St.Joseph Sisters hna i Sui Jubilee puai conglawmhnak hla

The post Lawmhnak Hla first appeared on RVA Hakha Chin.

The post Lawmhnak Hla appeared first on RVA Hakha Chin.

Golden Jubilee of St. Joseph Sisters at Cathedral Hakha (19 March 2025)

The post St. Joseph Sister pawl Hakha an phaknak Golden Jubilee Puai first appeared on RVA Hakha Chin.

The post St. Joseph Sister pawl Hakha an phaknak Golden Jubilee Puai appeared first on RVA Hakha Chin.

Cu Missa ah Bishop (1), Tlangbawi (16), Sister (25) le Zumtu Khrihfa ulenau (500) hrawng nih St. Joseph’s Sisters of Apparition phu pawl i Chinram chaklei Hakha an phaknak Golden Jubilee Lawmhnak Missa ah an i tel.

Bishop nih “Pathian hi amah duhning lam in thil a tuah duhmi a um i ahmebik a tuahmi hmanh kha philh awk a ṭha tilo”. Bishop nih papek in St. Joseph i nunnak kha a chim. Joseph cu Bawhte Jesuh le a Nu Mary kilven le lam hmuhsak dingah mission rian a ngei. Bupi chungah kannih vialte zongnih kan sining cio in mission rian kan ngei ve. Bawipa i a Pum; Khrihfabu zong St. Joseph i kilvennak le zohkhenhnak tangah pek asi, Bawipa nih Mithiang Joseph kha Bawhte Jesuh le a Nu Mary zohekhenh le kilven awkah rian a pek bantukin kannih pakhat cio zong Bupi chungin Mission rianṭuan awkah thim kan si ve.

Kannih Khrihfa hna nih Bawipa sinin a ṭhami thil pakhatkhat kan i ruahchan ve, nulepa hna nih an fale kha Bupi le mipi caah fale ṭha hna canding an i ruahchan bantukin a si.

Bishop nih papek in a chimchap mi cu “ramchungmi ṭha, ram caah fale ṭha, kan umhmun Bupi le mipi caah kannih pakhat cio cu ruahchanmi kan si. Bible chungin Joseph i daitein a umnak kha a sawh, Anih cu a daituk a ti. Sihmanhsehlaw amah minung hna caah aa pekchanhmi hi tahkhawh asilo. Phungchimnak ah a thiammi kan simen lailo, Joseph bantuk diate nunnak ah, mipi caah tahkhawh asi lomi thil hna tampi na tuahkhawh ko lai, kum upa pawl le ngakchia pawl zohkhenh zong hi  chanthar vawleicung caah a har ko lai. ~hihphaihnak, harsatnak le vanchiatnak phun zatling tong hmanh usihlaw zeitik hmanhah lungdong hla u sih. Joseph bantuk tein Bawipa kha i bochan hna u sih. Bawipa nih a Fapa ngeihchun kha amah sinah a pek bantukin a Pum asimi kannih hna zong Mary le Bawhte Jesuh bantukin a kan zohkhenh zungzal ko.

Bishop nih chiatserh in biakamhmi kha zumhawk tlaktein hnam (pom) hna u sih tiah a chimchap. Joseph cu a mission kha zeidah asi ti fiangtein a hngalh hlanah ‘ahodah si ti theihlomi sinin Mary nih fa a pawi tikah hlawt (kaltak) dingin a ruat. Sihmanhsehlaw, Joseph nih a ruatmi asiloah a mang chung i vancungmi bia hna kha ngaih awk le zulh awk ti a hngalh. Vancung i awthawng kha a zumh i a cohlan cangka in “ral hna i thah dingmi Bawhte Jesuh  khamh dingah ṭhihphaihnak a phunphun a tongcolh”. Vancung i ruahnak cheuhnak thawngin khua pakhat in a dang pakhat ah a zam.

Kan nunnak zongah, midang khamhawk le midang ca ṭhatnak tuahawk ah Khrihfabu le Pathian miphun ṭhatnak caah, kan pumpak duh i sum ding asi tawn.

 Myanmar ram a laicer i ummi Mandalay ah St. Joseph Siter pawl cu 1847 ah an phan. Rev. Fr. Alphonse U Ko Lay nawlnak thawngin St. Joseph Sister phu chung i Sr. Assumpta Wong cu Chinram chaklei i Hakha ah 1975 kumah a phan. Amah cu an Convent i hruaitu lubik asi. Bishop Nicholas Mang Thang (Archbishop Emeritus) nawlnak thawngin Sr. Wong cu dirh thar asimi “St. Teresa of the Child Jesus” Sister p awl phu i lam hruaitu le cawnpiaktu ah thim asi i a vawlei nunnak a dongh kum 2024 tiang ‘The Little Way Sisters’ phu i Moderator (Cawisantu) rian a ṭuan tiah Bishop nih a bia a dongh ter.

