Ash Wednesday (Vutcam Puai)
Audio (aw) zong in ngai khawh a si. 👇👇
Ulh caan chung rawl ulh caan hlan ah sualthlahnak Sacrament kha tuahnak thawngin a á¹hami ulhnak caah timhlamhnak phungphai a thawhnak ni kha ulh hlan ni (Shrove Tuesday) tiah auh a si. Rome thlanglei nih khakha (Farewell Meat) tiah an auh i, Germany ram ahcun (Fastmach) rawl ulh zaan tiah an auh. Cu ni cu mipi hna manh ni a si caah hlasak le laamnak in hoiher hmuhsak mi piahzat hna kha Siangpahrang inn hna ah an rak piah tawn. Kumzabu (8) thawk tein ulhnak i hmasabik ni kha Vutcam puai ni tiah an auh. Ngaihchiatnak kha langhter dingah vutcam hna hmannak cu, Judah mi hna i puai hna in laakmi si dawh a si.
Ulhnak (Lent) timi biafang cu Teutonic in a rami a si i, á¹halcaan kha a chim duh. Hi thil cu Bupi i tuan deuh caan hna ah aa ngaichih mi misual hna caah sual luatternak le tipilnak in dingin timhlamh ter mi hna caah timhlamhnak caan a si. A tlangpi in Khrihfa hna caah remhá¹hannak le ulh caan a si. A thiangmi thawhá¹hannak (Easter) puai caah ulh caan ni (40) chung timhlamhnak cu AD 325 kum (Nicaea Council) leiah a fian khawh chungin nithla an khenhá¹han. Ni (40) nak ni tiah sullam a ngeimi Latin min (Quad Ragesima) nih Moses, Elijah le Kan Bawi Jeush Khrih pumpak hrimhrim nih a rak tuah mi rawl ulhnak kha ralrin a kan pek. Ulh caan kha cacawn nithum ni ah a thawk i, rawl ulhnak ni (40) si dingah (Zarhpini kha rel chih loin) kumzabu (8) ah Rome hmannak leiah ri an khiahá¹han.
A ngaite cu, khulrang mi phungphai hna ah thlennak nganpi hna a rak um. Kumzabu (5) ah Khrihfa tampi hna cu ulh caan chung nikhat ah voikhat lawng an rak ei. Chun hnu suimilam pathum hnu ahcun midang hna nih changreu car hmanh kha ei lo dingin an chimh hna. Sihmanhsehlaw, hi suimilam caan cu kan holh in ‘chunlai’ timi chunlai caan leiah kumzabu (14) ah duhsah in a rak i thleng. A tlangpi in ulh caan ni hna, Zarhpini hna ah sa le mitsur zu kha nawl an onh hna lo. St. Gregory chan ah denuk, thawhpat, cawhnuk kham (asiloah) arti hmanh an rak ei lo. Kumzabu (9) ah chun i rianá¹uan mi Zateik hna kha zanlei sang ahcun ti chim lo din awk phun poah hman dingin nawl peknak order kha kan theih. Zinglei sangah coffee le changreu car tlawmpal ei dingin nawl onhnak cu a rauh hlan te kumzabu (19) lawngin a si.