BIBLE NIH A LANGHTERMI SERNAK KONG
Zeicahdah miphun le biaknak thleidang lo, lungthin ṭha a ngeimi vialte caah ṭialmi cathluan ah Khrihfa mi lawnglawng nih zumh in cohlanmi kong he pehtlaih in a dal ngan pakhat ah a telh chih tiah biahalnak pakhat a um kho. Ramkhel kongkau le khuaruahnak leiah mi cheukhat cu sertu Pathian pakhatte lawng a um timi kha an al cio i cheukhat nih cun Pathian a um ti cu ningcang lo a si, harnak piahtana hna he pehtlaihnak a ngei lo, tiah an ti i minung ṭhathnemnak le kakip ṭhanchonak caah biaknak i man khiah khawh lomi riannṭuannak kha zei rel loin an um kha hmuh khawh a si.
Cheukhat nih Biaknak cu hrial khawh a si lo caah khunh pekmi sining a ṭumchuk i a tlaktermi nunphung pakhat a si, tiah an ti cio. Ngaite tiah cun Science (Teikpan) fimthiamnak le biaknak hna cu vawlei umtu ning le minung umtu ningcang hna kha aa khat lomi hmuhnak in an kawl i minung kha ṭhathnemnak an pek i khat le khat pehtlai tein a bawmhchanh khawh. Ceihmai khuakhannak hna kha biapi in an ṭuan khawh.
Biaknak lei zumhnak in chuahpimi fianternak hna.
Kokek pawngkam he pehtlaimi harnak piahtana le hi thil umtu ningcang a chuahtermi hnahnawh in a konglam tampi kha an kawl hnuah, mah thil caah tlangtlak fianter dingmi a phi kha hmuhnak pakhatte lawng in a chuak lai lo ti kha theihfian a hau. Miphun tampi a rummi nunphung phuntling, annih hna i zuk suaimi (pachi) le biazai, an thinlung put muru hna, biaknak lei an cohlan ning hna zong kha upat piak ding an si.
Kannih cu minung ruangah a rawkmi kokek pawngkam kha ser ṭhannak caah thil ti khomi kokek pawngkam fimthiamnak kha ser awk ah kan duh taktak a si ahcun science fimnak pawl le biaknak lei cawnpiaknak le biaknak lei hmanmi biafang hna telh in zeibantuk fimthiamnak hmanh kha hlonh (hnon) khawh a si lo.
Catholic Bupi cu Philosophy khuaruahnak lei fimthiamnak hna he pehtlaih in cawnnak ah zumhnak le tuaktan khuaruah thiamnak he pehtlaimi fonh in cawnmi ca hna a rak chuak. Bupi i zatlang nunphun he pehtlaimi cawnpiaknak cu zatlang nunphung he pehtlaimi konglam kongkau hna caah fonh in rian an ṭuannak in a chuakmi ca hna an si. Cu cawnpiaknak hna cu a tlin deuh chinchin nak dingah zuamcawhnak he zong hmaitonh in a phi kan kawl cio ding a si.
Cu hleiah cathluan cu hi piahtana hna in luatnak caah ninglam kawl ding, mikip he biaruah khuakhan in a phi kawlnak kha don a si tikah, biaknak lei he pehtlaimi kha fek tein zumhnak cu Khrihfa hna le Pathian a zum i aa bochanmi hna caah kokek pawngkam le khonden a fawimi unau ṭafar hna i ṭhathnemnak kha ralring tein khan zohkhenhnak caah thazaang a pemi thil tampi a um kha langhter ka duh.
Nun ningcang aa khatmi minung kan sinak kong kha hmuhsak le khuaruahnak menmen in, mi hna kha mah le umnak vawlei pumpi i pawngkam thil umtu ning kha zohkhenh kilven ding a herhnak kha hi tlukin thazaang a pek a si ahcun Khrihfa hna caah zong Pathian sermi thilnung saram hna cungah, kokek phungning cungah sertu cungah mah nih chiah hnga dingmi tuanvo ṭavuan nganpi a um kha theihfiannak cu Khrihfa hna zumhnak cheuchum a si. Zumtu hna cu mah zumhmi theihfiannak in kokek pawngkam zohkhenh kilvennak caah ding