The post St. Joseph Sister pawl nih Hakha ah an phu phaknak Golden Jubilee Puai an tuah (19 March 2025) first appeared on RVA Hakha Chin.

The post St. Joseph Sister pawl nih Hakha ah an phu phaknak Golden Jubilee Puai an tuah (19 March 2025) appeared first on RVA Hakha Chin.

Khrih thawngin tukforhnak kan ing i amah thawngin Khuachia kha kan tei

Maw Pathian, ka nawlnak ka ngai tuah, bia a chimtu, keimah i thlacamnak ka ngai tuah. Hihi mi pakhat cio i thlacamnak, a lo. Mi pakhat cio a si maw si lo zoh tuah u sih: Ka lung a fah lioah vawlei cung khuazakip in nangmah sinah kan au. Atu cu minung pakhat a si tilo; cu nakin, Khrih cu pakhat a si i kan dihlak in a chungtel kan si timi sullam ah pakhat a si. Vawlei donghnak in aho pumpak pakhat lawng nih dah a ṭap khawh? Vawlei donghnak in a au mi cu Fapa ro dah ti lo cu ahohmanh an si lo. Amah cu hitin a ti: Ka hal law miphun hna cu na ro ah kan pek hna lai i vawlei dongh tiang cu na ta an si lai. Hi Khrih ngeihmi, hi Khrih ro, hi Khrih pum, hi Khrih Khrihfabu pakhat, hi lungrualnak kan sinak nih hin vawlei cung hmunkip in a au. Zeidah a ṭap? Hlan ah ka rak chimmi: Maw Pathian, ka nawlnak ka ngai tuah, ka thlacamnak ka ngai tuah; Vawlei cung khuazakip in nangmah cu kan au. cucu, vawlei cung khuazakip in, cucu, a kenkip in, nangmah sinah hi aunak hi ka tuah.

Zeicahdah hi thil hi ka ṭahter? Ka lung a fah lio ah. Biachimtu nih vawlei cung miphun vialte lakah a sangmi sunparnak si loin a fakmi hneksaknak dirhmun in a um kha a langhter.

Vawlei cung kan khualtlawnnak cu hneksaknak in luat khawh a si lo. Hneksaknak thawngin kan ṭhangcho. Ahohmanh nih hneksaknak in dah ti lo ahcun amah le amah aa hngal lo, asiloah teinak hnu dah ti lo ahcun lukhuh a hmu lo, asiloah ral asiloah tukforhnak dah ti lo ahcun aa zuammi an um lo.

Vawlei cung khuazakip in a ṭapmi cu ngaihchiatnak in a khat, sihmanhsehlaw amah lawngin kaltak a si lo. Khrih nih a pum chung i a ummi hna nih an lu a rak kalnak hmun kha zulh an i ruahchan khawh nakhnga, a pum chung i a ummi hna nih an lu a rak kalnak hmun kha zulh an i ruahchan khawh nakhnga, a pum chung i a ummi kannih kha a pum hmangin a kan muisam langhter awkah aa thim.

Satan tukforhnak in aa thim tikah amah he pakhat ah a kan ser. Bawi Jesuh Khrih ramlak ah khuachia nih tukforhnak a tonnak thawngtha chung ah kan theih cang. A ngaingai ti ahcun, Khrih cu khuachia nih a tukforh. Khrih chungah tukforhnak nan ing, zeicahtiah Khrih nih nan sining chungin a taksa kha a lak, sihmanhsehlaw amah ṭhawnnak in nan caah khamhnak kha a hmuh; nangmah sining tein thihnak a tuar, asinain amah thawnnak thawngin nangmah caah sunparnak a hmuh; cucaah, nan sining ah tukforhnak a in, amah thawnnak in nan caah teinak a hmuh.

Khrih thawngin tukforhnak kan in ahcun, Khrih thawngin Khuachia cu kan tei. Khrih tukforhnak lawng na ruat i a teinak kong na ruat lo maw? Amah chungah tukforhnak a tongmi bantukin i hmuh law, amah chungah teinak a hmumi bantukin i hmuh. Amah tein khuachia kha a kham khawh ko; sihmanhsehlaw tukforhnak a in lo ahcun tukforhnak tei khawhnak lam kha an cawnpiak kho hna lai lo.

Lehnak

Annih nih an in doh lai nain an in tei hna lai lo, zeicahtiah nangmah khamh awkah na sinah ka um- bia a chimtu cu a si.

Vainam in thah na si lai lo: na nunnak cu a him lai, zeicahtiah nangmah khamh awkah na sinah ka um lai-

Thlacam hna usih

Kum fatin kan tuahmi Lenten puai thawngin, Bawipa, Khrih biathli kan hngalhthiamnak kha thukpi in kan hngalhter law kan nunnak kalning ah a tak ah ser.

