Pope nih Middle East kongah: ‘Harsatnak an pek mi hna paoh cu, minung vialte cungah harnak a pek hna a si’ a ti

Angelus thla a cam hnu ah, Pope Leo nih vawleicung pumpi sinah thahnawnnak ngol dingin a auh hna. Mi vialte zong thlacamnak ah fek tein um dingin a forh hna i “hi buainak ruangah sualnak a ngei lomi mi tampi nih an intuarnak hmaiah dai tein kan um kho lo” tiah a ti.

Rome khua ah ruah a sur ko nain, khualtlawngmi thong tampi cu St. Peter’s Square ah Pope Leo XIV he Angelus thlacam ṭi dingin an i pum rih.

Thlacamnak an tuah hnu ah, Pope nih Middle East ah a cang cuahmahmi thil sining le vawleicung hmun dangdang “raltuknak le thahnawnnak nih a hrawhmi” kongah a lungretheihnak a langhter. “Hi buainak hna ruangah sualnak a ngei lomi mi tampi nih an intuarnak hmaiah dai tein kan um kho lo” tiah a chim.

Pehzulh in thahnawnnak nih mi vialte a hliam hna—“fahnak an pek mi cu minung vialte cungah fahnak an pek a si ko” tiah a ti.  

Pope Leo nih mah raldohnak nih a chuahtermi fahnak, thihnak le harnak hna cu “minung chungkhar dihlak caah ningzahnak ngai a si i Pathian sinah auhnak aw zong a si” tiah ralrin a pek hna. Aa pum mi hna kha an thlacamnak ah lungsau tein thlacam peng dingin thazang a pek hna i, “puar hrannak hna loh in, minung pakhat cio cungah upatnak ngeihnak timi ah hram aa bunhmi, daihnak lam thar aa hun khawhnak hnga ding caah lungthin tak tein biaruah ṭinak lam thar a um khawhnak hnga ding caah thlacamnak ah fek tein um zungzal” dingin thazang a pek hna. 

Buainak cu a ni 23 nak a phan cang na in, Pope nih hi nawlnak a tuah lio zongah, Middle East ah thih lohnak a karh chin lengmangmi kong thawngpang a chuak peng rih. Lebanon ah minung 1,000 leng an thi lai tiah zumh a si. Iran ralkap nih missile a kah hna ruangah Israel khua pawl ah minung 160 nih hliam an tuar. Saudi Arabia le Bahrain hna nih drone le missile tampi an ram cungah an um tiah thawng an thanh. Iran ram ahcun a thimi hi 1,444 hrawng an si i, hliamhma a tuarmi hi 18,000 leng an si.

A dongahnak thluachuah pek nak a tuah hlanah, Rome Marathon ah aa telmi thong tampi hna sin zongah donnak bia zong a chim. Ram dangdang in lentecelhtu tampi hmuh cu “ruahchannak hmelchunhnak a si,” tiah a ti i lentecelhnak nih “daihnak, zatlang nun ah mi vialte i tel khawhnak le thlarau lei ṭhanchonak lam a ser khawh lai” tiah a duhnak zong a langhter.