“Minung cawm hna nakin buainak tu fawi deuh in cawm an si” tiah Pope Leo XIV nih WFP zung ah a chim

Pam nak nih a tlunhmi hna le rawl ṭam mi hna nih an khulrang in an herhmi thil ṭuanchuah piak khawh nak ding caah rian kan ṭuan ṭi hna. Cu lio te zongah harnak a tong mi hna zong kan philh hna lo. Hi bantuk harnak hna a chuahter tu thil hi zeitin dah kan lonh khawh lai timi a konglam hlathlainak le ruahnak zong timhcia in kan ngeih a herh.

“Sullam man ngei a chuahter  lomi paoh cu harnak pe tu an si” tiah Pope Leo XIV in a ti.

“Cun minung sining le dirhmun, minung kong zong ramkip cawlcanghnak ah a biapi bik hmun ah ruah ding in an chia ti lo,” tiah a ngaihchiatnak zong a chim.

Hi kong he pehtlai in, Pope Leo nih a chimmi cu, “Pope Francis nih a rak langhter bantukin, “bawmhnak le ṭhanchonak project phunphun hna cu a fiang fai lomi ramkhel rianṭuannak lei in biakhiahnak ruangah, a hmaan lomi sining ah ruah an si tawn i phih zong an si tawn” ti kha cohlan a biapi tiah a ti.

Pope nih a ti rih mi cu “A taktak ahcun minung hna cawmnak nak in buainak tu kha an cawm deuh” tiah a ti. Hi thil sining nih a langhter mi cu: rianṭPopeuannak tlamtlinlo lawng si loin ramkhel lei in siseh, ziaza lei siseh biapi ah chiahmi phung hrampi aa tluk lonak zong a langhter” tiah a ti.