Nangmah le Thiang Thlarau he Pathian pakhat, zungzal in zungzal tiang a nung i a uktu na Fapa Jesuh Khrih thawngin. Amen.

The post first appeared on RVA Hakha Chin.

The post appeared first on RVA Hakha Chin.

Amah nih nunnak a kan pek: thlacam ning zong a kan cawnpiak

Dawtmi u le nau hna, Thawngtha nawlbia hna cu Pathian cawnpiaknak, ruahchannak sernak hrampi, zumhnak fehternak caah bawmtu, lungthin a cawmtu rawl ti dah lo cu zeihmanh an si lo. Annih cu a hmaanmi lam ah a kan umtertu, kan khamhnak a fekmi huhphenhnak an si. Vawlei cung zumtu hna lungthin cohlan khawhnak kha an cawnpiak hna tikah, vancung pennak ah him tein an hruai hna.

Pathian nih profet hna, a sal hna nih chim ding le a mi hna nih an ngaih ding hi tampi a duh. Fapa nih a chimmi bia cu zeitluk in dah a ngan deuh hnga. Hi hna hi atu cu a ratnak ding caah lam timhtuah dingin nawl an kan pek: amah pumpak in a ra i lam a kan hunpiak i cuka leiah a kan hruai. Hlan ahcun, thihnak muihnak chungah tinhmi ngei loin le mitcaw bantukin kan vakvai. Atu cu zangfahnak ceunak nih a kan ceuter cang, cun nunnak lam nganpi ah kan kal awk a si i Bawipa nih a kan hruai lai.

Bawipa nih khamhnak lei kan panh khawhnak hnga ruahnak cheuhnak le nawlbia tampi a kan pek. Thlacamnak phunglam hmanh a kan pek, zeitindah thla kan cam lai timi a kan cawnpiak. Nunnak a kan pek, cun a thiammi zaangfahnak he thlacam ning zong a kan cawnpiak. Fapa nih a kan cawnpiakmi bia in Pa sinah thla kan cam tikah kan bia ngaih a kan fawiter.

A hmaanmi Pathian a biami hna nih Pa kha thlarau le biatak in an biak caan a phan cang lai tiah a rak chimchung cang. Amah nih a kan pekmi thiannak thawngin Thlarau le biatak a comi kannih nih a cawnpiakmi thlacamnak thawngin biatak le thlarau in kan biak khawhnak hnga, ahlan i a rak kamhmi kha a tlinter.

Kan cungah Thiang Thlarau a thlahmi Khrih nih a kan pekmi thlacamnak nakin thlarau in thlacamnak a si deuhmi thlacamnak zeidah a um kho hnga? Biatak hrimhrim a simi Fapa hmur in chimmi thlacamnak nakin biatak chung i thlacamnak a tam deuhmi thlacamnak zeidah a um kho hnga? A kan cawnpiakmi si loin lamdang in thlacam cu hngalh lonak lawng si loin sualnak ruangah a si ti kha a zulh. Amah hrimhrim nih nawl a pek hna i, hitihin a ti: Nannih nih Pathian nawlbia kha nan hlawt micu nanmah phung zulh awkah a si.

Cucaah ka ule hna, Pathian kan bawipa nih a kan cawnpiak bangin thlacam u sih. A Fapa nih a kan pekmi bia in Pa sinah hal, a hna ah a thangmi Khrih thlacamnak theihter cu kan thlacamnak kha hawikomhnak, chungkhar thlacamnak ah ser a si. Pa nih a Fapa bia kha hngal hna seh. Kan thinlung ah a nungmi Fapa zong kan kaa ah um ve seh. Pa hmaiah misual hna caah dirkamhtu ah kan ngei; kan sual ngaihthiam kan hal tikah, a kan dirkamhtu nih a kan pekmi bia kha hmang hna usih. A kan chimhmi cu: Ka min in nan halmi paoh cu ka Pa nih an pek hna lai. Khrih min in amah thlacamnak bia nakin a ttha deuhmi thlacamnak zeidah kan tuah khawh lai?

The post Reflection for 11.03.2025 first appeared on RVA Hakha Chin.

The post Reflection for 11.03.2025 appeared first on RVA Hakha Chin.

Vatican khuapi, Mar 5, 2025 / 14:10 pm

Pope Francis nih Lenten khualtlawnnak nih Khrihfabu kha Jesuh Khrih ah ruahchannak nih a donghnak ah derthawmnak le nunnak tawite timi ṭihphannak kha a tei ti kha a theihter hna tiah a ti.

