RUAHNAK PEKMI A PHUNPHUN
Kokek pawngkam he pehtlaimi harnak piahtana le cu hna fianternak hna he pehtlaih in naihniamnak a phunphun le ruahnak chuahpimi a phunphun a chuah kha kannih nih kan fehter a herh. Tahchunhnak kan chim ahcun cheukhat luantuk zumhnak a cohlangmi minung hna nih kokek pawngkam thurhnawmhnak piahtana nunning ziaza he pehtlaimi le a nganmi thlennak a herhmi hna piahtana a si lo, ningcang fimthiamnak a tharhlammi hna hmannak in piahtana fianter a si lainak kong, piahtana kha hrial buin saduhthah a lomi ṭhanchonak prokarem hna kha an rak hmuhsak cio.
A dang luantuk phu pakhat zong nih minung milu a karhnak le kokek pawngkam thurhnawmhnak zohkhenh khamh dingah minung rianṭuannak hna cu kokek pawngkam ningcang a dihlak kha a hrawm dih te lainak kong, a hnu pehzulhnak in minung milu karhnak kha tlaihkhip i, kokek pawngkam zohkhenhnak caah minung rianṭuannak vialte kha kham awk a si, tiah an chim cio.
Piahtana fianternak caah cohlan khawhmi prokarem kha a cunglei i langhter cangmi luantuk zumhnak pahnih karlak ah kawl awk a si. Zeicah kan ti ahcun a cunglei i ningcang a pahnih tein harnak piahtana kha a fianter khawh lo caah a si. Hi konglam hna ruangah piahtana fianternak caah ruahnak pek, ruahnak piahtana kha a kakip in a fianter kho mi ningcang hna kawl in hmuh khawhnak caah khuakhan ṭimi rianṭuannak a si.
Vawlei cung i kan ton liomi piahtana tampi hna caah Bupi (Khrihfa Bupi) leikap in a dikthliarmi fianternak chuah khawhnak dirhmun kan ngei lo. Asinain Bupi nih cun hi piahtana fianternak caah theihhngalhnak le thiamnak lei thiamsang hna karlak ah, aa lo lomi hmuhnak a um nain cu hna kha upat cio i, dinfel le hlangfang mi ceihmai khuakhan ṭinak kha thazaang pek in forhfial a herhnak kong kan hngalh.
Asinain kannih vialte hngatchanh in kan umnak hi vawlei pumpi cu remh ṭhan khawh a si hrimhrim ti lomi chiachia hruhru a rawk khomi umtu ningcang leiah a phanh kho ti kha a si ning tein kan hmuh khawh cio a hau. Sihmanhsehlaw kannih cu hi harnak piahtana in luatnak lam kawl khawh a sinak, kannih kan karhlaan in kir ṭhan khawh a sinak, kannih kan ton cuahmah mi piahtana kha tlangtlak fianternak caah pakhatkhat tuah khawh a sinak, kannih kan chiahmi a nganmi ruahchannak cu kannih kha a kan fehter piak.
Sihmanhsehlaw vawlei pumpi umtu ning cu a rang ngaimi thlennak le kokek pawngkam rawhnak le a ṭumchuknak hna ruangah thinphan awk sannak ri tiang a phaknak hmelchunhnak hna kha kan hmuh. Hi thil umtu ning hna cu a nganmi kokek vanchiatnak hna le zatlang nunphung piahtana he tangka leikap harnak piahtana a chuak khomi umtu ning leiah a phan i vawlei cung piahtana hna cu khat le khat pehtlaihnak an ngeih dih caah cu hna kha a dang tein ṭhen i cekhlatnak, fiang tein fianter i langhternak tuah khawh a si lo.
Minung hna cu minung hna i rianṭuannak dihlak i tinhnak kawltung kha an philh cio tawn. Vawlei cung pumpi in hmun he pehtlaimi ukchung ram hna kha kan zoh a si ahcun minung hna cu Pathian nih a rak kan ser lio in a chiahtakmi ruahchannak kha a herhmi a betchih khawh lonak kong lungrawk ngaiin kan hmuh.