Kan Pa le hna i Dawtnak

A merican Hluttaw Palai Jake Gam nih a cuap a rawkmi a fanute caah amah cuap kha a lak ter hna i a pek. Amah cu “Vawlei cungah cuap a hlut hmasa biktu a si” tiah Time Magazine nih arak langhter bal. A fanute Susan cu a cuap aṭha lo i cuap thlen piakin thlop ding a hung si tikah a pa nih a dawt mi a fa nu caah hi thil hi a tuah cu a si.

Jake Gam nih Siibawi pawl kha “ka fanu caah keimah cuap hi thlen khawh asi le silo cekhlat tuah u” tiah a nawl hna. An cekhlat i aa tlak ko tiah siibawite nih an ruah i George town University siizung pi ah cuap thlennak cu tlamtling tein an rak tuah khawh.

Jake Gam nih Siibawite kha “ka fanu caah cuap hlutu ka si hi kaa lawm tuk. Ka lung tling tuk hringhran ko,” tiin dawtnak lungthin in arak ti hna.

Fale hna caah a ngan tuk hringhran mi dawtnak arak langhter kho mi Paa hna lakah, Hluttaw Palai pakhat a rak si mi Jake Gam zong hi a rak tel ve mi a si.