“Vutcam le vawlei in sermi, zawtnak, sifahnak le kanmah le kan chungkhar cungah ruahlopi in a tlung khomi harnak hna hmangin derthawmnak kan tong,” tiah pope nih Ash Wednesday caah timhtuahnak a ngeihmi phungchimnak ah a chim.

“Asinain, Lent cu kan ruahchannak thawhter ṭhan awkah sawmnak zong a si,” tiah a ti. “A thukmi thihnak chungin a tho i sualnak le thihnak vutcam chungin zungzal nunnak sunparnak ah a kan hruaitu Pathian sinah kan mit hler dingin sawm kan si.”

Pope cu Gemelli Sizung ah a sii lei thlopbulnak a pehzulh i Rome i Aventine Hill ah a ummi Santa Sabina Basilica chungah tuahmi Missa ah aa tel kho lo.

“Vutcam nih leidip kan si ti a kan theihter, asinain ruahchannak leiah a kan auhmi khualtlawnnak ah a kan hruai ve,” tiah Cardinal Angelo De Donatis nih papal cauk a rel lio ah a chim. “Jesuh cu vawlei leidip ah a rung ṭum i, a thawhṭhannak thawngin, amah he Pathian lungthin chungah a kan hnuh.”

Lent khualtlawnnak tuahnak a ruangah, Easter kha biapi ah chiah in, pope nih a phungchimnak ah Cardinal, Bishop le Benedictine le Dominican phu chung i biaknak lei unau hna phu sinah a thoṭhanmi Bawipa nih “lam donghnak ah” a kan hngak ko tiah a ti hna.

“Kan kalnak Easter ruahchannak nih Pathian ngaihthiamnak a kan zumhter,” tiah Pope nih a hlan Benedict XVI i bia a lak. “Sualnak vutcam chung i kan pil lio hmanh ah, ruahchannak nih nunnak lawmhnak cohlannak caah lam a kan onh.”

“Pathian sinah kirṭhan hna usih, kan thinlung dihlak in a sinah kirṭhan hna usih,” tiah Pope nih a chim. “Zaangfahnak in kanmah le kanmah leng tiang kal, pakhat le  pakhat kan herhmi i hrawm le a dingmi vawlei ruahchannak cawmken hna u sih.”

A phungchimnak ah, Pope nih kan minung dirhmun a derthawmnak cohlan cu “kan caah a ṭha” tiah a ti, zeicahtiah “hmaikhuh kan i hruk ko nain” ahodah kan si taktak ti le Pathian kan herhnak kha a kan theihter.

“A kan sersiam ṭhan, kanmah le kanmah kan i porhlawtnak a fahning a zorter, thil umtuning taktak ah a kan kirter ṭhan, cun pakhat le pakhat aa toidor deuhmi le a kan onh deuhmi ah a kan ser: Ahohmanh Pathian kan silo; kan dihlak in khualtlawnnak ah kan um,” tiah a ti.

“Hi ruahchannak he kan thinlung chungah, kan khualtlawnnak hi thawk hna u sih. Pathian he i rem cang hna u sih,” tiah Pope nih March 5 i a phungchimnak a donghnak ah a chim han.

The post Ash Wednesday first appeared on RVA Hakha Chin.

The post Ash Wednesday appeared first on RVA Hakha Chin.

Ash Wednesday cu Lent nikhatnak a si, ni 40 chung (Zarhpi ni telh loin) Jesuh Khrih thawhṭhannak caah sual ngaihchihnak le thlarau lei timhtuahnak caah pekchanhmi a si. Hi ni nih hin ruahnak cheuhnak, raithawinak le thlennak caan a chuahpi caah theological sullam nganpi a ngei.

Theologian minthang Henri Nouwen nih Lent caan cu “biatak hmun” ah luh ṭhannak caan a si tiah a rak ti. Kan sining taktak he kan i pehtlaih ṭhan caan le nunnak, sifah harnak le tlanhnak kong a thuk deuhmi thilthup hna kha kan ruahṭhan caan a si. Ash Wednesday cu hi thlarau khualtlawnnak ah a tlingmi luhnak hmun a si. Mah le mah i ruahnak, ngaihchihnak le tharchuahnak caan cohlan awkah sawmnak a si.

Lent cu mah le mah i hlawtnak le raithawinak caan ah hmuh khawh a si ko nain, chocolate asiloah social media hlawt nakin a tam deuh. Pathian velngeihnak, zaangfahnak le thlennak ṭhawnnak lei ah kan lungthin le kan ruahnak thlennak kong a si. Khrih intuarnak, thihnak le thawhṭhannak biathli kan ruah tikah, kanmah nunnak kha zohfel ṭhan awk le Pathian le pakhat le pakhat he naih deuh in kan ṭhan khawhnak hmun pawl hngalh awkah auh kan si. 

