Fapa Ṭha Nule Hna
Voikhat ah Kum (6) asi mi Siangngakchia pate pakhat cu a thluak a chia tuk ti in Sianginn an phuah. Anu nih, Ka fapa hi tluk a thiam lo mi asilo, keimah nih ka cawn piak lai” ati i zaangfah ngai khin a cawmpiak tikah cu ngakchia pa cu Sciecne fimnak leiah serchuah tu tuanbia dirhtu tuanbia atial Vawlei cung minthang pakhat arak cang. Amah min cu Thomas Edison kha asi.
Nu ṭha pakhat zawnruahnak le cawnpiaknak thawngin Vawlei cungah fanu / paṭha tampi anrak chuak cu ahmaan mi asi. St. Louis IX, France Siangpahrang nu cu Pathian a zumhngaingai i a fale kha lam ding arak hmuhsak hna. Louis a ngakchiatlio ah a nu nih thil ṭhalo tuah cu fihnung, lungtawiawk asinak kha a chimhpeng! Nangmah cu thilṭha lo tuk na tuahmi nak in ka hmai i na thih kha hmuh ka duh deuh tiah ati peng.
Anu cawnpiak chimhhrinnak, aṭhami lam hmuhsaknak hna ruangah Louis cu Siangpahrang arak can tikah hruaitu ṭha pakhat arak si. A ram kha ningcangte in arak uk i rammi hna kha a chung chuak fale bantukin arak komh hna. Cu lengah Pathian a zumh i thilhmaan a duhtu Siangpahrang pakhat sinak in tuanbia ah a min arak thang. A hnu ah cun Bupi chung i Mithiang (St. Louis) sinak an rak pek.
Cardinal (Vaugham) a nu zong hi a fale kha Pathian ṭih le zumhnak, ziaza ṭhatnak ro a petu sinak ah minthang pakhat asi ve. Bawipa Thisa zong a zumh ngaingai. Nikhat suimi lam pakhat lengmang Bawipa Thisa arak biak. A nun ziaza le thla a campiaknak hna thawngin afale (8) lakah (6) cu Siangbawi an cang i pakhat cu London khua Cardinal Vaugham asi.
St. Peter Celestine a nu zong hi fale caah Nu ṭha pakhat arak si ve. Amah nih fa (4) arak ngeih. A fale kha a chimhhrin peng hna i lam ṭha arak hmuhsak hna. Fapa ṭha le fapa sung siding in a cawnpiak lengmang hna. Nikhat cu afale kha a cawnpiak hna i, “Bianaah nanmah lak in pakhat tal Mithiang nan can ah cun kaa lawm ko” tiah ati hna, afapa hniang nih a nu ṭangchung a lut i keimah mithiang si ding kaa zuam lai, tiah bia a kamh. A bia ṭiamning in St.Peter Celestine arak cang.
Fale minthang teinak hmuh cu nule pa thluachuah asi. Cu cucaah nu le pa kha philhawk an si lo.
St. Augustine a nu St. Monica cu Chungkhar nuṭha pakhat asi. A vapa le afapa cungah dawtnak angan, Pathian a zumhnak le thlacamnak in anungmi asi.
St. Augustine angakchiat lio ah muihnak chungah zei huaha lo arak tlak. Asinain a nu Monica thlacampiak nak cu a nun thlennak hrampi arak si. A fapa zong kha a hmaanmi nun thlennak ah ahruai khawh. Amah cu fapa ṭha i Nu ṭuanvo kha a tlinh i Mithiang nunnak a ngeitu pakhat arak si.