Ss. Perpetua & Felicity, Martyrs (203)

Audio (aw) zong in ngai khawh a si. 👇👇

Cartheik khua in Martyr hna a simi St. Perpetua le Felicity tuanbia bantuk an konglam cu hmailei kan fale Khrihfa hna caah thinphan awkin a um. Cartheik khua i ngaknu thiang a simi Perpetua (Kum-22) cu fapa pakhat a ngeimi a si i Felicity cu kum note mi sin-um a si. Cu lioah amah cu pum lawng loin a um lio caan zong a si. AD 203, Khrihfa hna a rak hremmi Seftimus Severus caan lioah annih pahnih cu Satunius, Socondulus le Rebocatus timi biaknak ah luh aa timmi pathum hna he an rak tlaih hna. Anamh he hmunkhat ah lungtling tein thong chung luh aa tim vemi Pastor Saturus nih an dihlak in tipilnak a rak pek hna.

Perpetua nih a fapate kha Budang a simi pa kut ah a rak pektak. A pa nih fakpi in a nawl ko buin a zumhnak kha a hlaw lo. Felicity cu thong chungah fa a hirng i a hawi Khrihfa hna nih a fapa kha an cawmpiak. Biaceihtu bawi hmai ah an zumhnak kha an phuan hnu ah sahrang kua chungah thlak dingin bia an khiahpiak hna. Annih puai zohnak tual (Amphitheates) chungah Salm hla sak pah in minung pathum cu pawte le vom nih a cheucheu in an sam dih hna. Perpetua le Felicity hna tucu sahrang hna hmai ah kutsih in an dir ko. Sahrang hna nih voitamtuk in an suk hna caah hma fakpi an pu i an hma cu ṭih a nung ngai. A hnubik ah puai zohnak hmun laifang ah an put hna i namtawng in an thah beh hna. Perpetua cu amah thah dingah a kut a thermi mithat pa kut kha a tlaih in am kha a hngawng cungah a khinpiak.