Vutcam: Thihnak le Ruahchannak Hmelchunhnak

Ash Wednesday ah vutcam hman cu hlanlio Khrihfa phunglam a si, Cathiang le hlanlio Khrihfabu phunglam ah thukpi in aa hngatmi a si. Tlangbawi nih vailamtah bantukin an cal ah vutcam a thuh tikah, “Leidip na si kha philh hlah law leidip ah na kir ṭhan lai” timi bia kha an chim. Hi bia hna nih hin Genesis 3:19 chungin Pathian nih Adam cu a tluk hnu ah a chawnhmi kha a langhter: Na hmur in rawl na ei lai, Na chuahnak vawlei ah na kir hlan tiang; Zeicahtiah leidip na si i leidip ah na kirṭhan lai; a ti (Genesis 3:19).

Genesis chung i a ummi biafang nih hi vawlei cung kan nunnak hi zungzal in a hmun lai lo ti kha a kan theihter. Kannih cu donghnak a ngei lomi le kanmah leng i thil pakhatkhat ah ruahchannak a ngeimi miphun kan si. Midang nih an hmuh khawhmi hmelchunhnak pakhat kha nikhat chung i kennak nih Genesis caang ah fianternak a chiah. Cu biatak hmun i a kalmi tehte kan hung si.

Vutcam cu kan thihnak kong a fiangmi theihternak a si. Hi vawlei cung kan nunnak cu a donghnak a um timi biatak kan ton khawhnak hnga bawmtu dingah toidornak langhternak a si. Zeitluk kan khon zongah, hlawhtlinnak kan hmuh zongah, a donghnak ahcun leidip ah kan kir dih. Hi a fekmi theihternak nih hin kan lungdonghter awk a silo, sihmanhsehlaw Pathian cungah kan i hngatchannak hngalhthiamnak he nun awkah toidornak le thazaang peknak caah a si.

Ash Wednesday ah vutcam cohlannak phunglam cu hlanlio Bible phunglam in aa thawkmi a si. Lu cungah vutcam chiah, angki thleh, le puanchia hruk cu Bible chan ah ngaihchihnak langhternak, lenglei hmelchunhnak an si. Cu bantuk langhternak cu toidornak le ngaihchihnak a si, asinain mah le mah i dohnak le mah le mah i porhlawtnak caan zong ah aa cang kho.

Ash Wednesday ah hmanmi vutcam cu a luan ciami kum Palm Sunday puai ah thinghnah an khanghnak in a chuakmi a si. Palm Sunday ah Jesuh Jerusalem a kir ṭhannak a si i, a ratnak lawmhnak caah mi nih palm hnah an hler. Mah nih hin Ash Wednesday upatnak le Palm Sunday lawmhnak kha a pehtlaihter, cucu Jesuh nih Jerusalem ah teinak he a luh kha a philh lonak a si. Hi thil pahnih karlak i aa dannak nih Khrihfa zumhnak i aa kalhmi kha a langhter—Siangpahrang Jesuh cu toidor tein laa cungah aa cit, vailam cungah sifah harnak le thihnak lawng a ton. Palm Sunday le Ash Wednesday cu Lent caan caah cauk donghnak ah an hman, Khrih siangpahrang sinak le a raithawinak pahnih kha a kan theihter ṭhan. Phungchim dih hnuah Ash Wednesday Mass tuah lio ah tlangbawi nih vutcam cu thluachuah a pek hna. Cun vutcam cu minung pakhat cio an cal ah vailamtah bantukin an thuh hna.

Ash Wednesday Thlarau lei Tinhmi

A hrampi ah, Ash Wednesday nih toidornak, ngaihchihnak le thlennak hmunah a kan auh. Kan nunnak kha thukpi in, dinfel tein zoh caan le Pathian vel le zaangfahnak kan herhnak hmun hngalh caan a si. Kan cal i a ummi vutcam hi kan thih khawhnak hmelchunhnak menmen a si lo—sual ngaihchihnak auhnak le sualnak in kan i mer i Pathian sin kan kirnak hmuh khawhmi hmelchunhnak an si.

Vutcam hmuhnak, sual ngaihchihnak tuahsernak cu mipi hmai ah Pathian ṭihzahnak langhternak caah a silo, thlarau lei tharchuahnak kalning ah pumpak i pekchanhnak a si deuh. Mah le mah i ruahnak caan a si, kanmah le kanmah biahalnak harsa i hal caan a si: Pathian upatnak a pemi lam in ka nung cang maw? Ka nunnak ah thianhlimnak caah a kawhnak ah ka tlaunak hmun a um maw? A dawtnak le velngeihnak caah hmunhma ser khawhnak dingah porhlawtnak, mah zawn lawng ruahnak, asiloah lungfahnak kha ka thlah a hau maw?

