Pope nih Bishops’ Conference i aa telmi president hna kha chungkhar kong he pehtlai in tonnak tuah dingin a auh hna
A liam ciami kum 2014 le 2015 hrawngah Bishop pawl i an i tonnak in Pope Francis nih “chungkhar ah dawtnak” kong he pehtlai in Lamkaltu forhfialnak “Amoris Laetitia” timi cawnpiaknak a rak chuah.
March 19 ni ca chuahmi ah, Pope Leo XIV nih cauk cu “nuva dawtnak le chungkhar nunnak he pehtlai in ruahchannak thawngthanhnak” tiin a thangthat.
2016 Exhortation nih “Khrihfabu ah ruahnak cheuhnak le zumtu hna zohkhenh-hruai ning thlennak a forh a si i nihin ni tiangin i zohchih peng ding a herhmi cawnpiaknak mansung a simi hna zong a kan pek” tiah Pope nih a ṭial.
October thla ah tonnak tuah ding in timhtuahnak an ngei
A ca chuah mi ah, Pope Leo nih chungkhar he pehtlai in “a rang tukmi thlennak” chan ah ‘a nung mi kan si’ tiah a ti.
Hi thlennak hna ruangah, Pope nih October 2026 ah Rome khua ah Bishops’ Conferences president pawl tonnak auh dingin biakhiahnak a tuah ti zong in thawngthanhnak a tuah fawn.
Pope nih cun hi puai nih hin “Amoris Laetitia le tuchan Khrihfabu chungkhar hna sinah Thawngṭha phuan khawhnak ding caah tuah dingmi thil kongah synodal thleidannak tuah khawhnak caantha a kan pek lai” tiah a ti.
Tuukhal zohkhenhnak phunglam thar
Ca chuah ah, Pope Leo nih ‘Amoris Laetitia cu Vatican Council pahnihnak hnu in Lamkaltu forhfial-thazang peknak pahnih hna lakah pakhat a si’ tiah a ti i cucu chungkhar hna riantuannak ah “Khrihfabu cawnpiaknak le Khrihfa hna zohkhenh ning” hna an si. A dang pakhat cu 1981 kum ah Pope John Paul II’s nih a rak chuahmi ‘Familiaris Consortio’ timi a si.
Pope Leo nih a tialmi ah Pope Francis nih a ruah ning cu, chungkhar ah “minung sining le nunphung thlennak” nih Pathian mi hna chung ah “pakhat le pakhat i ngaihthiamnak” a herh, cu hngalhthiamnak nih cun chungkhar kong he pehtlai in Bishops Synods a auh hna i, a donghnak ah, Amoris Laetitia timi cauk a tial tiah a ti.
Pope Francis nih a hngalhthiammi cu, Pope Leo nih a chim rih mi cu, Pope Francis theih hngalhnak ah “chungkhar hna pehtlaihnak ngeih loin, an i lawmhnak le an i ruahchannak, an ngaihchiatnak le an intuarnak hna kha ṭha tein theih khawh a si lo” tiah a ti.
Vatican Council pahnihnak cauk Gaudium et Spes kha cherchih in, chungkhar nih zatlang nun hrampi a ser i, “minung ṭhanchonak caah sianginn” a si tiah a ti.
“Thitumhnak sacrament thawngin Khrihfa nuva hna nih ‘innchungkhar Khrihfabu’ phunkhat an ser. Cu Khrihfabu cu zumhnak cawnpiaknak le karhternak caah a biapi tukmi a si,” tiah Pope nih a chim rih.
Mino hna sin ah chungkhar Thawngttha phuan
Pope Leo nih a chimmi cu, Amoris Laetitia nih, ‘Bible cawnpiaknak nih ruahchannak a pek mi ah Pathian dawtnak le zangfahnak cu chungkhar hna harsatnak an ton caan zongah a um ko. Nu le pa hna zong chungkhar nunnak pehzulh dingin ṭhitumhnak sacrament in auh an si. Cun nu le pa hna nih fa le cawnpiaknak le an nunnak ah Thlarau lei in nunnak an ngeih khawhnak hnga ding caah chanthar Khrihfabu hruai ning cang a herhnak a si’ tiah a ti.
“Aa dawh hringhran mi nu le va si dingin kawh mi an si nak ah thazang dernak hna zong a um ve” nak kha theih hngalh in Bupi zong nih hmailei a ra hnga ding mi mino hna caah lam thar kawl piak ding zong a si. Cuticun mino hna sinah chungkhar Thawngṭha phuan khawh a si lai” tiah biacahnak zong a chim.
“Chungkhar zong kan bawmh hna a hau, a hlei in chanthar zatlang nun ah sifahnak le thahnawnnak phunphun a tuarmi hna chungkhar hna kha kan bawmh hna a hau,” tiah a ti.
Pope Leo XIV nih Amoris Laetitia kong he pehtlai in a caṭial mi cu a donghter i ‘Khrihfabu kha chungkhar hna cungah tuah dingin a tinh mi tharchuah ding le thukpi in khuaruah dingin a forh’. “Cun nuva hna zong nih “nu le va dawtnak an ngeih mi kha tling tein an i nunpi khawh lai i mino hna zong nih Khrihfabu chungah nupi ṭhitnak-kawhnak aa dawhnak kha an duh khawh lai” tiah a ti.