Pope Leo XIV: Vanlawng nih hin ral le rawhralnak si loin daihnak a chuahpi awk a si

Africa ram pali hna ah khualtlawnnak a thlawk hlaan ah Pope Leo XIV nih ITA Airways, Italy ram vanlawng campany le Lufthansa Group in hruaitu le rianṭuantu hna he ton nak a ngeih hna.

Pope Leo nih ITA Airway le Pope St. Paul VI thawk in Pope hna caah khualtlawnnak ṭuanvo lak piak tu Alitalia company cungah lawmhnak bia zong a chim.

Pope le a hnu zultu pawl hna khualtlawn nak konglam sining hna thawngthanh nak tuah tu ah ṭuanvo la tu journalist- thawngzamhtu hna an thiamnak le theihhngalh thiamnak cung zongah thangṭhatnak a ngeih hna. 

ITA Airways nih a chimmi cu, “Pope nih ramdang lei khualtlawnnak a ngeih tik caan paoh ah Pope cungah upatnak le ṭihzahnak hna sangpi in kan ngei ko, sihmahsehlaw chawnhbiaknak ah innchungkhar bang in kan si” tiah a ti.

Pope nih “nanmah he tonnak nih hin keimah pumpak hrimhrim in siseh, Holy See aiawh in lawmhnak langhternak caan ṭha ka ngeih caah kai lawm. ‘Nan rianṭuannak vialte cungah lawmhnak tampi kan ngei’” tiah a ti.

Pope Leo nih, ‘Pope khualtlawnnak ah hmanmi vanlawng nih hin ram kip khualtlawnnak ah Peter chaangtu hnuzul, ‘daihnak caah lamkaltu sinak’  a aiawh sinak zong kha a langhter ’ tiah a ti.

“A lamthluan hna ah a si zungzal hnga mi cu, biaruah ṭinak chuahter tu sinak, pakhat le pakht tonnak hna le unau sinak langhternak hna caah an si,” tiah a ti.

Sihmanhsehlaw, Pope nih a chim rih mi cu, vanlawng hna cu raltuknak hmun ah rawhralnak le tihphannak chuahter tu ah hman a si tawn hoi a ti.

“Vanlawng cu daihnak a phurtu an si zungzal awk a si, raltuknak a phurtu an si ding a si lo!” tiah a ti. “Ahohmanh nih Vancung in thihnak le rawhralnak a chuak sual lai tiah an ṭih awk a si lo” tiah a ti rih.

“Kum zabu 20 nak i ngaihchiatnak hmuhton hnu ah, vanlawng in bomb puahnak cu zungzal in kham a si awk a si!” tiah a ti. “Cun thiamnak ṭhanchonak hna cu anmah tein a ṭha mi a si ko. Sihmahsehlaw, thiamnak le ṭhanchonak hna kha raltuknak riantuannak ah a si ah cun cu cu ṭhanchonak a si lo; hnulei kirnak a si!” tiah Pope nih a ti.

“A tu kan dirhmun ah vancung (van lei lam) in daihnak lam kawl cu a biapi chin lengmang. Nan cungah lawmhnak tampi ka ngei. Zeicah tiah Bawipa nih a ka pek mi rian ka kal pi nak ah hin bawmhnak nan ka ngeih ko lai tiah zumhnak ka ngei.”