St. Frances of Rome, Religious (1384-1440)
Audio (aw) zong in ngai khawh a si. ππ
St. Frances cu Khrihfa chungkhar hna nih zohchunh awktlak a simi phunsang chungkhar in 1384 kum, Rome khua ah a chuak. Sister pakhat si a rak duh nain a nu le a pa bia a ngaih ruangah kum (13) a si ah Poram Kopomzia he an i um. Kum 40 chung khua an sa αΉi nain pakhat le pakhat i theihthiam lo nal voikhat hmanh an ngei bal lo. Frances cu rawl-ulh thlacamnak in khua a sak lengah misifak hna bawmhchanhnak le mizaw hna sinah leh vehnak zong a tuah peng. John Babotit, Evan Gelic le Agnes timi fanu le fapa a hrin hna i Khrihfa zumhnak kha an ngakchiat tein a rak cawnpiak hna.
Frances cu Evan Gelic le Agnes nih kum no tein an rak thihtak caah le a fapa hniang John zong kha an lekpi caah ngaihchia lungretheinak fakpi a rak ing. Zaangfah zawnruahnak, inkhawhnak a ngeih ruangah amah kha hrulhra ngaiin a rak kommi a monu Mobilia i dawtnak kha a rak hmuh khawh. 1425 kum ah Pathian sin pekchanh khawhnak le mi sifak hna rianh khawhnak caah βOblate Congregation of For de Speeechi buβ kha a rak dirh. A vapa a thih hnu ah Angkifual aa hruk i a niambik Sister sinak in Sister pu pakhat ah a rak um. 1440 kum ah a thi i Rome khua Santa Maria New Oma Biakinn ah an vui. Cu hnu ah cu Biakinn cu a min an thlen.