Matthai Thawngṭha chungah, Jesuh nih midang i cohlannak caah kan sual ngaihchihnak hna kha mipi hmai ah langhter lo dingin ralrin a kan pek:

“Rawl ulh tikah mi depde hna bantukin lungdong in um hlah u. Mi nih rawl an ulh  ti kan hngal hna she tiin rawlṭam hnianghnuang in an i chawk. Amen, kan chimh hna, an laksawng cu an hmuh cang. Sihmanhsehlaw rawl nan ulh tikah chiti i thuh u law nan hmai kha i kholh u, cuticun a thupmi nan Pa dah ti lo cu midang nih an in hmuh lai lo. Cun thuhmi a hmutu nan Pa nih an cham hna lai,” tiah a ti. (Matthai 6:16-18)

Hi caang nih hin vutcam cohlannak telh in Lent phunglam cu pumpak kong he aa pehtlaimi a si ti kha a kan theihter. Midang lungthin laknak le lenglei in fehternak kawlnak kong a silo. Kan lungthin le kan ruahnak kha Pathian duhnak he aa tlakter i thlacamnak, rawl ulhnak le zaangfahnak in thlennak taktak kawlnak kong a si.

Biadonghnak: Lenten Khualtlawnnak Cohlan

Ash Wednesday cu Lenten caan thawknak caah lam ṭhabik a si. Ruahnak, toidornak le sual ngaihchihnak ni a si nain ruahchannak ni zong a si. Kan cal i vutcam hi lungdonghnak hmelchunhnak si loin Pathian kan i hngatchannak le a dongh hngal lomi a velngeihnak hmelchunhnak tu a si. Lent chung kan kal lio ah, Pathian cu kan chungah le kanmah thawngin rian a ṭuan khawhnak hnga hi thlennak caan hi lungthin kau tein cohlang hna u sih.

The post Reflection for 5 March 2025 first appeared on RVA Hakha Chin.

The post Reflection for 5 March 2025 appeared first on RVA Hakha Chin.

Marka 10:1-12 ah Jesuh nih nupi thitnak kong he pehtlai in a thianghlimnak kong a langhter. “Pathian nih a fonhmi hna cu minung nih tthen awk a si lo,” (9) tiah a ti hna. Sihmanhsehlaw, Pathian hmai le mipi (bupi) hmai ah biakamnak an hrawk, ‘nu le pa sualnak tuah’ ruangah ngaihthiam khawh lo tiang a si mi kong he pehtlai in a chim chap mi cu “A nupi kha a ma i nu dang a tthimi cu a nupi cungin nu dang duh sualnak a tua a si; cu bantuk tthiamtthiam in a va kha a kirtak i midang a vami cu va cungin pa aa duh a si ve” (11,12) tiah a ti hna. Cu bantuk sualnak ti lo ah cun nu le tthen cu Jesuh nih nu le va tthen lo dingin a kham. Nu le va cu Pathian pek mi thluachuah fa le a ngei dingmi, Pathian thil sernak program ah aa tel mi an si caah lungthin khat tein um zungzal ding kha Jesuh nih a kan duh piak mi cu a si. An i tthitumhnak kha thih tiang thianghlim tein kil ven ding rian zong a ngei mi an si.

Atang i Facebook link ah zohkhawh asi

Jesuh nih sernak tuanbia kha a chim ṭhan i, a hramthawk tein Pathian nih nupi ṭhitnak cu pa pakhat le nu pakhat karlak lang ah siter ding in a timh mi a si caah, “pum khat” ah a cang lai tiah a ti nak zong a si.

Farasi mi hna i ṭhennak kong biahalnak kha Jesuh nih direct in a leh hna tikah a biapi lomi ṭhennak nawl a pemi nawlbia kha “Pathian nih a fonhmi hna cu minung nih tthen awk a si lo” tiin a rawk kho lomi pehtlaihnak sining fianternak in farasi mi hna ruahnak ttha lo kha a doh hna nak zong a si.

Nihin ni caah kan relmi Thawngtthabia nih hin nupi/pasal ngeihnak le i tthennak kong he pehtlai in chanthar mi hna hmuhning hna zong ruah tthan ngai ding in a kan hmuh sak ve. Nuva hna biakamnak kha biapi ngai in chiah ding; cun sifah harsatnak ton caan paoh ah lungthin khat tein tei khawh ding, tthen nak timh hlan ah remdaihnak lam kawl zungzal ding a si.

Minung cu thilri menmen kan si lo caah chanthar mi hna hmuh ning; pakhat le pakhat ttha deuh in kan i theih hmasat khawh nak ding caah tiin tthitumhnak tuah rih lo in um nak timi ruahnak zong hi tha pek lo ding kan si. Pakhat le pakhat kan i upat zungzal ding a si. “Cucaah nannih cu nan dihlak in Khrih pum kha nan si i pumpak cio ah a nge kha nan si” (1 Cor 12:27). Nan pum cu Thiang Thlarau biakinn a si kha nan hngal lo maw? Nannih cu nanmah ta nan si lo, Pathian ta nan si” (1 Cor 6:19-20). Pathian Thlarau biakinn tiah auh mi minung pum kha upat zungzal ding a si. Zeicah tiah cun ‘a man in cawkmi nan si. Cucaah nan pum cu Pathian sunparnak caah hmang u.’

