Pope Leo XIV le ngakchia thongkhat hrawng cu Vatican dum ah October 1 ah daihnak caah Rosary an cam lai

Aid to the Church in Need (ACN) nih an tawlrel i an tuahmi, “ Ngakchia tinghra nih Rosary Thlacamnak,” ti mi hramthawhnak caah le ṭhanchoter awk ah a ra laimi October 1 ah ngakchia 700 in 1,000 hrawng cu Vatican dum ah Pope Leo he Rosary thlacamṭinak an ngei lai tiah Vatican nih thawng a thanh. ACN nih an thanh ning ahcun Vatican dumchung i Loudes Bawinu Mary Lungkua (Grotto) Pope le Rome khua um parish dangdang hna in ngakchia thongkhat tluk hrawng an i pum lai i vawlei cung khuazakip um ngakchia hna, chungkhar hna, siangin hna le Khrihfabu hna he lungkhat thinkhat sinak langhternak caah Rosary thlacamṭinak an ngei lai tiah an chim.

Pontifical Foundation (ACN) an rak thawknak le an rak dirhnak cu kumkul leng asi cang nain, “Ngakchia tinghra nih Rosary Thlacamnak,” timhtuahnak cu avoikhatnak karhlannak asi i October 1-7 tiang zarhkhat chung pehzulh in tuah asi lai. Hi thlacamnak nih aa tinhmi cu zatlangbu ah, khua le ramkip ah, vawlei ah daihnak a umnak hnga caah ti in thlacam asi lai. Hi Rosary thlacamnak campaign cu Vatican lawng ah tuah si loin vawlei cung pumpi huap in tuah asi i, Bolivia Amazon in Sudan, Zimbabwe, Mozambique, Sierra Leone tiang in tuah dingin sawm le forhfial asi. Hi cawlcanghnak le thlacamnak campaign cu October 7, Rosary puai ni ah a dong lai.