Nu le va an pahnih te in “Keimah “tiah an ti Chung paoh cu pakhat le pakhat an i duhdawt taktak kho lailo, Pakhat kha rianttuanpiak tu minung lawnglawng ah an chiah tawn hna. Aatluk tein an i kawm kho lo. Nu le va pahnih hna cu rianttuanpiaktu minung an silo. A dot (renk) aa khatmi minung an si ko. Rianttuanpiaktu asi lomi, upat awktlak asi mi minung kha rianttuan piaktu menmen ah an komh tawnmi hna cu ngaihchiat awk ngaingai asi.

Keimah timi lungthin a ngeimi hna cu Chungkhar riannak in amah rian kha papeknak a tuah. Chungkhar ttuanvo nak in amah nuamhnak le lungtlinnak lawng kha papek in a tuah tawn.

Keimah timi hrihnuknak ruangah i sikvelhnak, ttuanvo tlolhnak le harnak tonnak tthathnem lonak hna a chuahter i a donghnak ahcun Chungkhar (nu le va) tthen hramthawknak ah a phanh tawn.

Nangmah cu keimahtimi lungthin na ngeih chung paoh Chungkhar ttha pakhat na si kho bal lailo. Keimah i ti duhnak thinlung cu duhdawtnak a zortertu hmelchunhnak pakhat asi.

Nu le va hna cu pumpak thinglung ruahnak lawng kha papek in an tuah tikah cun dawtnak ralchanhin asilo ah dawtnak in an pial i rian an ttuan tawn. Mithiang Paul nih pumpak lungthin ruangah a chuak kho mi sualnak kong a langhtermi cu, “Minung sining nih a tuah tawnmi cu afiang ko, nu le pa sualnak te hna, athurhnawmmi thil te hna, aa dawhcah lomi thil te hna, siasal biaknak te hna le dawih le eih te hna hi an si. Pakhat le pakhat an i ral an i do, an i nahchuah, an thin a hung anmah zawn cio lawng an ruat, an i tthen. ziar ah i ngeih, zu an ri, an au an khuang i cubantuk thil tampi kha an tuah lengmang hna, (Galati 5:19-21)tiah ati.

The post Pakhat le Pakhat Dinfelnak Part (2) first appeared on RVA Hakha Chin.

The post Pakhat le Pakhat Dinfelnak Part (2) appeared first on RVA Hakha Chin.

Nu i le va hna cu Chungkhar ah “nangmah kongkau, “Keimah kongkau, nangmah thil, “Keimah thil” tiah thleidan khawh an si ti lo, Kannih rian, kan nih ṭuanvo, kannih kongkau, kannih thilri, kan chungkhar ti mi hngalhnak le cohlannak, theihthiamnak ding asi. “Keimah” timi a bimi ruahnak in, a bimi Chungkhar in, akau chinchin mi ruahnak ah chuah a herh.

Kannih innchungkhar timi biafang hmannak cu a zapi he aa pehtlai mi sinak kha a langhter. Nu le va pahnih tein anganmi Chungkhar ṭuanvo (Chungakhar caah ṭuanvo riangngan) kha i cheuh in ṭuanvo lak ding asi.

Innchungkhar rian kha kan mah rian asi, ti in duhnak lungthin ngeih ahau. ~uanvo tlolhnak, lungduh lo nak cu Chungkhar hrawk bantuk asi.

Keimah timi lawng a duhtu cu amah saduhthah, amah duh herhmi, amah lungdiriamnak, amah nuamhnak lawng kha papek in a tuah tawn. A biapi ah a chiah tawn. Midang duhherhmi, midang ruahnak, midang hna lungtlinnak kha zei an rel tawn lo. Ipekchanh mi nak in hmuh lei lawngah, ṭuanpiak mi nakin fial ding tu kha an duh deuh.

The post Pakhat le pakhat Dinfelnak first appeared on RVA Hakha Chin.

The post Pakhat le pakhat Dinfelnak appeared first on RVA Hakha Chin.

Innchungkhar chungtel dihlak lawmhter na duh ah cun nu le va hna cu toidornak thin lung ngeih ahau. Toidornak a umnak innchungkhar ah aherh lo mi tuaitamnak tampi kha a hlonh khawh.

Tiodornak a ngeimi cu mi he pehtlaihmi buainak hna kha a hrialkhawh i mi sin in zeihmanh ruah chan lo in mah nunnak kha zeitindah nunsiang te in ka pek khawh hna lai, ti a hngalh. Pakhat le pakhat rian i bawmhnak tuah tikah a fawi. Toi aa dor mi cu miva bamwh hmanh kha a lung aa lawm i a lung a tlin.

Toidor mi cu apalhmi cohlan thiamnak, palhnak caah ngaihthim hal nak hna kha a tuah kho. Midang kha zohchuk lo in upatte in a komh.

Midang kha biapi ngai in a chiah i midang kha amah nak hmanh in tlaih channak a hmuhsak.

