Nupi Sung Susana

Nupi sung Susana.

Bible hlun ah ziaza tthatnak he a tling i ning cang lo um nak kha a fih i a nunnak he thlen in ziatthat thianhlimnak kha a kilven mi Judah chungkhat nupi sung Susana kong kha roca in an rak ttial.

Jew biaceih bawi pahnih cu aa dawh iangngei mi nu, ngei cangmi Susana kha a dum chungah rapchiah banatuk tuaktan in an tthih i an nih he i nuamh ding in an rak lem.

Susana kha kan duhnak na zul lo ah cun midang pakhat he nupa sualnak an tuah timi upadi ning in taza cuai na si lai, tiah an rak ti. Midang he nupa sualnak tuah timi upadi he taza cuai a ing mi cu thih dan tatnak ingding asi nain ziaza dinnak le avapa cungah dinfelnak angeimi Susana cu sualtuah mi nak in thihnak lam arak i thim deuh. Biaceih bawi pahnih hna cu an duhnak arak zulh duh lo mi Susana cung ah ahman lo mi tehte an chuahter i thih dan an rak pek. Asinain ziaza tthat nak he atlingmi nupi sung Susana kha Pathian nih arak khamh. Profet Daniel hmangin Susana taza an cuainak kongah a hmaanmi thil kha arak langhter i amah kha arak luatter. A tlingmi nupi ttha asi i dinfel ziaza ttha mi nupi sung Susana cu nupi asi hna caah hmaihruai lam hmuh saktu arak si.