The post 28 February,2025 Reflection first appeared on RVA Hakha Chin.

The post 28 February,2025 Reflection appeared first on RVA Hakha Chin.

(Sirah 5:1-8, Mk9:41-50)

†***†**********† https://fb.watch/x-VoAamB4E/ †***†**********†

Nihin ni caah kan rel mi Thawngtthabia cu Mark 9:41-50 a si i Jesuh hnuzulh a duh mi hna caah a herhmi zulh-phung sining hrampi a langhter kha kan hmuh khawh. “Keimah a ka zummi, hi ngakchia tete hna lak i pakhat hmanh hi, ka lam in a pialtertu cu, a hngawng ah facang rialnak lung tumpi thlaih i rili chung i thlak kha a caah a ttha deuh”, tiah Jesuh nih a ti.

Pathian rianttuan ka si timi min hmang in mah duhnak a tlinnakhnga timhnak a ngei mi, mah zawn lawng a ruat mi, Khrihfa mi hna le nuhmei ngakttah hna chawva kha mah si tthatnak caah hmuh a duhmi, mah taksa diriam nak caah midang fa le hna pum kha hman a duhmi hna cu “a hngawng ah facang rialnak lung tumpi thlaih i rili chung i thlak kha a caah a ttha deuh” tiah Jesuh nih a ti bangin hi vawlei in hloh an si kha an caah a ttha deuh. Zeicah tiah cun Pathian min hmang in satan rian a ttuan mi an si caah a si.

Cu a si caah nihin kan rel mi Thawngtthabia nih a langhter mi cu hawi a tluk lo mi hna cungah zangfahnak lungthin ngeih ding le bawmhnak pek an tinak a si. Cun Khrihfa kan sinak zong ah pakhat cio nih ralring tein Jesuh cawnpiak nak kha kan theih i kan i nunpi zungzal ding zong a si. Kan tuahsernak le kan bia hna zong ralring teim chim le um ding a herh. Abikin fawi tein lam pial khomi hna, hlen khawh a simi hna kan i ton tikah ralring tein um ding kan si zong a herh fawn.

“Na kut asiloah na ke tan” timi tahchunhnak bia hi kan nunnak ah a herh taktak mi tahchunhnak bia a si fawn. Zeicah tiah cun sualnak ah a kan hruaitu thil paohpaoh kha biatak tein hloh a herh caah a si. Hi cawnpiak nak nih a langhter mi cu pumpak raithawinak, i sumnak nganpi Khrihfa kan sinak ah a herh timi zong a si. Cun kan tuahsernak lawng si loin kan ziaza zong in midang cungah thil tampi a chuahter khawh. Kan i ralrin ding a si.

Cu a si caah, kan ruahnak, kan tuahsernak, kan ziaza hna kha felfai tein i check zungzal ding kan si. Khrihfa nun zia cu mah duhnak tuah kha si loin Pathian duhnak zulh le zumh a si caah, vailam he aa lomi harsatnak tete he kan nung zungzal ko lai. Mah duhnak i sum khawhnak ding caah thluachuah vialte chuahnak hrampi a si mi Pathian sinah mah le mah i tei khawhnak thazang hal zungzal ding a si.

The post Daily Reflection first appeared on RVA Hakha Chin.

The post Daily Reflection appeared first on RVA Hakha Chin.

Nihin avokhatnak cathiang kan relmi cu, mithiang Peter nih Khrihfa hruaitu hna kha cawnpiaknak le ralrinnak a peknak hna kong kan theih. Hi cathiang chungah “Khrihfa upa” hmanmi biafang cu, Khrih nih nawlgeihnak le ṭuanvo a pekmi hna tuukha asi mi Bishop, tlangbawi (siangbawi), pastor hna tiah kan ti khawh. Hi lio chan ah lamkaltu hna le anmah chimmi thawngṭha a zummi hna chungin Khrihfa hruaitu (tu chan ahcun siangbawi) ṭuanvo a ngeitu kha an si ko. Mithiang Peter cu a hmasabik Pope (the first Pope) asi bantukin, a unau asi mi lamkaltu hna le zumtu Khrihfa hna kha cawnpiaknak nawl (teaching authority) a ngei. Cucaah mithiang Peter nih a kan cawnpiakmi hi nihin kan chan ah ruah awk ngaingai le zulh awk a herhmi asi.

