Vancung a um kan Pa

Nihin cu Feb 24 (2026), lenhcaan zerhkhat nak, caw 2 kha kan phan. Hi ni ah thawngṭha bia kan rel mi (Mt 6:7-15)chungah kan Bawipa Jesuh Khrih nih vancung kanpa thlacamnak kha a lamkaltu (12) hna sinah khan a cawn piak hna kha kan theih. Hi kan theihmi teah hin tuzan caan ah ruah ṭi kha kan duh mi hna a um. Hi kan relnak chungah hin Bawipa vancung i um mi kan pa timi le kan pa timi te kha tlawm pal te kha fianter hna le ruat ter kha ka duh. Vancung i ti tikah khan kan hal duhmi kan hal mi kan pa kan Pathian hi khoi kaa dah a um, zeinawl dah a ngeih, khoi ka in dah a um timi kha a kan theih ter a si. Kan biakmi kan Pathian cu cunglei ah a um mi asi. Cun kan pa tiah khan kan ti ṭhan i kan pa timi cu Pathian nih Pa le Fapa le Thiangthlarau min in Boptisma a ei mi vialte hna cu ai tlukmi a bangmi lawng te ule nau lawng te kha kan si.

 Vancung mi ka pa tiloin khan vancung i a um mi kan pa tiah khan kan ti. Hi vancungmi ka pa tiah kan ti asi ah cun ka pa timi cu Bawipa Jesuh Khrih lawnglawng nih hin “maw ka pa” tiah tinak nawl a ngei. Zeicahtiah si cun amah cu Pathian sinak kha ai bangin khan a ngei mi kha asi. Cucaah vancungmi kapa tiah khan a mah lawnglawng nih khan a ti khawh. Sihmanhsehlaw, amah a zum mi a mah dawtmi fale vialte, Khrihfa vialte hna cu vancung i a ummi kan pa tiah auh awk ah a kan cawn piaknak cu Bawipa Jesuh khrih ah a zum mi ule nau vialte cu bangrep kan si. Ailo mi lawngte kan si. Bawipa Pathian ah a lungkhat thinkhat te kha kan si awk asi. Cucaah thla kancamtik zongah hin, kanmah ca lawngkhan kancam lo i (tahchunnak) nifa kan herhmi rawl kan pe ko tiah kan ti zongah khan ‘nifa ka herhmi rawl ka pe ko’ tiah kan tilo i ‘kan herhmi rawl kha kan pe ko’ tiah khan kan ti. 

Cun ‘kan cung i a sualmi kan ngeihthiam hna bangin kan sualnak kha kan ngeih thiam ve ko’ tiah khan kan ngeihthiam ve ko tiin khan zapi cain khan kan hal duhmi kha asi. Kan mah pumpak ca lawng ah thlacam ding kha asi lo i, hi kan u kan nau kan mah bantuk in harnak a tongmi, kan mah bantuk in a nautaa mi, kanmah bantuk cio asi mi hawile vialte caah, vawlei cungah hin harnak a tongmi lawngte kha kan si. Cucaah phunkhat phunkhat in khan harnak a tongmi lawngte kan si caah hi harnak vialte hin kan luatkhawh nak hna tiin khan kan zapi tein khan thla kancam. Thla kancamtik ah hin caa lawng siloin khan kan hawi nu kan hawipa ca hna zongah khan thla kancam ve ti mi kha ruah kha a ho. Cucun hi ka ah a kan ruahter bikmi cu zeidah asi tiah cun ‘nan hawi nan u nan nau i a sual a palhnak kha nan ngeih thiam lo asi ah cun vancung i a um mi nan pa zongnih an ngeihthiam hna lai lo tiah khan fiangte in a kan chimh.’ Cucaah vancung kanpa thlacam ah hitihin nan cam awk si tiah a kan ti lengah khan, nan cung i ṭhat lo nak a tuah mi kha nan ngeihthiam hna lo ah cun nan mah nan sual nan palh nak zong kha Pa Pathian nih an ngeih thiam ve hna lai lo tiah a kan ti caah kan nih vialte nih thla kancam tikah hin “Aw kan nih hi misual lawngte kan si ti mi kha theih in khan misual mipalh mi kannih thla kancam tikah hin ra kan ngeih piak hram ko, misual kan si mipalh kan si timi kha kan i theih khawh zungzal nak hnga kha a herh. 

