Pope: Iran mipi dihlak cungah hrocernak tuah cu cohlan khawh lomi a si
Pope Leo XIV nih Castel Gandolfo i thawngzamhtu hna sinah bia a chim lio ah, “mi vialte nih daihnak lam kawl zungzal ding le raltuk nak hna kha hlawt dingin” a chim ṭhan i daihnak lam kawlnak caah biaruahnak cabuai ah kir ṭhan dingin a sawm hna. Cun mipi thilri pawl hrawh cu ramkip upadi he aa pial-kalh tiah a ti.
Pope Leo XIV nih daihnak halnak cu Nithumni zanlei ah Castel Gandolfo khua i Pope umnak Villa Barberini leng ah amah a hngakmi thawngzamhtu phu sinah bia tawite in a thar in a chim.
U.S.-Israel nih Iran he an i dohnak le Tehran nih Hormuz Rili lam on thannak ding hnatlaknak tuah ding in White House nih a khiahmi caan a zulh lo ahcun “Iran fimthiamnak dihlak” hrawh dingin U.S. President nih nithumni zan ah hrocernak a chimmi bia he pehtlai in, Pope nih Urbi et Orbi “Thluachuah peknak” a tuah lio ah “mi vialte kha daihnak kawl zungzal dingin le thahnawnnak ral kha hlawt ding, a bik in mi tampi nih a ding lo tiah an timi ral hna kha hlawt dingin forhfialnak a chim ṭhan.
Italian holh in bia a chim tikah, “Nihin ah, kan theih dih bantukin, Iran mipi dihlak cungah ṭihnung ngai in ṭhihphoihnak a um. Cun hi thil sining zong hi cohlan khawh ding a si lomi a si! Hika ah hin ramkip fonh upadi lei kap zongin tlin lonak a um. A hlei in, mipi dihlak caah ziaza lei he pehtlai in biahal ding zong a um” tiah a ti.
Cuticun, Pope Leo nih, “Cabuai ah rak kir than u. Bia i ruah hna usih. Daihnak lam in a phichuah ding lam kawl hna u sih,” tiah a forh hna.
Pope nih buainak ruang ah ningcang loin fahnak a ingmi vialte hna zong kha a philh hna lo.
“A bik in, sualnak a ngei lomi ngakchia, tar, mizaw hna zong kha philh hlah u sih: hi raldohnak nak ruangah pehzulh in harnak a tong mi hna le a ing tuar cangmi si hna seh, upadi he ralchan-pialkalh in mipi thilri hrawhnak hna zong tuah lo ding- cun huatnak in tuah sermi vialte cu ṭhencheunak le rawhralnak hmelchunhnak zong a si ti kha philh hlah u sih” tiah a ti.
Pope nih a chim rih mi cu ” Mipi nih daihnak an duh bantukin kan dihlak in daihnak caah riantuan kan duh” tiah a ti. Cun mi vialte zong nih anmah le an rian cio ṭuan dingin ralrin a pek hna.
“Aa telmi ram vialte i rammi hna kha ka sawm hna lai,” tiah Pope Leo nih a donghter, “nawlngeitu hna—ramkhel hruaitu hna, congressmen hna—he pehtlaih in hal hna, chimh hna, daihnak caah riantuan ding le ral le thahnawnnak hlawt ding. Nan cungah kaa lawm tuk.”
Pope nih, “Thahnawnnak le raltuknak hrial in daihnak rian ṭuan cio dingin nawl ngeitu hna, ramkhel hruaitu hna, congress chung rianṭuantu hna he pehtlaihnak tuah cio dingin ram kip um mi vialte kha kan sawm ko hna. Lawmhnak tampi ka ngei” tiin a bia a donghter.
Source: Vatican News