Chin.

Minthang Bernabéu bawlung chuihnak hmunpi ah, Pope nih vawlei teinak nak in a thuk deuhmi ah mipi lungthin a lak khawh hna. Madrid khua chung minung 80,000 sinah bia a chim lio ah, “aa dawh tukmi Khrihfabu chungkhar” an dirh nak cungah a thangtthatnak fawn hna.

A biachimnak ah, Pope nih hla le ringawn dawh hna an biapitnak le an i dawhnak bantukin mi vialte zong nih thlarau lei in dawhnak, zaangfah thiamnak te hna kha cawn ṭhan dingin a forh hna. “Cuasilo ahcun Thawngṭha chimnak a ṭhatnak a tlau kho, cun lungdonghnak le zumh lonak hna caah hmunhma a chiah khawh” tiah a ti hna.

Mi vialte kha ṭih hlah u tiah thazang a pek hna. Zeicahtiah, Diocese chungum bu pakhat bantukin, Madrid zong nih “minung hna caah thil ṭha bik a chuahter kho tu thawngṭha chimtu tehte pawl kha a pek khawh ko hna. Cu mi hna cu, hmanthlak le bia vaivun nih zeitluk hmanh in deng ko hna hmanhsehlaw, dinnak caah le ṭhatnak tuahnak ding caah cun rawl ṭam le tihal bangin an hal ko” tiah a ti hna. A bia donghnak ah hla an sak mi (gospel music) he pehtlai in a chim: “hla nih minung kha cohlaan mi sinak a kan theihter. Mi vialte caah aa Kau Peng mi Bible bantuk si ko u” tiah a ti hna i “Dawtnak cu khawika hmun paoh ah, mah umnak hmunhma bantukin ruahkhawh nak lungthin a kan ngeihter tu a si” tiin a bia a donghter. 

The post Pope Leo Spain ah a ni thumnak: “Nihin ah Madrid um Khrihfabu nih philh khawh lomi goal nan khumh” first appeared on RVA Hakha Chin.

The post Pope Leo Spain ah a ni thumnak: “Nihin ah Madrid um Khrihfabu nih philh khawh lomi goal nan khumh” appeared first on RVA Hakha Chin.

Mi sawhsawh dirhmun in rian pek an sinak nih a langter mi cu, Vatican nih Roman Curia chung i mi sawhsawh le nu hna nih hruaitu sinak caantha timhpiak an si nak ah a biapi tukmi karhlan nak pakhat asi zong a langhter.

Alvarado cu 2018 kum thawk in EWTN News ah President le Chief Operating Officer rian a ṭuan mi a si. November 5 thawk in Paolo Ruffini hmun ah rianthar cu a lak lai i kum 40 zong a tlin a si lai. Pope bantuk in, Latin America le United States he pehtlaihnak a ngei: Mexico khuapi ah a chuak i U.S. ah fimcawnnak a ngei mi asi.

The post Pope Leo XIV nih Vatican pehtlaihnak zung hruaitu dingah EWTN News President a thim first appeared on RVA Hakha Chin.

The post Pope Leo XIV nih Vatican pehtlaihnak zung hruaitu dingah EWTN News President a thim appeared first on RVA Hakha Chin.

Pope sinah bia a chimmi hna lakah pakhat cu lemcang thiam minthang Antonio Banderas a si. Zumhnak le art in cuan-langhtermi  karlak i pehtlaihnak kong siseh, lentecelh thiam Teresa Perales le Carolina Marín hna nih lentecelhnak in cawnmi in-tuar khawhnak, toidornak le lungrualnak man an ngeih ning kong hna kha an langhter cio.

Pope nih ruah ding tete asi mi biahalnak a tuah mi hna cu:

– “Hmailei caah zeibantuk rothil dah kan chiah lai i, a pehzulh in, zeibantuk zatlangbu dah kan ser lai?”

– “Minung taktak sinak kan timi ah hin cu zeidah a chim duhmi sullam a si?”

– “Zeibantuk nunphung dah kan kilven i zei hna kha dah thihter (tlauter) dingin kan timh hna?”

– “Zumhnak nih a uk lo ahcun Europe cu aa khat ko lai tiah zumh khawh taktak a si maw?”

– “An ziaza le an thilti khawhnak a um ko nain hrialmi minung hna cu ahodah an si?”

Chungkhar khat dirhmun in, kan hmailei kong cu minung kan lianngannak taktak a langh khawhnak ding cungah hin aa hngat ko. Cu thil tuah khawhnak ding caah, Pope Leo nih mi vialte kha “nunnak hmun kip ah aa remmi pehtlaihnak thar a sertu- hruaitu thar si” dingin a forh hna.

The post Pope Leo XIV: Hmailei caah zeidah kan chiahtak lai? first appeared on RVA Hakha Chin.

The post Pope Leo XIV: Hmailei caah zeidah kan chiahtak lai? appeared first on RVA Hakha Chin.

