Chair of St. Peter

(Lamkaltu Mithiang Peter i Siangpahrang Ṭhutdan Puai)

Audio (aw) zongin ngai khawh a si. 👇👇

Lamkaltu St. Peter i Siangpahrang ṭhutdan puai cu kumzabu (4) thawkin an rak tuah hmasa. Ṭhutdan hmelchunhnak cu a biapit tuk caah Pope a ṭhutnak kha a thiangmi ṭhutdan (Holy Chair) tiah sullam a ngeimi “Pope Hmunpi” “Holy See” tiah an auh. St. Peter i Siangpahrang ṭhutdan cu Bupi (Khrihfa vialte) cungah Pope cawnpiaknak nawl kha a langhter mi a si. Pope cu Bupi chung um Khrihfa vialte sinah zumhnak kong a cawnpiak tik hna ah Siangpahrang Ṭhutdan in (From the Chair) a cawnpiak hna kan ti khawh.

22 February cu Rome khua ah Bishop rian a ṭuan hmasat ni a si. Hlanlio pupa hna cawnpiak ningin le tehte ningin Missa an tuah tikah St. Peter nih a rak hman mi lungphel ṭhutdan cu St. Peter Biakinn a cungbik (Biakinn par) i thlapa cheu pungsan a khaan pakhat ah an khumh i an tuamchih tiah kan theih.

Khrih pumpak hrimhrim nih St. Peter kha amah a changtu hna a changchang in cawnpiak chinnak nawl a rak pek. Galilee rili kam ah Jesuh nih “Nang cu Lungtum, Peter na si kan ti. Cun hi lungpi cung ahhin ka Khrihfabu hram ka bunh lai i cucu thihnak hmanh nih a tei kho lai lo. Vancung pennak hunnak tawhfung zong cu kan pek lai i vawlei cung i na hrenh mi cu Vancung zongah hrenh a si lai i vawlei cung i na onh mi cu vancung zongah onh a si lai” tiah a rak ti. (Mt 16:18-19)

Mithiang Peter bantukin vawlei cung i Pope (267) hna cu Mithiang Peter i Siangpahrang ṭhutdan cungah an rak ṭhu i zumhnak le tuahnak hna cawnpiaknak ah zeitik hmanh ah an rak palh bal lo.