Ahodah Naa Thim Lai?

Dawtmi ule nau hna nihin cu kan Bawipa Jesuh Khrih temh in nak zerh thiang chung i caw 2 kha kan phan. Nihin relmi cathiang (Jn 13) kan relmi in ruahnak cheuhbauh kan duh hna. Cuchungah cun a biapi bik in khan Judas Iscariot kongle Peter kong hi ruahṭi ding khan kan duh hna, cheuhvoh kha kan duh hna.

Pakhat nak ah: Judas Iscariot zong cu Bawipa Jesuh Khrih nih a thim hna hlan zankhat chung thlacam in khan lamkaltu 12 kha a rak thim ko hna i Peter hi number 1 nak ah a min ṭial asi. Cun hmanung bikah Judas Iscariot kha ṭial asi. Kha tluk in khan minung 12 cungah a biapi ngai mi an rak si ve ko nain khan Bawipa Jesuh Khrih caah “kan i pe lai kan ṭuan ve lai” tiah an rak i thawh ko nain khan a hnu ah cun Judas Iscariot cu Bawipa Jesuh Khrih a rak zuar tu ah, a Bawipa le a Pathian a zuar tu ah khan a cang. Hi a can tikah hin a sualnak a ngai chihmaw, a palhnak a ngai chihmaw ti tikah khan a ngai chih lo i a hnu ah cun a mah le mah kha a that. 

Sihmanhsehlaw, Peter a nunning kan zoh tikah cun Peter cu lamkaltu 12 lak ah khan biachim kho ngai mi, a thatho ngai mi kha a rak si. Khatikah khan Peter kongah khan Bawipa Jesuh nih a rak chimmi cu “Ar voikhat khuan hlan ah hin voithum na ka hlawt lai” tiah khan a ti mi kha kan theih. Cucaah Judas Iscariot zong nih kan Bawipa Jesuh Khrih kha Bawipa pek mi changreu kha a rak lak dih hnu ah khan lengah a chuak i mui lak ah a vakal i cucun Bawipa Jesuh Khrih kha a zuar timi kha kan theih. Cutikah Judas Iscariot cu Bawipa Jesuh Khrih kha ka zuar tikha a hngal ko nain khan a lung a thleng duh lo i sual ngaichih nak zong kha a ngei lo. A kir ṭhan tilo i muihnak chungah khan a lan cawlh. Sihmanhsehlaw Peter cu hika ah a mah tlamtlin lonak kha a tampi ve i kha tikah khan “A mah cu ka hngal bak lo tiin khan voithum tiang na ka hlawt lai” tiah Bawi Jesuh nih khan a rak chimh. Sihmanhsehlaw, a rak chimh bantuk khan a tak tak in khan a rak hlawt i a rak hlawt tikah khan Ar khuan tikah kan Bawipa Jesuh a chim bantuk in khan a sualnak cu a ngai chih. Cutikah Peter cu sual ngaichih in khan “ka hlawt, ka hngal lo, nan chimmi ka hngal lo, a hodah si ka hngal lo” tiah khan voithum tiangtiang a hlawtnak in khan khuamui chungah a va lut. Sihmanh sehlaw “Aw kaa ngaichih tuk, ka palhtuk ka Bawipa ka hlawt tiah khan mit thli tla in khan a tap i kha ti khan ngaihthiam nak ceunak chungah khan a rak lut ṭhan timi kha kan hmuh.

Cucaah dawtmi ule nau hna nangle kei zong nifa te kan nunnak ah Bawipa Pathian a sunparnak langhter awk ah Bawipa a rian fialmi tuah awk ah khan fial kha kan si. Rian zong kha pek kan si. Kan palhnak tampi a um lai kan sualnak tampi a um lai kan tuah kho mi zong kha a um lai. Sihmanhsehlaw, Judas Iscariot i a sualnak a ngai chih pungsan in khan “Bawipa nih a ka ngeihthiam kho lai lo” tiin khan khuamui sual chungah khan langhchih langhchih loin khan kannih nih Peter bantuk in khan sual i ngaichih in khan sualnak mit thli tla in khan kan nih nih Bawipa kha kan nawl kan pat ṭhan asi si ah cun Bawipa a rianthiang ah khan kan nunnak dongh tiang kha kan pek kho lai timi kha သင်ခန်းစာ i lak u sih. Judas Iscariot kha a rianthiang ṭuan aa timh ko nain khan phaisa a duh caah khan kan Bawipa Jesuh khrih kha a zuar. A zuar nain khan a lung a thleng tilo. Kan nih zong Judas Iscariot bantuk in khan lungmawng le lungthleng huamlo in kan um nak hnga lo sual ngaichih nak in khan kan kir ṭhan i Bawipa ngeihthiamnak ceunak chungah khan rak lut ṭhan kha kan i zuam a si ah cun kha hlan i kan tuah kan sualmi kan palh sualmi vialte zong kha philh piak dih kan si lai timi kha သင်ခန်းစာ i lak u sih law timi kha ruah kan duh hna.