Cuti thla kancam tikah kan palhnak kan sualnak kan i ngaichiah kan i hngalh asi siah cun Bawipa Pathian nih kan sual kan palhnak vialte kha ngeih thiam dingah khan ready in khan a kan um piak. Cucaah Siangpahrang David zongkha vawlei cungah a sual a palh caan kha a um ko. Sihmanh sehlaw a nih cu tangdor tein khan a sual a palh tikah ka palh tuk aw, ka sual tukaw tiin khan Bawipa Pathian sinah nawlpatnak kha a tuah, rawl ulhnak kha a tuah, thla a cam. Kha tikah khan Bawipa Pathian nih a sual a palhnak vialte kha a hmai a milh piak dih. A mi Isreal mi hna nih ral kan do kho maw do kho lo tiah an ti i kha ti khan an minung lu kha i rel awk ah nawl a pek hna tikah khan hnu ah khan a ngeih chih ṭhan. Bawipa Pathian nih na ka zum lo na ka bochan lo. Minung thazaang na bochan tiin khan a rak ti tikah David Siangpahrang nih khan ka palh tuk ko, ka sual tuk ko, ka ngeih thiam hram ko tiin khan David Siangpahrang nih Pa Pathian siah nawl pat nak in thla a rak cam tikah khan a sualnak vialte kha a rak ngeihthiam timi kha kan hmuh. Cu tikah khan hi a sual a palh ko nain khan sualbu palhbu le ngai chihbu in khan thla a cam ṭhan tikah khan Bawipa Pathian nih a ral tuk ah teinak kha a pek ṭhan timi kha kan hmuh. 

Cucaah kan nih nih hi vancungkanpa thlacamnak hi kan cam tikah ṭha tein ruatsetset in khan kan cam i a bik in kan sual kan palh nak kha i hngalh zungzal in khan mah le mah tangah khan i chiah in khan thla kancam asi ah cun Bawipa Pathian nih kan thlacamnak hi a kan ngeih piak ko lai. Vancung kan pa thlacam kan tuah tikah kan lung vaivuan lo tein khan thlacam kha a ho fawn. Siangbawipa pakhat cu ramlak ah a kal i rang a cit i thlacam awk ah a kal tikah zumtu Khrihfa pakhat nih ‘Bawipa khoi ka dah na kal lai’ a ti tikah khan ‘ramlak ah lungdai tein thla kacam lai’ tiah a ti tikah khan zungtu Khrihfa pakhat nih khan ‘Bawipa kei cu lung vaivuam lo tein thla kacam kho ko tung’ tiah a ti tikah khan Siangbawipa nih ‘a ṭha kan hneksak tuah lai. Vancung kanpa thlacamnak hi a hramthawk a lai a dongh tiang lung vaivuan lo tein na cam khawh asi ah cun ka rangtum hi laksawng kan ṭhenh lai’ tiah a ti tikah khan “e” tiah khan a ti i cam a van i thawk i a tan paṭim ah khan a vawn cam tikah a dongh hlan ah khan “Bawipa hii na rangtum hi na ka pek asi ah cun a dan teh na ka pe chih lai maw” tiah khan a ti. Kha tikah khan Siangbawipa nih zei a ti ti asi ah cun “aa na thlacam a tanṭim in pei na lung a vaivuam i rang kawn he rangdan he ngah na duh cu. 

Cucaah hi vancungkanpa thlacamnak hmah kha a dongh tiang na cam khawh lo caah rangtum zong na ngah lai lo a dan zong na ngah lai lo tiah a ti ti si. Cubantuk in nangle kei zong hi thlacamnak kan cam tikah hin duhfak hakkauhnak in khan thla kan cam ṭheu tawn. Kan thlacam tantim zong in khan ruahnak dang le စိတ်ကူးယဥ် kha a rak ra tikah khan kan thlacam tanṭim zongah hin innlei rianṭuannak kongle nihin chung i rianṭuannak, ṭhaizing rianṭuannak dingkong hmuh hnga dingmi le rianṭuannak ding zong kha kan ruat tawn. Cuti kan ruah asi siah cun vancungkanpa kan thlacamnak hi zeihmanh man a ngei sual lai lo. Cucaah vancungkanpa thlacamnak Bawipa Jesuh nih a kan cawnpiak mi hi man ngei tein cam i zuam u sih. Hmual ngei dingtein khan cam i zuam usih. Lung aw tawm lo tein cam i zuam usih. Lung cheuchum lo tein cam i zuam usih. A thawk a lai a dongh tiang ruat setset in khan cam i zuam usih law, cuticun Pa Pathian nih a kan khamh ning tein khan hi tukforhnak vialte tei khawhnak zong asiah, cucun nitin te kan eimi kan herhmi tirawl te zong asi ah kan hal duhmi vialte kha a kan pek lai. Cun kan sual kan palhnak vialte ngeih thiam nak zong kha Bawipa Pathian nih a kan pek lai tiah khan bia tak te khan, ruahchih in khan thla kancam ah cun hi kan Bawipa Jesuh Khrih cawnpiaknak hi kan caah man ngei mi asi lai timi kha chimh le ruahbu in khan thlarau thazaang ah khan lak piak kha kan duhmi asi, hrawm kan duhmi hna cu asi. Kaa lawm tuk hrinhran.