Khrihfabu nunnak le i hruainak ah nu pawl an i telnak
Synod General Secretariat nih nihin Khrihfabu nunnak le hruainak ah Nu pawl i telnak kong he pehtlai in tlangtlak in hlathlainak a tuah tu group No. 5 hna i a donghnak report an tuah mi a chuah.
“Khrifabu nunnak ah nu hna an rian ṭuannak kong he pehtlai in kan chim tikah, nunphung ningcang kong a si timi kha kan theih a herh” tiah Synod Secretary General Cardinal Mario Grech nih a chim. A peh rihmi cu: “A ngaingai ti ahcun, vawleicung hmun tampi ah cohlan ding le tawlrel ding a herhmi nunphung kong he pehtlai in zuamcawhnak(challengs) thukpi an um hna ti kha kan cohlan thiam a herh. A si ṭheu tawn mi cu, kan zumhnak lam thluan ah hin Thawgṭha sining hna nak in nunphung lei thil sining hna nih an kal pi deuh tawn mi kha a si. Kan rian thar a simi cu Bupi thazang i cherhkanh in kan nunphung hna chungah Pathian Thawngṭha a langhter kho tu si ding le nu hrin covo vialte upatnak le ṭhanchoter ding kha si. Cutin a si khawh nak hnga ding caah cun ralṭhatnak, i hawikomhnak le lungsauhnak a herh i, cuticun Bupi chungah pakhat le pakhat kan i pehtlaihnak, mi i thleidannak a lohnak hnga ding le, nu le pa sinak ah Pathian pekmi laksawng hna an man a sunsak i a cohlang thiam mi zatlang bu ser ding kha a si” tiah a ti.
Thawngthanhnak
A donghnak report cu ṭhen thum in ser an si. Pakhatnak nih hlathlainak a tuah tu Group No. 5 hna tuanbia le an rianṭuan ning kong tawite in a langhter. A pahnihnak nih synodal hlathlainak in a chuakmi tlangtar hna kha fonh in a langhter. Hi ṭhen hnih hna hi Dicastery(Doctrinal Office, Congress Feria IV) i nu hna an rianṭuan ning, ruahnak peknak capar hna chungin le Dicastery hrimhrim nih a halmi tehte tampi hna bia ngaihnak in a chuak mi theipar a si.
Hi ṭhen nih in “tanglei rianṭuantu hna” sining a langhter i, Cun Bupi chungah ṭuanvo a ngeimi nu hna hmuhtonnak le an i pekchanhnak kha Thiang Thlarau Pathian forhfial nak a si maw si lo timi kong hna aa tel.
A biapi in langhter mi hna ah: “nu hna kong he pehtlai in biahalnak” ah a herhbik caan lio ah nu hna hmang in a dik mi hmelchunhnak taktak a si ti hngalhthiamnak, Cun nu hna hmangin Thiang Thlarau hrimhrim nih Khrihfabu sin bia chimnak; Synodal nih tual chung Khrihfabu hna i aa dang cio mi nunphung hna cung ah biatak tein lungthin peknak; cun Pope Francis le Leo XIV nih Roman Curia ah nu pawl zong uknak lei in ṭuanvo lak nak ngeih dingah biakhiahnak an rak tuahmi cungah Khrihfabu dihlak nih ruah awk ah auhmi zohchunhak hna an si.
A donghnak bik, a pathumnak ṭhen cu Dicastery nih a hmuhmi le a khawmhmi ruahnak tampi a langhtermi, chapchih mi (appendix) hna kong a si. Ṭhen ruk ah ṭhen a si: 1) Biakam Hlun le Biakam Thar chung i nu hna; 2) Khrihfabu tuanbia ah minthang nu hna; 3) Khrihfabu hruainak ah aa telmi nu hna kong chanthar tehte khannak; 4) Mary (Marian) phunglam le Peter (Petrine) phunglam: a biapi tukmi hmuhning; 5) Khrihfabu hruaitu hna; 6) Pope Francis le Pope Leo XIV nih Khrihfabu nunnak le hruainak ah nu hna an rian kong an chimmi hna an si.