St. Martin I, Pope & Martyr
Audio (aw) zongin ngai khawh a si. 👇👇
A hnubik Martyr le Pope a simi St. Martin cu Italy ram, Toli khua mi a si. Fimnak a cawnnak le a thianhlimnak ruangah Rome khua i Siangbawi hna karlak ah a min a thang. AD 649 kum ah Pope sinak ah an rak thim. Cu kum lila ah Lateran ah Bawipa Jesuh Pathian sinak le minung sinak pahih a ralchanh mi zumhnak kha doh dingin Biakinn lei hruaitu hna kha ton le ceihmai dingah a auhter hna. Pope nih cu tonnak ahcun Bawi Jesuh cu Pathian le minung sinak pahnih a kemhmi a si ti kha fek tein a chim i Khrih cu sinak pahnih a ngei ti a cohlang lomi hna kha Bupi in a á¹hawl hna.
Cu zumhnak cu thapek in a dirkamh mi The Eastern Emperor Constant II nih cu thawngpang cu an theih tikah an thin a hung i Pope kha tlaih dingin nawl an chuah. St. Martin cu Constantinople ah an hruai i ram zuarthlai sualnak in taza an cuai hnu ah Krimiaka Khasan ah an á¹hawl. St. Martin nih, ‘Keimah cu ni (40) khengte tilum cu chim hlah, tikik hmanh in kholhnak nawl ka ngei lo, ka hawikom hna le ka chungkhat dihlak nih an ka philh ko nain Khrih pumpak nih a ka zohkhenh ko. Bawipa nih hi bantukin sifah harnak kan in mi kha a hnubik caan ah luat dingin a rauhter lai lo’ tiah a á¹ialtak. St. Martin cu AD 656 kum, Khasan khua ah a rak thi. Amah cu Pathian caah a nunnak aa pemi Martyr a si tiah upat hmaizahnak a ingmi a hnubik Pope a si.