Tiodornak in innchungkhar nunnak ah a dik mi Khrihfa sullam a langhter.

The post Toidornak pahrang first appeared on RVA Hakha Chin.

The post Toidornak pahrang appeared first on RVA Hakha Chin.

 Nupi cu a vapa nawl a ngaih i fale hna nih nule pa awcan ngaih ah cun pa asimi cu Pathian nawl a ngaih i chungkhat kha dawtnak in a ukmi chungkhar cu an `hangcho. Cuhlei ah innchungkhar chungtel hna cu Rampi upadi le Bupi upadi nawl ngaihnak zong abiapi ve.

Chungkhar ngei hna nih cun St. Paul bia kha cin ken in zulh awk atlak. “Nupi hna, Bawipa tang i  nan i dor bantukin nan vale tangah i dor uh, Khrihmi Bupi cungah nawl a ngeih bantuk in vale zong nih a nupi le cungah nawl an ngei ve. Vale hna Khrih nih Khrihfabu kha a dawt i a nunnak a pek bantukin nannih zong nih nan nupi le kha nan dawt hna awk asi”. (Efesa 5:22-26).

The post Nawl ngaihnak pahrang first appeared on RVA Hakha Chin.

The post Nawl ngaihnak pahrang appeared first on RVA Hakha Chin.

The post Rian i zuamnak first appeared on RVA Hakha Chin.

The post Rian i zuamnak appeared first on RVA Hakha Chin.

               Kannih nih dawtnak in kan tuah piakmi hna kha lawmhawk theih lo in umko hmanh hna seh, Kan zaangfah hna nak zongkha lehrulhnak um lo hmanh seh, biapi asi lo. Lunglawmhnak te in a pe mi hna kha Pathian nih a dawt hna (2 Korin 9:7) i arianttuan nak zong asi kha philh hlah uh.

               Thinlung daihnak le lunglawmhnak thawngin innchungkhar chungtel hna nunnak kha a nuamter. Lungdi a riamter.

The post Lungthin a dai, Lunglawmhnak first appeared on RVA Hakha Chin.

The post Lungthin a dai, Lunglawmhnak appeared first on RVA Hakha Chin.

Ningcang lo in a um tawnmi cu caan a lakter lawng si lo in rian hna kha zeirel lo bantuk asi i mah le komhmi hna lunghnahnawhnak a siter khawh.

Aa chang diahmah in a um thiam lo mi cu ningcang lo in an tuah thiam. Tak pum he pehtlai in ning cang nak le thinlung lei ningcangnak hna cu ningcang lo sinak kha a kham piak.

Thinlunglei ningcang lo nak, daitein umlonak hna cu a daimi sining kha a hliam khawh.

A caan ahmannak zongchungkhar zatlang nunphung caah abiapi ngai ve. Midang kha aherh lo in hngahternak, hngahnak hna um lo dingin a caan kha diktein hman aherh.

Caan khiah mi ah khua a hnu lengmang mi hna cu annih a caan anhman lonak ruangah mi dang hnahnawh an pekkha an philh `heo hlei ah midang nih zongzeitluk lungsau in an i zuam ti kha an hngal lo.

Khua a hnut lengmang mi hna cu thil sining kha ningcang lo siding a tuah tu an si i toidornak lungthin le zaanrauhnak angei lo mi an si.

 A caan a dik lo mi hna cu midang timhtuahnak kha ning cang lo an siter i caan cazin a hrawktu an si. Ei le din hna caan hmante in timhtuahnak, thilpuan hna a caan hmantein suknak, thil (hnipuan) taiknak hna cu Chungkhar hna caan cazin kha ttuan tikah fawite in a tluanter.

Chungkhar chungtel hna cu hruai ningcang tthate aum i caan kha an upat cio ahcun cu innchungkhar cu anuammi chungkhar asi lai ti cu a fiang tuk mi asi.

The post Ning cang hruainak le caan hmaan first appeared on RVA Hakha Chin.

The post Ning cang hruainak le caan hmaan appeared first on RVA Hakha Chin.

       Nikhat cu aa tthi-um ka mi mipa pakhat nih ahawi lengttul pakhat kha a nupi kong he pehtlaih in ahmuh tonmi harnak kha hibangin achimh.

       “Ka hawi pa, Ka nupi cu aa dawhtuk, duhtlaih ngai asi; Asinain amah nih a phunphun harnak a ka pek. Keimah caah cun abiapi mi vailam pakhat asiko,” tiah ati tikah phawipa nih,

         “Na ka chimh cangka nan zawnruah ngai, Cucaah na hawikom ttha pakhat sinak in na Vailamtung put kan bawmh lai,” tiah arak ti.

