RAM LIANNGAN HNA LE KOKEK PAWNGKAM DATKHU HNA

Thilnung saram phuntling khamhnak le tupi sawksam lohtlaunak in khamh dingah rianṭuannak cu ṭhanchonak lei a panh kho rih lo. Khuacaan aa thlennak zohkhenh awk tuahnak zong a tlawmtuk hringhran kha kan hmuh. Thlalang inn nichawn chuahternak zorter dingin tuahnak ah dinfelnak, ralṭhatnak, ṭuanvo laak thiamnak hna a her hi, a hleice in thazaang ṭhawng ram ngan hna le thli thurhnawmternak tambik a tuahmi ram hna leikap in rianṭuannak tam deuh in a herh.

UNO lei nih hruaimi zohkhenh kilven tuah khawhnak ṭhanchonak he pehtlaimi ton biaruahnak pakhat ah (-2012) a kaumi rian ṭuanchuahnak hna aa tel nain, hmualngeihnak a dermi biachahnak aa telmi hnatlak pinak a rak chuak. Vawlei cung ram (International) hna aa telmi biaruah ceihmainak hna an tuah nain, ram cheukhat hna cu vawlei cung huapmi tamdeuh ṭhathnemnak kha zoh loin an ram ṭhatnak ca lawng kha hmai ah an chiah caah a fiang deuh in ṭhanchonak kan hmu lo.

Hi cathluan hi ka timhtuah ka ṭial lioah hin kokek pawngkam kong ceihmai bia-alnak hna cu a fak khun liopi a si. Pathian a zum i aa bochanmi hna cu hi biaruah ceihmainak hna in remter duhnak a simi aphi chuah hmuhnak caah thlacam loin an um bal lai lo. Cuti a si lawngah hmailei caan cipeh thar hna cu kannih a palhmi ruahnak cheuhmi kha an rak theih sual ve i tuah dingmi riaṭuannak caah khua an hnut ruangah a chuak dingmi fahnak (dan) kha in lo awk a biapi ngaingai.

Kokek pawngkam zohkhenh kilvennak caah an chim ciomi program cheukhat ah thli a thurhnawmhtermi datkhu hna zorternak caah a dihheu dingmi tangka hna cu vawlei cung ram hna (International) nih liam dingin an chim cio. Sihzung rianṭuannak a ṭhangchomi ram ngan hna cu thli thurhnawmhnak kha tam deuh an tuah i vawlei chungchuak a tlawmmi ram hna nih thli thurhnawm termi datkhu chuahternak a tlawm nain, a dihheumi tangka kha a zat ceo in kan liam lai ti a si ahcun a fawi ve lo. Thli a thurhnawmh termi ram hna cu aa tlakkhan ningin ṭuanvo lak cio dingin ruahnak a chuahpi mi zong an rak um ve.

Hi kong he pehtlaih in Thlanglei America leiṭhen i Bolivia ram in Bishop pawl nih an chimnak ah sehzung rianṭuan a ṭhanchonak i ṭhathnemnak kha tambik an tinco i, thli thurhnmawhnak kha tambik a chuahnak ram hna ah annih ruangah a chuakmi piahtana hna caah fianternak kha kawl awk ahcun annih cung lila lawngah ṭuanvo an ngei.

Chuekhat nih an chimmi fianternak hna cu a deumi fianternak hna an si i, ram cheukhat hna i chungkhat-chungkhar hna nih annih luantuk in an hmannak kha i khamhnak caah an chimmi program menmen an si.