21 kumzabu i a nungmi kan chan ah Khrihfabu ah zeibantuk derthawmnak, tlukrilhnak dah kan ton ti mi zong ruah a herh cang. Khrih nih a dirhmi a Bupi cu zeibantuk zulhphung in dah kan i hruai i kan hruaitu hna zong Khrih cawnpiaknak he aa hlaat maw aa nai dah ti zong cuanh thiam kan herh cang. Khrih a Bupi asi mi Catholic kan i hruainak ah Thiang Thlarau lam hruainak cu cat lo le dong loin a kan umpi hrimhrim ti cu al awk a ṭha lo. Kan tuukhal hna cu minung an si bantukin tlamtlin lonak le derthawmnak tampi an ngei ve ko. Sihmanhsehlaw, an thadernak le an santlaihlonak kha Khrih nih ṭhawnnak in a thuamh hna i, huatu le ralchantu rel cawk lo ral phunzakip lak ah Catholic Bupi cu a tlangbawi hna hmang in a hruai zungzal ko.

Kan tuukhal hna nih hrial awk le i ralrin awk a herhmi, tangka duhtuknak, nawlngeihnak kha luantuk in hmannak, thathu ngai in an mission rianṭuannak ah thazaang chuah zuamlonak, mah le unau chungkhat rualchan ca lawng ah rianṭuannak hna zong a um ve kho men. Khi bantuk in minung pumsa duhnak hna zulh in Khrihfabu kha ṭha tein an hruai khawh lo tikah, mithiang Peter nih a unau asi mi lamkaltu hna le hruaitu hna kha minung mihmai zoh hin lo tin a rak chimh hrin hna bangin Bishop hna nih an mah an uknak tang ummi siangbawi hna kha chimh hrin awk le cawnpiak awk, a herh ning in tlaangtlaaknak nawl an ngei i cucu an ṭuanvo hrimhrim zong asi. Khrihfa hna lei kap in kan zoh tikah, kan tuukhal hna nih ningcang loin an um sualnak hnga lo, an caah thlacam piak le thazaang pek zong a herh ve. Tuukhal hna kha a doh in doh i, ralchanh phun in um awk asi lo.

Cucaah Khrih cu kan Tlangbawi Ngan le kan Tuukhal Ṭha asi bantukin, kan tlangbawi hna, kan tuukhal hna nih Khrih nun kha i zohchunh in an tuurun hna kha felfai tein a zohkhenhtu, a cawmhlawmtu tuukhal ṭha tampi kan ngeih khawhnak hnga thlacam piak awk ṭuanvo kan ngei ve. Minung cu ahohmanh a ding a ṭha zungzalmi kan um lo i, a sual a palh zungzal mi zong kan um lo caah ngaihthiamnak, theihthiamnak le zaangfah zawnruah nun kan herh cio. Sihmanhsehlaw, Khrihfabu, inchungkhar ah, veng le sang le khua le ram ah lutlai/ hruaitu hna caa zulh awk a herhmi  zulhphung (upadi) an um bantukin, kuttang ummi, hruaimi, mipi hna caah zulh awk upadi an um ve hna.

Nihin mithiang Peter nih ralrin a kan pek bantukin vawlei thisa duhnak lawnglawng a zul i mah le sinak (identity) tiang le mizapi nih ai-awh in Khrihfabu tiang limhang a zortertu dingmi umtu ziaza hna cu cunglei hruaitu hna nih zoh sawh menmen awk asi lo. Catholic Bupi ah, pumpek in Pathian rianṭuantu hna i pumpak nuncan ziaza hi a biapi ngai ve i ṭhatnak le mi caah nun a siangmi si hna seh tiah mi nih an duh piak hna. Nun zia dawh lo in Pathian rianṭuantu nih an um sual tik ah an Khrihfabu member pawl an ngaih a chia. Zeicah tiah cun Pathian rianṭuantu hna nih an ai-awhmi le a rian thiang an ṭuanpiakmi cu Khrih kha asi i, Catholic bupi cu Khrih i a pum asi. Khrih le a Bupi cu ṭhen khawh an si lo caah, Khrih rian thiang a ṭuanmi tlangbawi, sister, brother hna le saya hna an pumpak nun zong hi Khrih le a Bupi caah a biapi ngai ve.

Kan Bishop hna, kan siangbawi, kan sister, brother hna le saya hna nih Pathian duhnak kha papek in, a rianthiang a ṭuan khotu an si khawhnak hnga thlacam piak hna usih. An derthawmnak le an thil ti khawhlo nak lawng kha a hmu thiamtu si loin, nifatin an dohmi tukforhnak ral phunzakip zong kha a hmuh thiam i zuam ve usih.

The post February 22 Reflection first appeared on RVA Hakha Chin.

The post February 22 Reflection appeared first on RVA Hakha Chin.