Cutikah Chungkhar ngei mipa nih,

         “Cucu kan onh kho bak lailo,” Hi vailam cu rit ko hmanhsehlaw ka tlaihchanh ko. Keimah nih ka put ko lai, zawn na ka ruahnak cung ah kaa lawm… Ka inn ah rat ra ti hlah” tiah a leh ko ai.

          Chungkhar kong vailamtung cu a rit ngai ko. Put (phorh) ahar tawm ko. Sihmanhsehlaw a dawh i duh nung asi ti zong philh awk asi lo. Pakhat le pakhat i duh cang hnu ahcun dawtmi caah harnak tampi in ahau. Pumpeknak, pekchanhnak, dawtnak nih afialmi harnak lamkha sifah temnak vailam put in kaarhlan awk asi.

            Pumpeknak cu duhdawt ruangah asi,

            Pekchanhnak cu duhdawt ruangah asi,

            Pumpeknak cu thinlungah thlithup in a ummi dawtnak kha hmuh khawh dingah faingfai te in hmuhsaknak bantuk asi.

The post Pa khat Le Pa khat nan thilrit i chawng uh first appeared on RVA Hakha Chin.

The post Pa khat Le Pa khat nan thilrit i chawng uh appeared first on RVA Hakha Chin.

Mithiang St. John Viane cu Vawlei a um lioah Pathian biatak a zumhnak ruangah mi tampi nih an upat tukmi a rak si.

Chungkhar ngei hna zong kha ṭuanvo thinh cio ding in atu le atu thazaang arak pek hna. Chungkhar ngei nutung nu Madame Ruet of House cu fa tampi a ngei mi asi. A tu zongah a kumkhua a upa cang nain fa a pawi caah harnak aphanh i a re a thei ngaingai. A lung zong a nuamlo, a der. Hnemhnak ka tong hnga maw tiah ruahchanh in Pathian a ṭih zah ngaimi tiah thangmi Fr. John Vieane umnak (Ars) lei ah a va kal. Mithiang pa cu thlarau lei ruahnak a halmi hna, Mithiang pa sin in sualthlah a halmi hna an tamtuk hringhran caah fapawi nuṬung nu cu Mithiang pa bia ruah dingah canntampi a hngah.

Mithiang pa nih sual athlah piak lio hna ah fapawi nutung nu kha arak hmuh i vakal in thazaang a va pek. “Nangmah cu ngaih chiatin na lung re a theih ti ka hngalh. Zeicahdah asi,” tiah ahal i fapawi nutung nu nih “Na sal nu ka kum a upa cang i, hi ka pawimi (kapaw) caah ka lungre athei i ka ngaih a chiat caah asi,” tiah a leh. Cu tikah Siangbawi John Viene nih nemte in a mirh i,

“Na ral ṭha seh, Ka fanu, Pathian pekmi ngakchia hna kha lakawk atlak ko nain Vawlei ah lanhter lomi nu tampi hna cu hell ah an um ti kha ka fanu nih na hngalh ah cun naungeih kha na hmaihhngal pi ko lai,” tiah tha a pek.

The post Na Ral ttha Seh first appeared on RVA Hakha Chin.

The post Na Ral ttha Seh appeared first on RVA Hakha Chin.

Cu chawhlet hna nih Izipt ram ah phak tikah Siangpahrang ralkap pa Putiphar an timi ralbawi pakhat sin ah an rak zuarh chin. Pathian cu a lungthin athianghlim mi Joseph kha thlua arak chuah.

Joseph a bawipa cu Joseph ṭuanvo apekmi vialte teinak ahmuh kha a hmuh tikah a lung si tuk i amah Chungkhar dihlak he pehtlaimi kongkau vialte kha zumh bu te in ṭuanvo arak hluai dih.

Futifa nupi cu hmasa ah Joseph kha arak ttlaihchanh ngaingai. Asinain mah nu nih Joseph kha a forh fial in amah he ih ṭi ding arak i zuam nain a ngahlo caah Joseph kha arak huat. Cu huatnak cu amah kha harnak nganpi a ka pek khawh tiah Joseph nih arak hngalh ko nain midang nupi cungah sualnaktuah lo dingin arak hrial. a hnu bik ah cun FuṬifa nupi nih na umlo karah Joseph nih tlaihhrem aka timh tia Futifa kha ahlen i ripot arak tuah. Futifa cu Joseph cungah athin a hung tuk i thong arak thlak.

Biatak (ahmanmi) kha khuachia (bawipa) nih a cawngh timi bia bang dinfel mi Joseph kha Pathian nih cun arak khamh. A hnubik aham Faro Siangpahrang a mang kha Joseph nih a sullam arak lehpiak khawh caah thongchung in arak luat i Farao Siangpahrang nih Izipt ram uktu ah Joseph kha arak pek. Midang nupi ka sualpinak tuah lo in a dinfelmi (ziaza dingmi) Joseph cu teinak tampi arak hmuh.

The post Joseph first appeared on RVA Hakha Chin.

The post Joseph appeared first on RVA Hakha Chin.