Fale zohkhenh cawmkennak le Fimchimhnak kong
Nu le pa hna cu an hrinhniang hna kha zohkhenh cawmken le fimchimh ding ṭuanvo an ngei. Lehthahnak sullam (aruang) pakhat zong asi.
Thluaklei he pehtlaimi Science, le Arts, (Teikpan fimnak le cawnmi thiamnak) le lungthin he pehtlaimi pahrang, nunning ziaza hna kha cawnpiak ding an si. A hleice in thinlung lei fiamthiamnak (asilo ah) dawtnak pahrang hna cawnpiaknak ah nu le pa nih thil tikhawh deuh asi.
(J. Maritan) a zumhnak cu, zeibantuk Fimthiamnak phunglam a va si zongah annih kha miṭha ah an canter khawh lo asi ah cun, a dang ṭhathnemnak dang apek khawh ko hmanh ah cu Fimthiamnak phunglam (upadi) cu mah i tinhmi fimthiamnak kawl tung a hrawk tu asi. Aruang cu fimthiam mi pakhat simi nakin mṭha pakhat sinak nih abiapi deuh ca ah asi.
American President hlun Theodore Roosevelt ni hihi a dirkamhnak cu, “Nangmah cu mi pakhat kha thluak lei fimnak na pek i ziaza dinnak lei fimnak na pek lo ah cun, minung umnak vawlei pi kha ṭihnung ral siding in a cawnpiak mi bantuk na si.
1996 Kum July (4), cacawn nili ah Pope John – II nih Latin America le Rom khua i a ummi Europe University hna in Sianguk hna kha aton hna i Fimthiamna lei he pehtlaih in nunning ziaza abiapit nak kong a tanglei bantukin arak chimh hna.
“Nannih fimthiamnak lei he pehtlaimi, teikpan thiamnak he pehtlaimi minung man le minung nunnak i a man hna kha abiapi hrambunh i nan thiamnak dih -um chuah in nan ṭuan ding ah kan auhmi hna asi. Hngalh theih fimnak pakhat cu minung he le nunning ziaza he pehtlaih mi in aa hlat ahcun, cu hngalhthiehnak – thiamnak cu minung kha aralchanh i rawhral nak le thihnak hriamnam ah athen piak khawh.
(E.G White) zong nih cubang cun azumh nak asi ve. Amah ih “Siangngakchia pakhat a thil ti khawh tawk fimthiamnak lei ah lungthin bunh in ruat ko seh. Nunnak le zulhphung upadi a zulh thiam lo ahcun amah cu a nunnak hrawktu lehhlam asi lai. Amah pum i uk khawhnak arawk te lai. A nih he pehtalihmi, thukpi in ruat dingmi thil hna ah a hman ningte in rauhthiam bia chah thiamnak atuah kho lai lo. Amah cu lungthin lei he pehtlai mi, thlarau lei he pehtlaimi hna he pehtlaih in rian a `uan tikah kham khawh lo tiang le zapi nih cohlan khawh lo mi tiang a chauhter. A hman mi zulh phung upadi ser ding ah zeirel lo umnak in amah cu atu Vawlei le hihnu vawlei kha hrawhnak a ing lai, tiah ati.
Minung cu theih hngalhnak a ngei. Khua a ruat thiam. Asinain hman te in le ningcangte in khuaruah thiam ahau. Ahman mi ruahnak a chuah cangka nunnak lam a ding ve lai.
Apalh mi thiehhngalhnak, ningkel lo khua ruahnak cu ṭihnung asi. Nun ning ziaza lei le a hmaannak lei hna ralchanhter ding kha tha a pek.