Innchungkhar Kong

Pakhat le Pakhat duhdawt lungtlinternak

Nu le va hna cu pakhat le pakhat upatawk ttuanvo an ngei tih Mithiang Pual nih chimhhrin nak a tuah. “Khrih nan upat bangin pakhat le pakhat i nawlthiam uh. Zeicah tiah Khrih nih Khrihfa bu cungah nawl a ngei bantukin nupi le zong nih nan va le tangah tlingtein nan i dor awk asi.”

“Vale hna, Khrih nih Khrihfa bu cu a dawt i a nunak apek bantukin, nan nih zong nih nan nupi le kha nan dawt awk asi”. (Efesa 5:21-26).

“Vale nih nan nupi le cu nan pum nan i dawt bantukin nan dawt hna lai i nupi le zong nih nan vale cu nan hmaizoh hna lai.” (Efesa 5:33)

Nu le va hna cu pakhat le pakhat nan i dawt, nan upat veve hna lai. Dawtnak cu forhfial nak a um ruang ah asi lo. Forhfialnak a um ruang ah asi ah cun dawtnak taktak asi lo. Forhfialnak cu nangmah sinin ara mi asi lo. Nangmah kan dawt na ti siah cun amah sin ara mi asi. Cu mi i forhfialnak aumnak a loh ahcun nang cu anih kha na dawt kho ti lai lo. Bianaah nangmah na dawtnak cu na dawtmi forhfialnak ruangah asi ahcun nangcu amah kha na dawt taktak mi asi kho lo. Amah i forhfial khawhnak a thil tikhawhnak lawng kha na dawtmi asi.

Bianabia ah cumi i aa dawtnak, a reng le a rumnak lawng kha na duhmi asi. Cu thil hna tikhawhnak a lohtlau ni ah cun cu mi cungah na chiahmi dawtnak zong a dongh ve te ko lai.

A dik mi dawtnak cu thinlung chungin ara mi asi. Parpavuan thilti khawhnak hna kha hram a bunhlo caah cu thil hna lohtlau hmanhsehlaw cu micungah na duh peng khawh rih.

A dik mi dawtnak cu lungtlinter duh dawtnak asi lo. Mi pakhat kha hram bunh duh mi dawtnak asi. A herh caah dawtnak he aa thleidan mi asi.

“A herh caah dawtnak” cu mi pakhat kha dawtnak asi lo. Keimah kha cu mipa / nu nih thil pakhatkhat a ka pek khawh ruangah siseh, pakhatkhat a ka tuah piak khawh ruangah siseh, cu mi kha duh khawhnak menmen asi. Ka herh baunak hna kha a ka bet piak khawh ruangah cu mi kha ka dawt asi. Cu mi nih ka herh baunak kha a bet khawh awh ti lo nikhat cu a cungah chiah mi dawtnak a lohtlau ni asi ve lai.

Cucaah nang cu mi pakhat kha abiapi ah na chiah ahcun lungtlinter duh dawtnak na dawt khawh ruangah na dawtnak cu caansau a nguh te lai.

Mi pakhat kha a biapi ah chiah in duhmi dawtnak cu a dik mi dawtnak asi. Muidawhnak kha hrambunh in na duh si ahcun cu dawtnak cu aathleng thiam mi asi. Aruang cu mi dawhnak cu aa thleng thiammi asi caah asi. Huham chawva rumnak kha hrambunh in na rak duh asi zongah aa thleng thiam mi asi ve caah a rawh a fawi. Zeicah kan tiah cun huham chawva rumnak timi cu caantawite ca lawng asi lo mei. Chun ah hmuh, zanah a tlau khomi bantuk asi. A minung kha baipi ah chiah i duh mi dawtnak timi tu cu huham he lereng sang chawva ngaihnak he aa pehtlai lo.

Minung kha biapi ah an chiah caah huham chawva a ngeih lo zongah a muidawhnak a lohtlau zongah na dawtmi kha cu na duh tthiamtthiam ko lai. Cu bantuk dawtnak cu a dik. Caansau a nguh. Thihtiang in kutsih dingmi hna ah a umlo awk a`ha lomi dawtnak phun asi.

A dikmi dawtnak cu tihnak vialte kha a`hawl piak

Dawtnak cu ttihnak vialte kha tlauter dingin thazaang tthawnna a pe mi thil asi. Nangmah cu mi pakhat kha dawtnak taktak in na duh ahcun Fahnak ing ding a ttihlo, Pumpek ding zong a ttihlo, Pekchanh awkzong attih fawn lo, Harnak ingding attih lo. Caan a dih laimi zong a ttih lo. Zeizongte ngol kha angamh. Fahnak ing angamh. Zeizong te ah pumpek a ngamh.

Dawtnak taktak in adawt lo mi hna cu fahnak an ing ngam lo. Mah tthathnem nak ngol ding zong an ngamh lo. Harnak an intuar ngam lo. Cu mi hna cu dawtnak taktak an ngeih lo caah kan dawt ko atimi caah pum aa pe ngam lo.

Cu mi hna cu a dikmi duhdawtnak kha an `ih. Dawtnak he ahlatnak ah an hrial. Sining hmuhsaknak hnu an zulh. Dawtnak kha hnu lei an chit.

 Dawtmi ca ah fahnak inglai kha, mah `hathnemnak ngol lai kha a`ih mi hna cu a nuam mi Chugkhar an ser kho lai lo.

Zeicahtiah dawtnak taktak an ngeihlo ca ah asi. Cu mi hna cu mah ca lawng an ruat tawn. An ral a chia tawn.

Dawtnak taktak a ngeimi hna nih cun an dawtmi ca ah anganngaimi pumpeknak an tuah kho.

A ngan mi duhdawtnak a ngeimi hna, dawtmi ca ah pekchanhnak tampi a pe kho mi hna lak ah pariatnak Edward Siangpahrang (1894-1972) cu acung bik pakhat asi. Amah cu mi sawhsawh nuhmei nute Miss Simpson kha dawtnak taktak in arak duh.

Culio England ram upadi ningin Siangpahrang chungkhar asi mi Edward Siangpahrang cu mi  sawhsawh nu he tthit – um nak nawl arak umlo. Lehthah a duh asi ahcun Siangpahrang sinak kha a hlawt ahau.

Edward -VIII, Siangpahrang cu Singpahrang sinak le a dawtmi kha an thimter tikah a dawtmi tu kha arak i thim. Cucaah 1936 Kum December (10) ni ah Siangpahrang cannak in arak i din. Huham nawl ngeihnak, chawva rumnak he a tling cikcek mi Siangpahrang inn kattak khawh nak cu dawtnak taktak arak ngeih lo ahcun asi kho lo. Amah i anganmi kal taknak, dawtnak cu tuanbia (History) ah biapi ngaimi arak si. Chungkhar ngei cang mi hna zong Siangpahrang Edward – VIII bantukin dawtmi caah pumpek nganmi dawtnak phun kha ngeih va a hau. Thangtthat awktlak dawtnak phun asi.

Audio (aw) zongin ngai khawh a si. 👇👇🎧🎧