Pope nih dai tein um a biapitnak kha hitin a langhter. A hlei in chanthar vawlei cu aw phuntling in an awn, cun cawhlehthalnak zongah mah zawn lawng ruahnak in a khatmi a si tiah a ti. Dai tein um cu minung hna nih Pathian aw an theih khawhnak, biatak asi mi le hlennak an thleidan khawhnak, a hmunmi thil sining hna hmuh khawhnak hmun a si tiah a ti.

Pope nih chanthar zatlang nunnak zongah zumhawktlak tein nunnak a herhnak kong zong a chim. Diognetus cakuat chung catlang cherchanh ina timi cu, Khrihfa hna ruahnak cu chanthar vawlei nih uk lo in, chanthar vawlei thil sining ah ṭha tein um kal thiam a herh tiah a ti. Zumhnak nih kan khing rihnak, taksa nuamhnak, asiloah nawlngeihnak leng lonh in zalonnak le ruahchannak taktak a pek tiah a ti. Cun chanthar ruahnak hna le kalning hna cu chikhat te ah an liam zau ko nain biatak cu zungzal in a um peng ko tiah a ti.

A donghnak ah, Pope Leo nih a bia a ngaitu mino hna kha digital vawlei telh in zatlang nun ah thlennak ṭha a chuahtertu si dingin a forh hna. Pakhat le pakhat cungah zeirel lonak, thahnawnnak le lihbia hna kha doh in Thawngṭha mansung le ai dawhnak kong chim rel dingin a forh hna i “Chanthar minung hna caah ruahchannak thar a pe kho tu meialh” si dingin a forh hna. Cun bochan tlak si awk, dinfelnak kawl zungzal ding le mah cungah thil ṭha tuah hna seh tiah duh mi kha midang cungah va tuah zungzal ding in a forh hna.

The post Chanthar minung hna caah Ruahchannak ṭha a petu si zungzal u first appeared on RVA Hakha Chin.

The post Chanthar minung hna caah Ruahchannak ṭha a petu si zungzal u appeared first on RVA Hakha Chin.

Pope Leo XIV le Cardinal Charles Bo kut tlaihnak. Potho Credit to His Eminence Cardinal Charles Bo

Rome ah Pope he ton dingin a kal mi Myanmar Bishop hna nih June 5, ni ah Pope Leo XIV cu tlamtling tein ton-biarauh khawhnak caan ttha an ngei hna tiah theih a si. 

Cardinal Charles Bo nih “Tuzing 9:30 in 11 tiang, suimilam pakhat le cheu hrawng, Pope Leo XIV he chungkhar hna i tonbantukin tonnak caanttha kan ngei hna” tiah a ti. 

Cu tonnak ah Cardinal Charles nih Myanmar ram aiawh in biachimnak a ngei i cu biachimnak a dih in Pope caah tiin Myanmar ram in an i put mi laksawng peknak zong pehzulh in an ngei hna.  

Cun Pope Leo le Bishop pawl cu Myanmar ram dirhmun kong he pehtlai in ram mi hna si ning dirhmun le harsatnak pawl zong chimrel ttinak suimilam pakhat tluk an ngei hna. “Pope pa zong nih unau bantukin le Pa can dirhmun in bia zong ttha tein a kan ruah” tiah Cardinal Bo nih a ti.  

Cardinal nih zumtu hna ruahchannak le dirhmun kong he pehtlai in a timi cu: “A tu lio caan ah kan thil tonmi hna hi an harsa tuk ko nain Myanmar Khrifabu, hruaitu hna zong nih zumhnak he teirial in hmai kan nor cuahmah lio asi” tiah a ti.

Cardinal Charles Bo nih Pope Leo XIV sin laksawng a pek lio. Potho Credit to His Eminence Cardinal Charles Bo

Cun zumhnak kong he pehtlai in siseh, Siangbawi cannak caah timhnak a ngei mi seminarian hna caah timhpiak nak kong he pehtlai in siseh, Pope nih thazang peknak le forhfialnak zong a ngeih hna.

Cardinal nih a lungchung um bia a chimmi cu “ Pope he ton khawhnak caan ttha kan ngieh mi in thazang tampi a thar in kan hmu” tiah a ti.

Pope nih bishop hna sinah biacah a chimmi cu, “Myanmar rammi hna kan philh hna lai lo. Ka thlacamnak zongah kan theih peng ko hna lai” tiah a ti. 

Tonak a donghnak lei ah Pope Francis nih a rak chimmi “Non dimenticare Myanmar” “Don’t forget Myanmar” tiah a rak timi program kha pehzulh in kan tuah piak hna lai” tiah Pope Loe nih a chim i “Myanmar rammi hna tonmi harnak hna zong vawlei pi nih a theih hngalh khawhnak hnga ka chim lai” tiah a ti.

The post Pope Loe XIV: Myanmar rammi hna kong he pehtlai in Vawlei pi sinah ka chim lai first appeared on RVA Hakha Chin.

The post Pope Loe XIV: Myanmar rammi hna kong he pehtlai in Vawlei pi sinah ka chim lai appeared first on RVA Hakha Chin.