Palm Sunday
Audio (aw) zongin ngai khawh a si. 👇👇
Palm Sunday cu Tum Zarhpini/ Kuhchukhnah Zarhpini/ Hosana Day ti zongin a phunphun in auh a si.
Palm Sunday cu Antioch khua in AD 110 hrawngah rak thawk hna sehlaw a lo. AD 125 zongah Lamkaltu minung (15) hna i cakuat an á¹ialmi ni le caan tuakin rak thawh dawh zong a si ve. A cheu tuanbia ahcun AD 300 ah Palm Sunday cu Jerusalem Biakinn ah an rak tuah hmasabik ti zongin a um. Palm Sunday kha ‘Hosana Day’ ti zongin an ti.
Khrih cu Olive tlang hram i a ummi Bethfath khua in Jerusalem khua leiah Laa fate cit in a kal. Mi tampi nih an puan cu lam ahkhan an phah i, a cheu nih thingnge kha an phah ve hna. A hmailei i a kalmi hna le a hnu in a kalmi hna cu an bu ningpi in an au i ‘Pathian min in a rami cu Pathian nih thluachuah pe ko seh, Pathian cu thangá¹hat si ko seh’ tiah a au. (Mt 21:1).
Palm Sunday cu Khrih a thawhá¹han lai Zarhpini ah hman tawn a si. Cu bantukin an tuahnak cu Jerusalem ah Bawi Jesuh Khrih hmanungbik a luh lioah mitampi nih an zulh i ‘Siangpahrang pakhat lawng kan ngei’ tiah an aunak philhlonak caah tuahmi a si. (Jn 12:13). Cu pinah Jesuh Khrih nih ka raá¹han lai tiah biakamnak a kan pektak bantukin zumtu hna zong nih Khrih cu ‘A voihnihnak a raá¹han lai’ tiah zumhnak le ruahchannak in kan hngahnak kha a langhter.
Judah miphun hna nih Palm-Ung kung/ Tum kung/ Kuhchuk kung cu a sunglawimi thingkung ah an chiahmi a si hleiah miphun dang a simi Izipt, Palestine le Arab hna ahcun Palm kung cu a á¹hatnak an chim cawk lo. Arab miphun hna nihcun kum thluangthluan in an hman zungzal i a á¹hatnak an chim cawk lomi a si. Judah miphun hna caah a sunglawi khun in hmuhmi thil pakhat nih a langhter mi cu Jerusalem Biakinn Vanpang i Palm kung hmanthlak khi a si. Cu hmanthlak cu Solomon Siangpahrang nih Jerusalem Biakinn a rak sak lioah Biakinn vanpang ah a suaiter hna mi a si tiah kan hmuh. (1Siang 6:29). Jesuh Khrih sunglawi ngaiin Jerusalem khua chung i a luh lioah mibupi nih Palm hnah kha an i put i an don. Cu nih a langhter mi cu Jesuh Khrih Vailam cungah hremnak a innak ding le thihnak in a thawhá¹han lainak hmuhsaknak a si. Judah miphun nih teinak a hmumi hna kha laksawng ah Palm hnah an rak pek tawn hna.
Cucaah Palm Sunday cu Jesuh Khrih Sunparnak he Jerusalem khualipi chung a luh lio hngalhá¹hannak lawng si loin a thawhá¹han hnu Zultu hna he ni (40) chung an umá¹i i Vancung a kainak le voihnihnak a ratá¹han lainak hngalhternak caah tuah mi a si. Lei le van ah Cungnungbik zeizongte a sertu Siangpahrang; a uknak a dong ti lai lomi ram ah luh khawh ve dingah zumtu hna a thar in hngalhternak ca zongah ‘Palm Sunday-Tum Zarhpini’ cu tuah mi a si.