Adam le Khrih, Evi le Mary
Mithiang John Chrysostom nih a chimmi phungchimnak
Adam le Khrih, Evi le Mary
Khuaruahhar teinak cu na hmu cang maw? Vailamtahnak thil lianngan hna kha na hmu cang maw? A mak deuhmi thil pakhatkhat kan chimh lai maw? Teinak cu zeitindah hmuh a si ti kha cawng law, na khuaruah a har chinchin lai. Zeicahtiah Khuachia nih a tei hna bantukin Khrih nih a tei ve; cun a rak i dohnak hriamnam kha aa lak i a tei. Zeitindah tuah a si ti kha ngai.
Ngaknu thiang, thingkung le thihnak hna cu kan sunghnak hmelchunhnak an si. Ngaknu cu Evi a si: pa a hngal rih lo; thingkung cu a ṭha le a ṭhalo hngalhnak thingkung a si; thihnak cu Adam dantatnak a si. Asinain ngaknu thiang pakhat le thingkung pakhat le thihnak pakhat kha zoh ṭhan hmanh, cu sunghnak hmelchunhnak hna cu a teinak hmelchunhnak ah an cang. Zeicahtiah Evi hmun ah Mary a um; ṭhatnak le chia hngalhnak thingkung hmun ah, vailamtahnak thingkung; Adam thihnak hmunah, Khrih thihnak.
A tei khawhmi thil hna nih a tei kha na hmu maw? Thingkung hram ah Khuachia nih Adam cu a tei; thingkung hram ah Khrih nih khuachia cu a tei. Cun, cu thingkung hmasabik nih cun Hades (Hell) ah mi a thlah hna; hi pahnihnak nih hin cuka ah a rak kal cangmi hna hmanh kha a auh hna. Cun, hlanlio thingkung nih a thuhmi minung cu a fir cang i a thilthuam a phoih cang; a pahnihnak thingkung nih mi vialte hmuh khawhnak ding caah cunglei ah a taklawng in teinak a hmumi a langhter. Cun, cu hlan deuh thihnak nih a hnuah a chuakmi hna kha sual a phawt hna; hi thihnak pahnihnak nih hin a hlan i hrinmi hna kha nunnak a pek hna. Bawipa thil lianngan hna cu aho nih dah a chim khawh lai? Thihnak thawngin a thi kho lomi ah ser kan si: cu hna cu Vailamtahnak sunparnak i rianṭuannak hna an si.
Teinak cu na hngalthiam cang maw? Zeitindah an ser ti kha na hngalhthiam cang maw? Atu ah cawng, zeitindah hi teinak hi kan zunthlum le kan rianṭuannak um loin hmuh khawh a si. Kan hriamnam pakhat hmanh thisen in a thurhnawm lo; kan ke cu raltuknak hmai ah a dir lo; hliamhma zeihmanh kan tuar lo; buainak pakhat hmanh ka hmu lo; sihmanhsehlaw teinak cu kan hmuh. Raltuknak cu Bawipa ta a si, lukhuh cu kanmah ta a si. Cu tikah teinak cu kanmah ta a si caah, ralkap pawl kha i zohchunh hna u sih, cun lawmhnak aw he teinak hla kha sa hna u sih. Bawipa cu thangṭhat u sih law, hitiin chim hna u sih.
Thihnak cu teinak nih a dolh.
Maw thihnak, khuazei ahdah na teinak cu a um?
Maw thihnak, khuazei ahdah na fahnak cu a um?
Vailamtah nih hi thil khuaruahhar vialte hi kan caah a tuah: Vailamtah cu khuachia dohnak caah dirhmi ral philhlonak, sualnak dohnak vainam, Khrih nih rul a thahnak vainam a si. Vailamtah cu Pa duhnak, Fapa ngeihchun sunparnak, Thlarau lawmhnak, vancungmi dawhnak, Khrihfabu kilvengtu a si. Paul nih Vailam cungah aa lawm; mithiang hna kulhnak vampang a si, vawlei pumpi ceunak a si.
Lehnak
Hling nih pangpar a tlai bantukin, Evi nih Mary cu a hrin, cucaah ṭhatnak nih kan sualnak a tei khawhnak hnga le velngeihnak nih kan sualnak a kan thlen khawh.
Bawipa nih kan sunparnak ngan deuh caah hi thil hi a duh, cucaah ṭhatnak nih kan sualnak kha a tei khawh i velngeihnak nih kan sualnak kha a kan thlen khawh.