Nunnak thaap in a Nu a khamhtu

AD 110) ah, Mount Vesuvius meitlang ṭihnung ngaiin arak puah lio i fapa fim pakhat kong ka rak rel i ka hmaihngal pi ngai.

Meitlang cu fakpiin a puak tikah, alin tuk i ṭih a nung mi meithang lung hna le mei sen lungpi hna cu tlanghram i khua (Cape Miseno) lei ah khulrang ngai in an rak luang.

Khuami hna cu thih lai an ṭih cio caah an au, an khuang, an tli i a himnak leiah hrial an i zuam cio hna. Ṭihphang, thlalau in a ummi khuami hna authawng cu a thang ngai. Culio caan ah (Pling the Younger) an timi mino pakhat cu a tar ngai cangmi a nu kha khamh khawh nak lawng a ruat. A nu nih ‘ka kaltak ko law, nangmah tu a himnak ah va kal ve’ tiah a ti ko nain Pling cu mei tlang lung le meisen lung karlak ah cun an nunnak pek in a nutar kha arak khamh khawh, an ti.

Cu mino pate i duhtlai mi lungput, a nu dawtnak atheihthiamnak kha hmailei minung hna nih i cinken zungzal awk asi.