Pope Leo XIV: “Remdaihnak caah rianṭuan” le “hriamnam hmang loin daihnak kawl ding”

Pope Leo XIV nih Villa Barberini inn leng Castel Gandolfo ah thawngzamhtu hna sinah bia tawite a chim, “daihnak caah riantuan” le “biaruahnak thanchoter” ding in a nawlnak a chim ṭhan.

“Daihnak caah thlacam ding le rianṭuan ahcun huatnak a zor ko lai. Vawleicung ah hin nikhat hnu nikhat huatnak a karh chin lengmang” tiah Pope Leo XIV nih thawngzamhtu phu sinin nawlnak bia a chim ṭhan.

Middle East ah tukdohnak a karh chin lengmang i vawleicung pumpi ah tihphannak le buainak a karh chin lengmang caah, Pope nih daihnak tinhmi zulh dingin a forh hna. Cun, mi vialte kha “biaruahnak(dialogue) thanchoter awkah i zuam taktak” ding le “buainak kong he pehtlai in tawlrel nak zongah hriamnam tel loin a phichuak kawl” ding in a chim fawn. 

Hi bia hna nih kan hnu Zarhpi ni Angelus ah a chimmi bia kha a langhter ṭhan. Cu lio ah cun, United States le Israel nih Iran an tuknak kong le Iran nih Middle East hmun zeimawzat a kahmi kong a chim tikah, Pope Leo XIV nih hitin a chim: “Daihnak le i ruannak cu pakhat le pakhat i hrocernak in a si lo, cun hriamnam hmannak zong in a si lo. Hriamnam hmanak nih cun rawhralnak thlaici tu kha a tuh a si. Cun sifahnak le thihnak hna lawng a chuahter khawh. Ṭuanvo ngeitu hna nih biatak tein khuaruahnak le biaruah ṭinak lawnglawng in daihnak cu a phichuah khawh a si” tiah a ti.