St. Peter Damian (1007-1072)
Bishop le Bible Thiamsang
Audio (aw) zongin ngai khawh a si. 👇👇
Austria khua Bishop a si i Bupi ah Bible Thiamsang a simi St. Peter Damian cu 1007 kum, Italy ram, Revina khua ah a rak chuak. A ngakchiat tein a nu le a pa nih an rak thihtak hna caah a chuahpi unau hna chungin amah kha sal bantukin tuah i vok hna kha a cawnghter mi a upa pakhat sinah a rak um. A upa pakhat nihcun a zaangfah ngai i ca cawn dingah sianginn ah a rak chiah. Siangngakchia a si lioah a thluak a rak á¹ha ngai i Professor a si tik zongah thiamnak he a tlingmi a rak si. Semrel rawl-ulh in sual ngaihchihnak, a chung angki kha rang-mei angki (shirt of hair) i hruknak le tangka peká¹henhnak hna kha a rak tuah. Mi sifak hna kha amah pumpak in rawl peknak hna a rak tuah.
A rauh hlan ah St. Damian cu Fonter Avellana i a ummi Benedict Zateik phungki Sianginn ah a lut i Sianginn uktu Zateik a á¹uan. Thlacamnak, rianhrang á¹uannak le a thianghlimmi thil hna kha chekhlat cawnnak ah a lung aa pe tawn i a siangngakchia hna kha lungdaihnak, dawtnak le tangdornak hna a rak cawnpiak hna. 1057 kum ah bawmhnak le ruahnak cheuh a rak orhmi Pope Steven IX nawl ngeihnak in Audtria le Valletri khua Bishop le Cardinal pakhat a rak si. Kum tlawmpal a rauh hnu ah Pope Alexandria sinah zaangfah a rak nawl caah Pope nih Zateik sinak ah kirá¹han dingin nawl a rak pek. St. Peter Damian nih Bupi remhá¹hannak ah biaknak eihmuarnak kha a rak doh. Nikhat cu Florence khua Bishop pa i chess aa celh lengmang nak kha sual a phawt i sual dantatnak caah Salm hla voithum sak ding le misifak pa 12 kha an ke á¹awl dingin a rak fial. St. Damian nih Zateik pawl ramdang kalnak zong kha a doh i Zateik nunzia ah lungdai tein umnak lawng a biapi mi a si, tiah a rak ti hna. Sual aa ngaichih mi hna cung tu ahcun aa tlak ningin a um thiammi a si. A ca á¹ialmi ah hitihin a rak á¹ial. “Ka dawt mi ka nau le hna, nan lungder hlah seh, nan ton liomi hna cu ‘sal’ pakhat i sifah thabatnak si loin nu le pa cawnpiaknak a ingmi ngakchia hna an tonmi bantukin an tonmi tu a si. Pathian nih minung kha a tu chan ah dan a kan pekmi cu hmaihlei can ah zungzal dantatnak in khamhnak caah a si. 1072 kum ah Faeza khua ah a rak thi i 1828 kum ah Bupi ah Bible thiamsang (Doctor) sinak an rak pek.