Siangpahrang fanu cu Catholic biaknak a cohlaan ruangah siangpahrang chung tel roco sinak in hlawt a si
Monaco siangpahrang chungkhar chungtel a simi Hanover siangpahrang fanu Alexandra cu October, 2018 kum Catholic a si hnu ah British siangpahrang hrinsor sinnak in hlawt a si tiah thawngpang a um.
Monaco (CNA/EWTN News) – Mah thawngpang cu Mirang holh in Sept. 27 ah Royal Central nih a thanh, mah thawngpang cu French ah zarh fatin chuahmi Point de Vue nih a langhter.
British siangpahrang a simi cu Church of Enland lu a si mi an si caah, British upadi nih Catholic pawl kha hruaitu bawiṭhutdan hmun ah ṭhut khawhnak nawl in a kham hna nak cu a si.
Siangpahrang bawiṭhutdan thlennak upadi 2013 nih bawiṭhutdan rocotu hna kha Catholic pawl he i umh khawhnak nawl cu a pek ko hna nain a dang thlennak dang te te zong an um. Sihmanhsehlaw, upadi nih cun British siangpahrang rian a ṭuanmi cu Catholic an si awk a si lo tiah a ti. Act of Seṭlement 1701 an chuah hnu in Catholic pawl cu Mirang siangpahrang ṭhutdan cung i ṭhut khawhnak nawl in kham an si.
Mirang siangpahrang hna website ning ahcun a hmasa bik minung 17 lawng an langhter hna.
Princess Alexandra kum 19 cu Austria ram ah a rak chuak i a chuah hnu thla 2 a si ah Lutheran ah tipil a ing. Amah cu Hanover siangpahrang nu Caroline le Hanover siangpahrang pa Ernst August i fanu a si. Amah cu a pa lei kap in Prince Albert le Queen Victoria fa nu upa bik Princess Royal hna i hrinsor a si mi a si.
Alexandra cu Grace Kelly i tunu a si. Grace Kelly cu 1956 kum ah Rainier III he an i umh hnu ah Monaco siangpahrang nu a si mi a si. Cu asicaah, Alexandra cu British siangpahrang hrinsor a si lengah amah cu Monegasque bawiṭhutdan caah 12nak a simi zong a si.
Amah cu horha cung tlik zuamnak(ice skater) ah aa telmi pakhat a si i, cun ramkip tlik zuamnak zongah Monaco aiawh in a rak i tel bal mi a si.
Alexandra bantukin, Lord Nicholas Windsor zong Catholic a si caah British siangpahrang si khawhnak nawl in chuah a rak si ve. Lord Nicholas cu George V tupa(great-granndson) a si i England Khrihfabu ah tipil a rak ing ko nain kum 2001 ah cun Catholic Khrihfa bu zumhnak ah a lut mi a rak si.